Արմինֆո. Ղազախստանն ու Հայաստանն էլ ավելի կմերձենան միմյանց։ Երկու երկրների քաղաքացիները կկարողանան մեկնել բարեկամ պետություն ՝ սահմանին ներկայացնելով ոչ թե միջազգային անձնագիր, այլ ID քարտ, հաղորդում է ղազախական "Խաբար 24" հեռուստաալիքը:
Երկրների քաղաքացիները կազատվեն նաև բնակության երկրում պարտադիր գրանցումից՝ այն դեպքում, եթե ճանապարհորդությունը տեւում է 30 օրից ոչ ավելի: Երկրի լիազոր մարմնում հաշվառումը անհրաժեշտ կլինի այն դեպքում, եթե բնակության ժամկետը գերազանցել է մեկ ամիսը։
Բոլոր նորամուծությունները, որոնք, անկասկած, զգալիորեն պարզեցնում են շարքային քաղաքացիների կյանքը, հնարավոր կլինեն արդեն մոտ ապագայում։ Հայաստանի կառավարությունը հավանություն է տվել երկու դաշնակից պետությունների միջև կարևոր համաձայնագրի ստորագրմանը։
Ինչպես հեռուստաալիքով հեռարձակված հարցազրույցում հայտարարել է Հայաստանի ԱԳ փոխնախարար Շավարշ Քոչարյանը, երկու պետությունների քաղաքացիները, կարող այցելել, այսպես կոչված, նույնակաանցման քարտերով։ "Ավելին, մենք, սկզբունքորեն, նույնիսկ գրանցում չունենք՝ որպես այդպիսին։ Մեր օրենսդրությամբ քաղաքացին գրեթե 180 օր կարող է մնալ Հայաստանի տարածքում։ Այնպես որ, այս առումով Ղազախստանի քաղաքացիները, ինչպես եւ Հայաստանի քաղաքացիները, շահում են, եւ դա շատ կարեւոր է, դա շատ անհրաժեշտ է։ Պատահական չէ, որ այդ մասին խոսվել է Երևանում, երբ հանդիպել են ԵԱՏՄ մաքսային ծառայությունների ներկայացուցիչները։ Ի վերջո, Միության նպատակը շփման դյուրացումն է, աշխատուժի, ապրանքների, ծառայությունների տեղաշարժի դյուրացումը։ Սրանք բոլորը ԵԱՏՄ-ի նպատակներն են"։
Նոր կանոնները ուժի մեջ կմտնեն համաձայնագրի ստորագրումից եւ երկրների օրենսդիր մարմիններում դրա վավերացումից հետո: Հայաստանի եւ Ղազախստանի քաղաքացիների համար միգրացիոն կանոնների պարզեցումը, Շավարշ Քոչարյանի խոսքով, կնպաստի հարաբերությունների խորացմանը,երկու կողմերի գործարար շրջանակների համագործակցության զարգացմանը: Ի դեպ, այս տարի զգալիորեն աճել է ղազախստանցիների զբոսաշրջային հոսքը Հայաստան։
"Ես կարող եմ ավելացնել եւս մեկ բան. Դա իմ անձնական կարծիքն է ։ Կցանկանայի, որ մեր երկրների հասարակությունները միմյանց մասին ավելի շատ իմանան՝ քան այսօր։ Քանի որ Ղազախստանում որքան շատ իմանան Հայաստանի մասին, եւ որքան շատ ճանաչեն Հայաստանը, դա լավ հիմք կլինի, կնպաստի հետագա եւ ինտեգրացիոն նախագծին եւ երկկողմ հարաբերություններին", - նկատել է Քոչարյանը: