Արմինֆո. Կառավարության շենքի դիմաց բողոքի ակցիա են անցկացնում ՁԻԱՀ-ի կանխարգելման հանրապետական կենտրոնի աշխատակիցները։ Այդ մասին դեպքի վայրից հաղորդել է ԱրմԻնֆո-ի թղթակիցը։
Բողոքի ակցիայի մասնակիցները համաձայն չեն օպտիմալացման նպատակով կենտրոնի եւ ինֆեկցիոն հիվանդանոցի միավորման մասին Առողջապահության նախարարության որոշմանը։ Նրանք նախարարին կոչ են անում վերանայել իրենց որոշումը, քանի որ այն կայացվել է կենտրոնի աշխատակիցների հետ մասնագիտական քննարկումների բացակայության պայմաններում: Այս փաստն առանձնահատուկ մտահոգություն է հարուցում, հաշվի առնելով, որ հանրապետությունում, բացի Կենտրոնից, չկա ՁԻԱՀ-ի բուժման եւ կանխարգելման ոլորտում աշխատող այլ մասնագիտացված կազմակերպություն։
Կենտրոնի նախկին ղեկավար Սամվել Գրիգորյանը լրագրողների հետ զրույցում ասել է, որ կենտրոնի աշխատակիցները պահանջում են մասնագիտական մակարդակով քննարկել այդ հարցը: "Առողջապահության նախարարության դիրքորոշումը պետք է հիմնավորված լինի։ Ինչ-որ բանի փակումը, բացումը, միավորումը չի կարող լինել ինքնանպատակ. Պետք է պարզաբանել, թե ինչ նպատակներ է հետապնդում նախարարությունը, ինչ կշահեն այդ որոշումից կառավարությունը, երկրի քաղաքացիները։ Ինչու նախարարությունը չի տեսնում այն ռիսկերը, որոնք կարող են ի հայտ գալ այդ վիրուսի պատճառով։ Չի կարելի որոշում կայացնել ՝ դուրս չգալով կաբինետից, դա անլուրջ է", - ընդգծել է Գրիգորյանը։ Նա նշել է, որ կենտրոնի աշխատակիցները մտադիր չեն կատարել Առողջապահության նախարարության ապօրինի որոշումները։ "Մենք դեմ չենք անձերին, այդ թվում ՝ կենտրոնի ղեկավարի նոր պաշտոնակատարի անձին։ Բայց նա եկել է, որպեսզի որքան հնարավոր է շուտ միավորի մեր կենտրոնը ինֆենկցիոն հիվանդանոցի հետ: Մենք դեմ ենք այդ որոշմանը և մտադիր չենք այն կատարել ։ Մենք գնալու ենք մինչև վերջ։ Եթե նրանք այդպես են ուզում, թող հարցը լուծեն ուժային ճանապարհով", - ընդգծել է Գրիգորյանը։ Կենտրոնի մեկ այլ աշխատակից, իր հերթին, նշել է. Մենք չենք կարող թույլ տալ, որ երկրում փլուզվի կայացած կառույցը, իսկ դրա փոխարեն այլ բան չի առաջարկվում ։ Եվ բոլոր փաստարկները, որոնք բերվում են այդ որոշման հիմնավորում, զուրկ են իմաստից"։
Կենտրոնի աշխատակիցները կարծում են, որ այս ոլորտում Հայաստանի կարևոր, նշանակալի ձեռքբերումների կորստի վտանգ կա։ Դա, մասնավորապես, վերաբերում է մորից երեխային ՄԻԱՎ-ի փոխանցման կանխարգելմանը, համաճարակի արդյունավետ վերահսկողությանը եւ ՄԻԱՎ-ի վերաբերյալ իրականացվող հետազոտությունների որակին:
Նշենք, որ երեկ ՀՀ առողջապահության նախարար Արսեն Թորոսյանը պաշտոնից ազատել էր ՁԻԱՀ-ի կանխարգելման հանրապետական կենտրոնի ղեկավար Սամվել Գրիգորյանին, ով կտրականապես համաձայն չէր կենտրոնի եւ ինֆեկցիոն հիվանդանոցի միավորման վերաբերյալ նախարարի դիրքորոշմանը: Իր հերթին՝ նախարարությունը գտնում է, որ ՁԻԱՀ-ի դեմ պայքարի գործում գիտական ձեռքբերումներն ու ժամանակակից միջազգային մոտեցումները վկայում են, որ այդ հարցը պետք է ինտեգրվի առողջապահության համազգային համակարգին:
Արմինֆո. ՀՀ առողջապահության նախարար Արսեն Թորոսյանը պաշտոնից ազատել է ՀՀ ԱՆ «ՁԻԱՀ-ի կանխարգելման հանրապետական կենտրոն» ՊՈԱԿ-ի տնօրեն Սամվել Գրիգորյանին, ով կտրականապես համաձայն չէր օպտիմալացման նպատակով <Նորք> ինֆեկցիոն կլինիկական հիվանդանոցի հետ Կենտրոնի միավորման վերաբերյալ նախարարի դիրքորոշման հետ:
Արմինֆո. Առողջապահության նախարարությունը պարզաբանել է իր դիրքորոշումը՝ վերջին օրերին «ՁԻԱՀ-ի կանխարգելման հանրապետական կենտրոնի» և «Նորք» ինֆեկցիոն կլինիկական հիվանդանոցի» միավորման շուրջ հանրության շրջանում որոշակի մտահոգությունների առնչությամբ։
Արմինֆո.ՁԻԱՀ-ի կանխարգելման հանրապետական կենտրոնի աշխատակիցները դեմ են <Նորք> ինֆեկցիոն կլինիկական հիվանդանոցի հետ միավորվելուն: Հիշեցնենք, որ համապատասխան կառավարական որոշումը ընդունվել է հունվարի 30-ին ։