Գեոթիմ ՓԲԸ 100% բաժնետեր Լիդիան ինթերնեյշնլ լիմիթիդը հայտարարել է, որ Համաշխարհային բանկի խմբի անդամ Միջազգային ֆինանսական կորպորացիան (IFC) առաջարկել է Ամուլսարի շինարարության ֆինանսավորման համար ներդնել 40 միլիոն ԱՄՆ դոլար:
Ինչպես ԱրմԻնֆո գործակալությանը տեղեկացվել է Գեոթիմ ընկերության մամուլի ծառայությունից, IFC-ի մասնակցությունը կարող է ներառել Orion Mine Finance (Orion) և Resource Capital Fund VI L.P (RCF) ի կողմից Ընկերության 80 միլիոն ԱՄՆ դոլարի բաժնետոմսերի ուղղակի վաճառքի և 25 միլիոն ԱՄՆ դոլար բաժնետոմսերի հանրային վաճառքի առաջարկության նկատմամբ իր նախապատվության իրավունքի ամբողջական կամ մասնակի իրականացում, ինչպես նաև Orion-ի և RCF-ի կողմից իրականացվող սթրիմինգի, վարկավորման և գերածախսի ֆինանսավորման մեջ մասնակցություն:
«IFC-ն կարևոր բաժնետեր է Լիդիանի համար և երկար տարիներ եղել է Ընկերության արժեքավոր գործընկերը: IFC-ն բարձր հեղինակություն ունեցող ներդրող է, որը հայտնի է իր կողմից ֆինանսավորվող ծրագրերի բնապահպանական և սոցիալական բարձրակարգ կառավարման մեջ մեծ ներդրմամբ: Ուրախ ենք, որ IFC-ն, Orion-ի և RCF-ի հետ միասին տրամադրելու են ֆիանսական և այլ աջակցություն Ընկերությանը Ամուլսարի ծրագրի զարգացման համար»,- ասել է Լիդիան Ինթերնեյշնլի գլխավոր գործադիր տնօրեն և նախագահ Հովարդ Սթիվենսոնը:
IFC-ն Ընկերության բաժնետեր է 2007 թ-ից և այս պահին տնօրինում է ընկերության թողարկված բաժնետոմսերի մոտ 7.9%: Հիշեցնենք, որ 2015թ. դեկտեմբերի 1-ին Lydian International ընկերությունը Orion և RCF ներդրումային հիմնադրամների հետ համաձայնեցրել էր Ամուլսարի ոսկու հանքավայրի շինարարության ֆինանսավորման փաթեթը, որը կազմում է 330 մլն.դոլար:
Ավելի վաղ, նոյեմբերի 20-ին, Lydian-ը հայտարարել էր Ամուլսարի նախագծի օպտիմալացման արդյունքների մասին: Մինչև շահագործման փուլին անցնելն ընկերությունը կարողացել էր հասնել կապիտալ ծախսերի 1.3% կրճատման, մինչև 370 մլն. դոլար, ընդ որում, նախագծի կայունության ապահովման ծախսերը (al-in sustaining costs – ամբողջական ինքնարժեք) նվազեցին 17%, մեկ ունցիա ոսկու արդյունահանման համար կազմելով 585 դոլար:
Orion Mine Finance-ը խումբ է, որը մասնագիտանում է հանքարդյունաբերական նախագծերի ֆինանսավորման ոլորտում: Ընկերությունը փոքր հանքարդյունաբերական ընկերություններին տրամադրում է գունավոր և թանկարժեք մետաղների արդյունահանման ճկուն ներդրումային լուծումներ: Orion-ը տրամադրում է նաև պարտքային գործիքների միջոցով ֆինանսավորման հնարավորոթյուն, կապիտալի մասնակցության, արտադրանքի և արժեթղթերի վաճառքի, ինչպես նաև արտադրանքի նախնական ձեռքբերման և ռոյալթիների վճարման եղանակներով:
Resource Capital Funds- ը մասնավոր կապիտալով ընկերության է, որը հիմնադրվել է 1998 թվականին: RSF-ը մասնագիտանում է հանքարդյունաբերության ոլորտի ներդրումներում: Հիմնադրման պահից ընկերությունը 29 լեռնային ապառների արդյունահանման շրջանակներում արդեն ֆինանսավորել է 45 երկրների 142 հանքարդյունաբերական ընկերությունների:
Նշենք, որ Ամուլսարի ոսկու հանքավարն իր պաշարներով երկրորդն է Հայաստանում: Ամուլսարի ծրագրի շրջանակներում, որի ներդրումային արժեքը կազմում է 420 մլն.դոլար, շինարարության ընթացքում կստեղծվի 1500 աշխատատեղ, իսկ հանքավայրի շահագործման 10 տարիների ընթացքում` 700 աշխատատեղ: Lydian International ընկերությունը հիմնվել է Մեծ Բրիտանիայում, 2005 թվականին, հանդիսանում է Գեոթիմ ՓԲԸ միակ բաժնետերը, որը լայնամասշտաբ երկրաբանա-հետախուզական աշխատանքներ է իրականացնում 2006թ-ից և ինքն էլ ձեռնամուխ կլինի հանքավայրի շահագործմանը: 2006 թվականից երկրաբանական հետախուզական աշխատանքներին ուղղված ներդրումներն արդեն կազմել են 70 մլն. դոլար: Ընկերության հիմնական բաժնետերերն են միջազգային ինստիտուցիոնալ ներդրողները` IFC, EBRD և Newmont Mining Corporation-ը: Lydian ընկերությունը նախատեսում է 2015-2016 թվականներին Ամուլսարի կապիտալ ներդրումները հասցնել 426 մլն. դոլարի: Ըստ նախագծի տեխնիկա-տնտեսական հիմնավորումների, ոսկու հաստատված պահուստները հանքավայրում կազմում են 2.5 մլն.ունցիա:, արդյունահանվող պահուստները` 2.1 մլն.ունցիա: Հանքավայրի շահագործման ժամկետը կազմում է 10 տարի ու 4 ամիս: Նախատեսվում է տարեկան միջին հաշվով ստանալ 200 հազար ունցիա ոսկի (10 մլն.տոննա հանքանյութ): Մեկ ունցիա ոսկու ստացման նվազագույն ծախսերը կազմում են 642 դոլար: Ոսկու ստացման ընդհանուր ցուցանիշը կազմում է 84%: Ավելի վաղ Lydian International-ն Ամուլսարի նախագիծը ներկայացրել էր միջազգային ցուցահանդեսում և Կանադայի «Լեռնարդյունաբերության ոլորտի առաջադեմ տեխնոլոգիաները» խորագրով ներդրումային համաժողովում (The Prospectors and Developers Association of Canada) - PDAC-2015:
Քաղաքագետ. Հայաստանում իրավիճակը փոխելու միակ հնարավորությունը վաղաժամկետ խորհրդարանական ընտրությունների անցկացումն է
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
"Խաղաղության խաչմերուկն" իրականությունից կտրված նախագիծ է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
Երևանում մայիսմեկյան երթ կանցկացվի. Խաղաղություն, աշխատանք, Մայիս
Թեհրան. Հարավային Կովկասում օտարերկրյա զորքերի ներկայությունը չի նպաստում անվտանգության և կայունության հաստատմանը
Լավրով․Հայաստանի իշխանությունների միակողմանի զիջումները Հայաստանի սահմանները դարձնում են շարժական
"Ինչ լավ է, որ 50 մետր հեռավորության վրա Ադրբեջանն է". Փաշինյանը տավուշցիներին նշել է ադրբեջանցիների հետ առևտրի հեռանկարները
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Ռուս սենատոր. Հայաստանի իշխանությունների այսօրվա քաղաքականությունը կարող է հարված հասցնել տարածաշրջանային և համաշխարհային գործերում Երևանի հեռանկարներին
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
