Ուրբաթ, 22 Մայիսի 2015 14:29

 Ասիայի և Խաղաղօվկիանոսյան հարցերով տնտեսական և սոցիալական հանձնաժողովը (EACAP), որը հանդիսանում է ՄԱԿ-ի Տնտեսական և սոցիալական Խորհրդի հինգ տարածաշրջանային հանձնաժողովներից մեկը, կատարել է մեծ տարածաշրջանի երկրների տնտեսական աճի կանխատեսումներ:

 

Ըստ օրերս հրապարակված` «Կայուն զարգացման ներքին աճի ապահովում» զեկույցի, Հայաստանի տնտեսական աճը 2015 թվականին կկազմի 0.9%, իսկ գնաճը` 4.7%: Ըստ փորձագետների, երկրի տնտեսական աճի նվազման տեմպերը կապված են հետճգնաժամային փուլում լեռնարդյունաբերական հումքի գների անկման, գյուղատնտեսական թույլ աճի, շինարարական հատվածի ստագնացիայի, ինչպես նաև մասնավոր տրանսֆերտների ծավալների նշանակալից անկման հետ: ESCAP փորձագետները գտնում են, որ, չնայած գնաճի նվազմանը, 2014 թվականին երկրում էապես թուլացել է նաև սպառման մակարդակը, ինչին նպաստում են` գործազրկության բարձր ցուցանիշը (15%), իրական եկամուտների նվազումը և տրանսֆերտների կրճատումը: Փորձագտները հույս են հայտնում, որ Հայաստանին կհաջողվի հաղթահարել այդ դժվարությունները և 2016 թվականի արդյունքներով կսկսվի վերականգնման փուլը և ՀՆԱ աճը կկազմի 2.3%: Սակայն, տնտեսական աճի վերականգնման հետ կապված դժվարություններն անմիջական կորելյացիայի մեջ են մասնավոր դրամական փոխանցումների ծավալների հետ, որոնք կազմում են ՀՆԱ-ի 13%-ը:

 

Մինչդեռ, մի շարք միջազգային ֆինանսական կառույցներ վատթարացել են Հայաստանի 2015 թվականի տնտեսական աճի կանխատեսումները: Մասնավորապես, ԱՄՀ –ն կանխատեսել է  մինուս 1%, իսկ գնաճը` մինչև 6,4%, Համաշխարհային բանկ` 0.8% (նախորդ` 3,3%-ի փոխարն), ԵԱԶԲ` 3,8%, ՎԶԵԲ` մինուս 1,5%, Ասիական զարգացման բանկ` + 1.6%: Fitch վարկանիշային գործակալությունն սպասում է մեղմ ռեցեսիա, կապված Ռուսաստանի տնտեսական վիճակի հետ, իսկ Moody’s գործակալությունը կանխատեսում է 2.3% աճ: «Հայաստանի Հանրապետության 2015 թվականի պետական ​​բյուջեի մասին» օրենքում ՀՆԱ-ի իրական աճը նախատեսված է 4.1%, գնաճը`4% (+ 1.5%), իսկ ՀՆԱ-ի դեֆլյատորը` 3,3%:

 

Ըստ ՀՀ Ազգային վիճակագրական ծառայության տվյալներով, տնտեսական ակտիվությունը Հայաստանում 2015 թվականի հունվար-ապրիլին աճել է 2.7%, իսկ միայն  ապրիլին` 3,4%: նդ որում ամենաբարձր աճը, ինչպես տարեկան, այնպես էլ ամսական կտրվածքով ապահովել է գյուղատնտեսության ոլորտը, համապատասխանաբար` 4,8% և 46.6%: Գնաճը 2015-ի հունվար-ապրիլին կազմել է 1,9% (տարեկան ցուցանիշը`5%), իսկ միայն ապրիլի գրանցվել էր 0.4% դեֆլյացիա: 2014-ին ՀՆԱ-ի աճը կազմել էր 3,4% (2013-ի 3.5% աճի փոխարեն), ընդ որում, աճի ամենաբարձր տեմպերը ցուցադրեցին` գյուղատնտեսության ոլորտը և սպասարկման ոլորտը, իսկ գնաճը կազմեց 4,6% (2013-ի 5.6%-ի փոխարեն):