Արմինֆո. Փետրվարի 25-ին, ժամը 08:58-ին «ՍՕՍ ՍԻՍԹԵՄՍե հակահրդեհային ազդարարման համակարգով ազդանշան է ստացվել, որ Երևան քաղաքի Հանրապետության հրապարակում գտնվող Կառավարական տան 1-ին շենքում հրդեհ է բռնկվել:
Ինչպես տեղեկացնում է ՀՀ ԱԻՆ մամուլի ծառայությունը, հրդեհի բարդության «թիվ 2ե կանչով դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից ութ մարտական հաշվարկ, որոնցից հինգն անհրաժեշտությունը վերանալու պատճառով վերադարձել են, մեկ ավտոսանդուղք, Ճգնաժամային կառավարման ազգային կենտրոնի արտակարգ իրավիճակների արձագանքման խումբը և Աղետների բժշկության կենտրոնի հերթապահ բժիշկը: Պարզվել է, որ հրդեհը բռնկվել է ընդունարաններից մեկում: Հրդեհը մարվել է ժամը 09:20-ին:
Այրվել են գրասենյակային գույք` մասամբ (1 աթոռ, 1 պահարան, թղթեր) և 1 գմ մալուխ: Հրդեհի հետևանքով տուժածներ չկան: