Arminfo: Նորություններ

Եվրահանձնաժողով. Հայաստանի խորհրդարանական ընտրությունները միջազգային ստանդարտներին չեն համապատասխանել

Thu, 17 May 2012 09:04:00 GMT

Այս ամսվա սկզբին Հայաստանում ընթացած խորհրդարանական ընտրությունները դեռևս չեն համապատասխանել միջազգային ստանդարտներին: Այդ մասին ասվում է նախօրեին Եվրահանձնաժողովի հրապարակած զեկույցում, որն առնչվում է ԵՄ հարևան պետություններին:

Միևնույն ժամանակ, չնայած ընտրությունների վերը նշված քաղաքական գնահատականին, փաստաթուղթը ներառում է գովասանքի խոսքեր Հայաստանի ընտրական օրենսգրքի վերջին փոփոխությունների առնչությամբ: Իր զեկույցում Եվրահանձնաժողովը բարձր է գնահատում Հայաստանի հաջողությունները ժողովրդավարության և մարդու իրավունքների բնագավառում, սակայն նշում է, որ Երևանն առաջվա պես ստիպված է գործ ունենալ թերությունների հետ այնպիսի բնագավառներում, ինչպիսիք են կոռուպցիան և ԶԼՄ-ների ազատությունը: Զեկույցը քննադատաբար է անդրադարձել զանգվածային լրատվամիջոցների ազատությանը` վկայակոչելով վիրավորանքի և զրպարտության մեղադրանքով լրագրողների դեմ հարուցված դատական հայցերը և հեռուստատեսային հեռարձակման սահմանափակումը: Փաստաթղթում նաև ասվում է, որ ՙդատական համակարգի նկատմամբ հասարակության վստահությունը մնում է ցածր, իսկ կոռուպցիան` բարձր՚: Զեկույցում նաև նշվում է, որ ԵՄ-Հայաստան ասոցացման շուրջ բանակցությունները ՙլավ տեմպով առաջ են ընթանում՚:

Բունդեսթագի պատգամավոր. Անհրաժեշտ է պահպանել ժողովուրդների ինքնորոշման իրավունքը

Wed, 16 May 2012 17:15:00 GMT

Գերմանիայի Բունդեսթագի պատգամավոր, Կանաչների կուսակցության անդամ Ֆոլկեր Բեքն հայտարարել է, որ Լեռնային Ղարաբաղի խնդրի կարգավորումը տեսնում է միմիայն խաղաղ ճանապարհով:

Ինչպես հաղորդում է Trend-ը, այդ մասին այսօր հայտարարել է Բեքը Բաքվում ժողովրդավարության հարցերին նվիրված միջոցառման ժամանակ:

Սեքսոպաթոլոգ. Հայաստանում համասեռամոլները չեն շատացել, մեծացել է հասարակական ուշադրությունը

Wed, 16 May 2012 17:14:00 GMT

Հայաստանում համասեռամոլները չեն շատացել, մեծացել է հասարակական ուշադրությունը, այսօր մամլո ասուլիսի ժամանակ հայտարարել է սեքսոպաթոլոգ Սևադա Հակոբյանը:

Նրա խոսքով, 2012 թ. սկզբին եվրոպացի մասնագետներն ուսումնասիրություններ են անցկացրել, որոնք ցույց են տվել, որ ուշադրությունը սեռական փոքրամասնութունների նկատմամբ ավելացել է, սակայն նրանց քանակը չի սպառնում է հայապահպանությանը: Ըստ որում, սեքսապաթոլոգը նշել է, որ հայկական ԶԼՄ-ների կողմից PR-ը կարող է բազասաբար անդրադառնալ դեռահասների զարգացման վրա՚,- նշել է նա:

Կառավարման փորձագետ Հարություն Մեսրոբյանն իր հերթին նշել է, որ իրականում Հայաստանում համասեռամոլների թվի և երկրում նրանց գործունեության շուրջ բարձրացված աղմուկն արհեստական է և բարձրացվել` հայ հասարակության ուշադրությունը կենսական կարևոր շատ խնդիրներից շեղելու նպատակով:

Դավիթաշեն գյուղի ու հարակից տների բնակիչներն արդեն մեկ շաբաթ է ջուր չունեն

Wed, 16 May 2012 17:13:00 GMT

Դավիթաշեն գյուղի ու հարակից տների ¥Մելքումովի փող.¤ բնակիչներն արդեն մեկ շաբաթ է անհայտ պատճռներով ջուր չունեն: Ավելին, ՙԵրևան Ջուր՚ ընկերությունը ոչ միայն միջոցներ չի ձեռնարկում ջրամատակարարումը վերականգնելու ուղղությամբ, այլ նև հարկ չի համարում պարզաբանելու պատճռները: Ընդ որում, ընկերության տնօրենն անորսալի է:

ԱրմԻնֆո գործակալությանը բնակիչների կողմից ուղարկված մամուլի հաղորդագրության մեջ նշվում է հետևյալը.

ՙՇուրջ մեկ շաբաթ է` ջուր չունենք, ընդ որում, անհայտ պատճառով: Երևան ջուր ընկերությունը, որ պարտավորվել է իր բաժանորդներին շուրջօրյա ջրով ապահովել, որևէ քայլ չի ձեռնարկում ջրամատարակարումը վերականգնելու ուղղությամբ: Ավելին ընկերության օպերատորական ծառայության աշխատակիցներից հնարավոր չէ որևէ պարզաբանում ստանալ: Այս ծառայությունը նախատեսված է մարդկանց մոլորեցնելու, հիմարացնելու ու սարսափելի սթրեսի մեջ գցելու համար, իսկ տնօրենն ընդհանրապես անհասանելի անձ է: Յուրաքանչյուր բաժանորդի զանգը կամ ինչ-որ բան իմանալու փորձ ավարտվում է նրանով, որ ծառայության օպերատորը գրանցում է բաժանորդի հասցեն ու համարը, խոստանում է ճշտել պատճառն ու երկու ժամից տեղեկացնել: Մի քանի ժամ անհույս սպասելուց հետո, երբ կրկին ես զանգահարում, վերցնում է մեկ այլ օպերատոր ու կրկին առաջարկում ասել հասցեն ու հեռախոսը, քանի որ ինքը տեղյակ չէ` նախկին օպերատորն ինչ է ճշտել: Հաջորդ զանգին էլ, բնականաբար, կամ այլ օպերատոր է պատասխանում` լրիվ անտեղակ լինելով նախկինի աշխատանքից կամ ծառայության օպերատորները ուղղակի զանգին չեն պատասխանում` ենթադրաբար ֆիքսելով հեռախոսահամարդ: Ու այդպես օրեր շարունակ: Ընդ որում, սա մեր համայնքում երկարատև ջրանջատման առաջին դեպքը չէ: 2011 թվականի ամբողջ սեպտեմբերին մի ամբողջ ամիս մենք ստիպված էին այլ տեղերից ջուր բերելով հոգալ մեր կենցաղային խնդիրը, քանի որ Երևան ջուր ընկերությունից այդպես էլ մի հոդաբախշ մեկնաբանություն կամ լուրջ հիմնավորում չէինք ստանում` ինչ պատճառով ջուր չունենք, ինչ քայլեր է ձեռնարկում ընկերությունը ջրամատարակարումը վերականգնելու համար կամ երբ կվերակագնվի ջրամատարակումը: Ու արդեն ոչ մի հույս չունենք, որ ընկերությունը կարող է հիշել բաժանորդների առաջ իր ունեցած պատասխանատվության մասին:

Նման վերաբերմունքի արժանանալուց հետո մեզ` Դավիթաշեն գյուղի ու հարակից տների (Մելքումով փողոց) բնակիչներիս, ուղղակի ծաղրանք է թվում կայքի պաշտոնական էջում գրված վերամբարձ խոսքերն այն մասին, որ իրենք գիտակցում իրենց առօրյա գործողությունների ազդեցության չափը բնակչության կենսապայմանների բարելավման վրա ու արժևորում են իրենց հաճախորդներին:

Բաժանորդներին խաբելով, արհամարհելով ու անգործությա՞մբ են արժևորում նրանց: Ե՞րբ է ընկերությունը իրապես գիտակցելու իր պատասխանտվության չափը ու հաշվետու լինելու իր բաժանորդների առաջ՚,-նշվում է Դավիթաշեն գյուղի ու հարակից տների (Մելքումով փողոց) մի խումբ բնակիչների կողմից ուղարկված հաղորդագրության մեջ:

Արամ Կարապետյան. Հայաստանում հասունանում է ժողովրդական խռովություն

Wed, 16 May 2012 17:12:00 GMT

Հայաստանում հասունանում է ժողովրդական խռովությունը, որը կարող է անհրաժեշտ ուղղությամբ ընթանալ`պատգամավորական մանդատներից հրաժարված անձանց առաջնորդության դեպքում: Այդ մասին այսօր մամլո ասուլիսի ժամանակ հայտարարել է ՙՆոր ժամանակներ՚ կուսակցության առաջնորդ Արամ Կարապետյանը:

ՙԸնդդիմությունը, հեղափոխությունից բացի, այլ ելք չունի: Խորհրդարանում ընդդիմադիր բոլոր կուսակցությունները միասին բացարձակ փոքրամասնություն են կազմում, և սկանդալներից բացի, ոչինչ անել չեն կարող, քվեարկությունների ժամանակ նրանց մասնակցությունն աննշան է, իսկ նրանց կարծիքը Հայաստանի հանրապետական կուսակցությանն ընդհանրապես չի հետաքրքրում՚,- հայտարարել է նա: Սակայն, Կարապետյանը նշել է, որ հնարավոր հեղափոխության հիմնական հրահրողներ կարող են դառնալ ՙԲարգավաճ Հայաստան՚ կուսակցությունը՚, եթե ՀՀԿ-ի հետ կոալիցիա չկազմի, Հայ ազգային կոնգրեսը և ՙՍարդարապատ՚ շարժումը:

Կարապետյանը նաև նշել է, որ Հայաստանի իշխանություններն արդեն կորցրել են հեղինակությունը միջազգային հանրության, մասնավորապես`ՌԴ նախագահ Վլադիմիր Պուտինի աչքում: Նրա խոսքով,
դրա հերթական ապացույցը Հայաստանի նախագահի հանդիպումն էր ՌԴ վարչապետ Դմիտրի Մեդվեդևի հետ: ՙՊուտինը չի ցանկացել հանդիպել Սարգսյանի հետ, և դա շատ բանի մասին է վկայում: Նա նաև չի պատրաստվում օգնել Հայաստանին, քանի դեռ մենք չենք անդամակցել Եվրասիական միությանը՚,- նշել է Կարապետյանը:

Միաժամանակ քաղաքական գործիչը հաղորդել է, որ մասնակցելու է 2013 թ. նախագահական ընտրություններին: Նրա կարծիքով, խորհրդարանական ընտրությունները Հայաստանում ոչինչ չեն փոխում, մինչդեռ նախագահական ընտրություններից կախված է երկրի ճակատագիրը: