Անելիք Բանկը ներդրել է համատեղ՝ Hotel Express VISA Gold քարտ, որը քարտապանին հնարավորություն է տալիս ունենալ առավել ապահով ու հաճելի ճամփորդություն:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, Hotel Express VISA Gold քարտն իր մեջ ներառում է հատուկ արտոնությունների մի ամբողջ փաթեթ` ուղևորությունների, հանգստի, ռեստորաններից օգտվելու և գնումների համար։ Տվյալ քարտատեսակի քարտապանները կդառնան ճամփորդողների ակումբի արտոնյալ անդամ և կստանան հատուկ զեղչեր՝ աշխարհի 140 երկրների շուրջ 80 000 հյուրանոցներում: Hotel Express VISA Gold քարտը տալիս է նաև մեքենաների մատչելի վարձակալության հնարավորություն (SixT – մինչև 20% զեղչ) ավելի քան 100 երկրներում, ինչպես նաև ﬕնչև 15% զեղչ՝ 60 երկրների 250 օդանավակայանների լոունջ բառերի անցաքարտի համար (Lounge Pass): Hotel Express VISA Gold քարտի հետ մինչև 15% զեղչով տրամադրվող Priority Pass քարտերն ապահովում են մուտք աշխարհի 100 երկրների ավելի քան 700 VIP լոունջ բառեր:
«Անելիք Բանկի կողմից ներդրված Hotel Express VISA Gold համատեղ քարտը միակն է հայաստանյան բանկային շուկայում՝ նախատեսված հիմնականում այն հաճախորդների համար, ովքեր տարվա մեջ առնվազն մեկ անգամ ճամփորդում են։ Բացի վերոհիշյալ առավելություններից, կնշեմ նաև այն, որ Hotel Express VISA Gold քարտը տրամադրում է վարկային գծի հնարավորություն և այլ արտոնություններ ևս, որոնք առավելագույնս կհեշտացնեն ու կթեթևացնեն ճամփորդության ժամանակ առաջացած հնարավոր խնդիրները, միևնույն ժամանակ առավել մատչելի դարձնելով մեր հաճախորդների ճամփորդությունը»,- նշել է «Անելիք Բանկ» ՓԲԸ Հասարակության հետ կապերի պատասխանատու Աստղիկ Մարտիրոսյանը։
«Անելիք Բանկ» ՓԲԸ-ի վերաբերյալ լրացուցիչ տեղեկությունների համար կարելի է այցելել http://www.anelik.am/ էլեկտրոնային կայք:
Ըստ ԱրմԻնֆո գործակալության` «Հայաստանի բանկերը քարտային բիզնեսում» վերլուծական տեղեկագրի, Անելիք Բանկի ակտիվ քարտերի քանակը 2015 թվականի ապրիլի 1-ին կազմել է ավելի քան 47 հազար, որից ավելի քան 20 հազարը կազմել են Visa քարտերը, ավելի քան 19 հազարը`ArCa, իսկ մնացած մոտ 7 հազարը` MasterCard քարտերը: Պլաստիկ գործարքների ծավալը 2014 թ կազմել է շուրջ 32 մլրդ դրամ (տարեկան աճը` 60%), որից ավելի քան 89% կազմել են բանկոմատային գործարքները (բացարձակ արժեքի տարեկան աճը` մոտ 2 անգամ): Նույն օրվա դրությամբ բանկն ուներ 59 բանկոմատ (49-ը` Երևանում) և 371 սեփական POS- տերմինալ: Անելիք Բանկն առաջինն էր Հայաստանում, որ միաժամանակ սկսեց աշխատել երկու միջազգային քարտերով` Visa և MasterCard, միևնույն ժամանակ ակտիվորեն թողարկելով և սպասարկելով ArCa տեղական քարտերը: Բանկը ծուկայում գործարկել է այնպիսի հետաքրքիր քարտային նախագծեր, ինչպիսք են` VISA ANELIK Classic DB «Անելիք ՌՈՒ» (դեպի ԱՊՀ և Բալթյան երկրներ զրոյական միջնորդավճարով դրամական փոխանցումների հնարավորություն), ԱՆԵԼԻՔ ԲԱՆԿ MasterCard GOLD PRIVILEGE MAN/LADY (ապահովագրակություն «ՌԵՍՈ»-ում և ակումբային և զեղչային քարտերի բոլոր առավելություններով), քարտային վարկային պրոդուկտներ - «Պրոստո-Բիստրո Ավտո», «Տոնական», «Հարսանյաց», ուսանողական էքսպրես վարկերի փոխառուների համար - «ԱՆԵԼԻՔ ԲԱՆԿ BOOM ENERGY VISA Classic», ինչպես նաև «Հոգատար» քարտային նախագիծը` թոշակառուների, ուսանողների և դասախոսների համար:
Նշենք, որ 2009 թվականի փետրվարից «Անելիք Բանկի» բաժնետեր է դարձել լիբանանյան CreditBank S.A.L.` կապիտալում 51% բաժնեմասով: 2013 թվականի 4-րդ եռամսյակում CreditBank S.A.L. դարձել է «Անելիք Բանկի» միանձնյա սեփականատեր` իր բաժնեմասն ավելացնելով 89,95%-ից մինչև 100%: Մոսկովյան «ԱնելիքՌու» ԴԲ-ը 2012 թվականի դեկտեմբերին օտարվել էր «Անելիք Բանկից»` հետագայում սեփականության իրավունքը փոխանցելով լիբանանյան Credit Bank S.A.L.-ին: