Շաբաթ, 5 Դեկտեմբերի 2020 02:08

Արմինֆո. Պատերազմը կարելի էր կանգնեցնել առաջին օրերի ընթացքում, բայց Հայաստանի ղեկավարությունը դարձավ տարածվող սեփական իսկ ստի պատանդը ։ Նման կարծիք է հայտնել ԼՂՀ առաջին նախագահ եւ Հայաստանի երկրորդ նախագահ Ռոբերտ Քոչարյանը 5-րդ ալիքին տված հարցազրույցում ։ Նա համոզմունք է հայտնել, որ դա հնարավոր էր։

 

Զարգացնելով միտքը՝ Քոչարյանն ընդգծել է, որ ինքը պատերազմական գործողությունների երկրորդ - երրորդ օրը մտադիր էր Արցախի նախագահ Արայիկ Հարությունյանի հետ կիսվել իր մտքերով այն մասին, թե ինչ  ձեռնարկել դրանք կասեցնելու համար։ Սակայն նման հանդիպում կազմակերպելու համար Արցախի նախկին նախագահ Բակո Սահակյանի այցը Հարությունյանի մոտ արդյունք չտվեց, քանի որ Հարությունյանը մտավախություն ուներ, որ իրեն այդքան էլ չեն հասկանա, և այդ հանդիպումը կարող է բացասական հետևանքներ ունենալ Արցախի համար ։ Խոսելով Արայիկ Հարությունյանի պահվածքի մասին ՝ Քոչարյանը տարակուսանք է հայտնել, որ նա հայտնվել է առաջնագծում, այնտեղ սուրճ է խմել, իսկ չէ որ "պետք էր լուրջ աշխատել, այլ ոչ թե աքլորանալ"։

 

Ըստ Քոչարյանի, Հայաստանի վարչապետը պարտավոր էր դադարեցնել պատերազմը գլխավոր շտաբից զեկույցի ստացումից մեկ օր անց այն մասին, որ պատերազմը չի շահելու, որ ուժերը չափազանց անհավասար են: Նա կարող էր ընդունել "Լավրովի պլանը" և դադարեցնել պատերազմը, նույնիսկ այն դեպքում, երբ պլանը ենթադրում էր տարածքների վերադարձ։ Այն ժամանակ ադրբեջանցիները ռազմաճակատի հարավային հատվածում ընդամենը 3-4 կմ առաջ էին անցել, իսկ մեր կողմից մարդկային կորուստները կազմում էին մոտ 500 մարդ ։ Բայց պատերազմը կանգնեցվեց 44 –րդ օրը՝ մեծ զոհերով ու կորուստներով ՝ վատթարագույն սցենարով, այն էլ ՝ առանց Լեռնային Ղարաբաղի կարգավիճակի հետ կապված որևէ հեռանկարի։ Դա, ինչպես նշել է Քոչարյանը, չի տեղավորվում իր ուղեղում, թե ինչու չէր կարելի դա անել 4-րդ օրը, քանի որ գլխավոր շտաբի զեկուցագիրն արդեն խոսում էր հակառակորդի ուժերին դիմակայելու անհնարինության մասին։

 

Արձագանքելով Փաշինյանի այն բացատրությանը, թե իրեն այդ դեպքում դավաճան կանվանեին, Քոչարյանն ընդգծել է, որ նման պահվածքի բացատրությունը կայանում է նրանում, որ Հայաստանի ղեկավարությունը դարձել է հաղթանակների, Գետաշենի, Շահումյանի տարածքների գրավման մասին տարածվող սեփական ստի պատանդը: Այդ կեղծ մեսիջները ՊՆ պաշտոնական ներկայացուցիչը տարածում էր զինվորական համազգեստով, բայց դրանք գրվում էին ոչ թե զինվորականների կողմից, այլ բոլորովին այլ վայրում ։ "Պատկերացրեք, եթե ժողովուրդը իմանար, թե իրականում ինչ է կատարվում, եթե իմանար, որ տանուլ է տալիս պատերազմը, որ ուժերը հավասար չեն: Այդ դեպքում նման որոշումը արդարացված կլիներ, ժողովուրդը կհասկանար, որ որոշումը ճիշտ է և ժամանակին: Բայց սուտը նոր սուտ է ծնել, և գլխավոր հրամանատարն ինքն իրեն գցել է այդ ստի ծուղակը, որից այդպես էլ դուրս չի եկել ։ Քեզ (Նիկոլ Փաշիյանին - խմբ.) դավաճան կանվանեն, քանի որ քարոզչական մեքենան խոսում էր հաղթանակների մասին և հանկարծ այդ հաղթանակներն ընդհատվում են որոշակի զիջումների հետ համաձայնագրով. դա հեքիաթ էր, որը ճշմարտության հետ կապ չուներ", - նշել է երկրորդ նախագահը։

 

Պատասխանելով համապատասխան հարցին՝ Քոչարյանը նշել է, որ եթե ինքը նախագահ լիներ, պատերազմը չէր սկսվի, չէին լինի դիվանագիտական, ինչպես ինքն է ասել, հիմարություններ, որոնք պատերազմն անխուսափելի դարձրին, և երբեք Ալիևը չէր համարձակվի սկսել այն», - ասել է Քոչարյանը։ Բայց խնդիրն այն է, որ ադրբեջանցիները տեսել են, թե ում հետ գործ ունեն Հայաստանում։

 

«Եզրակացությունը միանշանակ է: Մենք ունենք մի կառավարություն, որը տանուլ տվեց պատերազմը և ուզում է այդ պարտությունը վերագրել ժողովրդին, բանակին ։ Գիտեք, վատ պատերազմող ժողովուրդներ չկան, կան վատ, թույլ կառավարություններ", - ասել է Քոչարյանը։ Ըստ նրա, այն, որ մարդիկ, զինվորները լքում էին ռազմի դաշտը, որ կային դասալիքներ,  որ մարդիկ չէին գնում առաջնագիծ, դա նույնպես հետեւանք է այն ստի, այն կեղծիքի. ի վերջո, նրանք մի բան լսում էին, բոլորովին այլ բան՝ տենում։

 

Քոչարյանի համոզմամբ՝ կառավարությունը պետք է հրաժարական տա։ Ընդ որում, եթե Փաշինյանը մտավախություն ունի իր համար, այն բանի համար, որ  ստիպված է ամեն ինչի համար

Պատասխան տալ, ապա,  ինչպես է կարծում Քոչարյանը, այդ դեպքում պետք է դրսևորել

մարդասիրություն և "բացել նրա համար մարդասիրական միջանցք"։ Երկրորդ նախագահը

պաշտպանել է Վազգեն Մանուկյանի թեկնածությունը ազգային համաձայնության անցումային կառավարության ղեկավարի պաշտոնում եւ մարդկանց կոչ է արել աջակցել նրան: