Արմինֆո.Ադրբեջանը պետք է ձգտի Երուսաղեմի հետ հարաբերությունների մակարդակի, որը բացառում է Ադրբեջանին իսրայելական սպառազինության վաճառքը: ԱրմԻնֆո-ին այդպիսի կարծիք է հայտնել <Մարդկային զարգացման միջազգային կենտրոնի> նախագահ, ՀՀ նախագահի խորհրդական Թևան Պողոսյանը:
Օրերս այցով Իսրայելում գտնվող ՀՀ փոխարտգործնախարար Գրիգոր Հովհաննիսյանը The Jerusalem Post-ին հարցազրույցում հայտարարել էր, որ Իսրայելի կողմից Ադրբեջանին առազինությունների մատակարարումները դադարեցնելու Հայաստանի ձգտումը ոչ մի կերպ Իսրայելի հետ հարաբերությունների բարելավման պայման չէ: <Ուզում ենք, որ մեր գործընկերներն իմանան, որ Ադրբեջանին զենքի վաճառքը դուրս է հասարակ գործարքի շրջանակներից, և հետևանքներ ունի մեզ համար: Հայաստանը չի բացառում նաև Իսրայելի հետ պաշտպանական ոլորտում համագործակցությունը>,- հայտարարել է դիվանագետը:
Իսրայելը պաշտոնապես զենք է վաճառում Ադրբեջանին 2012 թվականից:
Մատակարարումների ընդհանուր գումարն այդ տարիներին կազմել է շուրջ $4 մլրդ: Իսրայելը նաև Ադրբեջանի թիվ երկու գործընկերն է (Ռուսաստանից հետո) համաշխարհային զինագործական շուկայում։ Այսպես, եթե Բաքուն արդեն Մոսկվայից գնել է 5 միլիարդ դոլարի զինատեսակներ, ապա Երուսաղեմն ընդամենը 1 միլիարդով է զիջում։ Ըստ Իսրայելի Պաշտպանության նախարարության պաշտպանական արտահանման բաժնի՝ ընթացիկ տարվա մայիսին հրապարակված տվյալների՝ 2017 թվականին զենքի իսրայելական արտահանման ծավալը կազմել է 9.1 միլիարդ դոլար։ Այս թվի 13 տոկոսը բաժին է ընկնում Ադրբեջանին։ 2016 թվականին իսրայելական զինատեսակների գնումների ծավալով Ադրբեջանը երկրորդն էր Հնդկաստանից հետո, իսկ 2017 թվականին երրորդը՝ Հնդկաստանից ու Վիետնամից հետո:
Ադրբեջանն Իսրայելից հիմնականում գնում է անօդաչու թռչող սարքեր, զրահատեխնիկա, ռադիոէլեկտրոնային հետախուզության միջոցներ, հակաօդային պաշտպանությ ան միջոցներ, հակատանկային հրթիռներ և այլ բարձր տեխնոլոգիական զենքեր: 2018 թ. հունիսի սկզբին Բաքվում տեղի է ունեցել 300 կիլոմետր առավելագույն հեռահարությամբ իսրայելական LORA օպերատիվ-տեխնիկական համալիրի ներկայացումը: Իսկ իսրայելական Aeronautics ընկիերությունը և Ադրբեջանի պաշտպանական արդյունաբերության նախարարությունը 2018 թվականից իրականացնում են Ադրբեջանի տարածքում անօդաչու ավիատեխնիկայի ստեղծման AZAD Systems համատեղ նախագիծը:
<Հետևաբար՝ մենք չպետք է Իսրայելի հետ մեր հարաբերությունների խորացմանն ուղղված բանակցությունների փուլում այդ հարցը առաջ քաշենք: Այո, Հայաստանը պետք է ամեն բան անի Ադրբեջանին իսրայալական սպառազինությունների մատակարարումները դադարեցնելու համար, սակայն դա պետք է անել բացառապես դիվանագիտական ջանքերի, սեփական նշանակալիության, և, որպես արդյունք, դիվանագիտական հարաբերությունների նշանակալիության բարձրացման միջոցով>,- ընդգծել է նա:
Պողոսյանի խոսքով, այսօր հայկական դեսպանատան բացումը և Իսրայելում ակտիվ աշխատանքը լիովին բխում է Հայաստանի շահերից: Նրա կարծիքով, համանման կարծիքի են նաև Իսրայելում, առավել ևս, որ երկու երկրներն արդեն վաղուց հավատարմագրված դեսպաններ ունեն: Այս առումով խորհրդականը համոզված է, որ Իսրայելում հայկական դեսպանատան բացումը կհանգեցնի Երուսաղեմի պատասխան քայլին: <Հետևաբար՝ որքան արագ սկսենք աշխատել Իսրայելի հետ, ավելի ճիշտ կլինի մեզ համար: Վերջիվերջո, Ռուսաստանում հայկական դեսպանատունը չի խանգարել նույն Ադրբեջանին ռուսական սպառազինությունների բազմամիլիարդ մատակարարումներին: Այդ պատճառով մեր դիվանագետներն ակտիվ ոշխատանք ունեն անելու ոչ միայն Իսրայելում>,- ամփոփել է Պողոսյանը: