Հինգշաբթի, 26 Նոյեմբերի 2015 20:30

 Հայաստանի վարկային շուկայի նեղացումը միայն մասնակիորեն է ազդում բանկային քարտերի զարգացման հատվածի վրա: Չնայած բացասական միտումներին, երկրում դիտվում է պլաստիկ քարտերի որոշակի պահանջարկ` որպես վճարային գործիքի և ընթացիկ հաշիվների մուտքի: Ավելի շատ անձինք են սկսել օգտվել քարտային համակարգից`ֆինանսական միջոցներն ավելի հուսալիորեն, արագ և հարմարավետ կառավարելու համար: Հայաստանի քարտային շուկայում տիրող իրավիճակի մասին ԱրմԻնֆո գործակալությանը նման կարծիք են հայտնել ՎՏԲ-Հայաստան Բանկում:

 

Ըստ բանկի մասնագետների, վարկավորման տեմպերի դանդաղման պատճառով պետք չէ այս հատվածում ակնկալել էական փոփոխությունների, քանի որ, փորձը ցույց է տալիս, որ ավելի շատ անձինք են սկսել օգտվել քարտային համակարգից` ֆինանսական միջոցներն ավելի հուսալիորեն, արագ և հարմարավետ կառավարելու համար: Հետևաբար, դեպի «պլաստիկն» ընթացող վարկային շուկայից էական ճնշումներ պետք չէ ակնկալել, այդ թվում նաև սակագների և միջնորդավճարների բարձրացման առումով, որպես բանկերի լրացուցիչ եկամուտների:

 

Միևնույն ժամանակ, ՎՏԲ-Հայաստան բանկի մասնագետները գտնում են, որ Հայաստանի քարտային շուկան ֆիզիկական ենթակառուցվածքների և  «սոֆթերի» տեսանկյունից զարգացած է, և օբյեկտիվ պատճառներով, բանկային հաճախորդների վիրտուալ միջավայր դուրս գալու հարցն այդքան սրորեն չի դրված, չնայած Հայաստանի բնակչությունը, իսկ առաջին հերթին Երևանի բնակիչները, նույնպես ընթանում են ժամանակի ոգով: Որպես արդյունք, Հայաստանի բանկերն առաջարկում են ավելի նոր տեխնոլոգիական պրոդուկտներ, այդ թվում նաև շարժական տեխնոլոգիաների հիման վրա: Ինչ տեխնոլոգիաներ է շուկա դուրս բերում ՎՏԲ-Հայաստան Բանկը, որը երկար տարիներ հանդիսանում է երկրի քարտային շուկայի առաջատարը, ոչ միայն քարտերի քանակով, այլ նաև գործարքների ընդհանուր ծավաներով և ինովացիոն պրոդուկտների ներդրոմով: «Չնայած ընթացիկ բարդություններին, մենք հետագայում էլ չենք նահանջի մեր ռազմավարությունից և սիստեմատիկորեն կզարգացնենք մեր պրոդուկտներն ու տեխնոլոգիաներն այդ ուղղությամբ: Ներկայումս ունենք մի քանի նախագիծ` վճարման ձևերի և թերմինալների զարգացման, ինչպես նաև հաճախորդների լոյալության և կուտակային համակարգերի ներդրման գծով: Տարվա ընթացքում մենք մշտապես կհայտարարենք այդ նախագծերի մանրամասները»,-տեղեկացրել են գործակալությանը բանկում:

 

Պատասխանելով տոկոսադրույքների կրճատման նպատակով քարտային շուկայի շրջանակներում բանկային համատեղ ծառայությունների արդյունավետության աստիճանի վերաբերյալ հարցին, բանկի մասնագետներն ընդգծել են, որ նման ռազմավարությունը, հաշվի առնելով շուկայի փոքր չափերը, լիովին արդարացված են: «Այդ ուղղությամբ մենք ունենք հաջողված փորձ: 2014 թվականին մենք գործարկեցինք, այսպես կոչված, բանկոմատների գործընկերային ցանցը, ԱԿԲԱ ԿՐԵԴԻՏ ԱԳՐԻԿՈԼ Բանկի հետ, և գոհ ենք արդյոնքներից: ՎՏԲ-Հայաստան Բանկն ունի իր սեփական պրոցեսինգը, որը կապված չէ ՎՏԲ Խմբի հետ, իսկ դրա առկայոթյունը որոշակի ճկունություն է հաղորդում նոր գաղափարների և պրոդուկտներ ներդրմանը»,-նշել են բանկում: Միաժամանակ ընդգծելով, որ ՎՏԲ-Հայաստան Բանկը մեծ ուշադրոթյուն է դարձնում տեխնոլոգիական զարգացմանը և աշխատում է, որպեսզի հետ չմնա համաշխարհային տրենդից, որը նախատեսում է ավանդական գրասենյակների ու մասնաճյուղերի լիակատար փոխարինումը տեխնոլոգիականով: «Զարգացումն այս ոլորտում ընթանում է ամբողջ թափով և ողջ շուկայով: Շատ շուտով, առաջիկա տարիներին, մենք բոլորս կդառնանք այդ փոփոխոթյունների ականատեսը: 2012 թվականին մեր մասնաճյուղային ցանցում ներդրեցինք վճարային թերմինալներ, որոնք ներկայումս մեծ մասսայականոթյուն են վայելում, և որոնց թիվը գնալով աճում է: Դա վկայում է այն մասին, որ շուկան պատրաստ է նման փոփոխոթյուններին»,-ընդգծել են բանկում:

 

Ըստ ԱրմԻնֆո գործակալության` «Հայաստանի բանկերը քարտային բիզնեսում« վերլուծական Տեղեկագրի, ՎՏԲ-Հայաստան Բանկը 2015 թվականի նոյեմբերի սկզբին թողարկել է իր հոբելյանական, 500 հազարերրորդ քարտը, ամրապնդվելով թողարկված քարտերի թվով առաջատարի իր դիրքերը: 2015 թվականի հոկտեմբերի 1-ի դրությամբ բանկի ակտիվ քարտերի թիվն աճել է 25.5%, այդ թվում, Visa քարտերի թիվը` 20.3% (այդ թվում, մոտ 92 հազար կենսաթոշակային քարտ), որով նույնպես առաջատարն է: Բանկը 2 տարի առաջ դառնալով MasterCard համակարգի անդամ, մինչև 2015 թվականի  հոկտեմբերը կարողացավ թողարկել այդ համակարգի ավելի քան 25 հազար քարտ, տեղ գրավելով առաջատարների հնգյակում:

 

Պլաստիկ գործարքների ծավալով նույնպես բանկն առաջին դիրքում է` ավելի քան 143 միլիարդ դրամ, 2015 թվականի 9 ամիսների ընթացքում, տարեկան աճը 19%: 2015 թվականի հոկտեմբերի 1-ին բանկն ուներ 267 սեփական POS- տերմինալ և 158 բանկոմատ:

 

Նշենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ՀԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկայումս բանկն ունի մասնաճյուղային ամենալայն ցանցը Հայաստանում` 67 մասնաճյուղ: