Ուրբաթ, 8 Հունիսի 2018 16:46

Արմինֆո. Հունիսի 7–ին Երևանի կոնյակի գործարանը, ինչպես և Պեռնո Ռիկար միջազգային խմբի մյուս ձեռնարկություններն ութերորդ անգամ նշել են Համընդհանուր պատասխանատվության օրը։ Ընկերության կողմից 2001 թվականին գործարկված նախաձեռնությունը կոչված է միավորել ամբողջ աշխարհում բոլոր 18500 աշխատողներին շրջակա միջավայրի բարելավման և կայուն զարգացման պահպանմանն ուղղված գործերի շուրջ։

 

Համընդհանուր պատասխանատվության օրը Պեռնո Ռիկար (Pernod Ricard) ընկերության համար կարևոր է նրանով, որ բոլոր աշխատակիցները համատեղ ջանքեր են գործադրում հանուն շրջակա միջավայրի բերալավման և կայուն զարգացման։ Այսպես է այդ նշանակալի միջոցառումը բնութագրել Երևանի կոնյակի գործարանի մարդկային ռեսուրսների կառավարման տնօրեն Անդրեյ Պանովը։ 

«Այդ օրն ամփոփվում են շրջակա միջավայրի նկատմամբ հոգատարության մեր գործունեության տարվա արդյունքները։ Դա կարևոր է նրանով, որ ԵԿԳ–ի յուրաքանչյուր աշխատող, անկախ պաշտոնից, կարող է իր ավանդն ունենալ շրջակա միջավայրի պահպանման և բարելավման գործում։ Մեր ակցիայով մենք փորձում ենք նաև հասարակության ուշադրությունը հրավիրել այդ ոլորտի խնդիրներին։ Դրանց թվում նշեմ շրջակա միջավայրի աղտոտվածությունը, հազվագյուտ բույսերի վերացումը»,– ասել է Պանովը։ Պեռնո Ռիկար ընկերության սոցիալական պատասխանատվությունը կայանում է ալկոհոլի պատասխանատու օգտագործման, շրջակա միջավայրի մասին հոգատարության, հանրույթների զարգացման և գործընկերների ներգրավման, ինչպես նաև աշխատակիցների ներգրավման և խրախուսման մեջ։ 

ԵԿԳ բոլոր 400 աշխատակիցներն այս տարի Համընդհանուր պատասխանատվության օրը նվիրել են Հայաստանի գիտությունների ազգային ակադեմիայի բուսաբանական այգու բարեկարգմանը։ Կատարվել են նոր բույսերի տնկման, ծառուղիների բարեկարգման, նստարանների տեղադրման և ներկման, այգու բացառիկ ցուցանմուշների տեղեկատվական աղյուսակների, աղբարկղերի տեղադրման աշխատանքներ։ Գործարանի աշխատողները ներկել են նաև այգու` 1000 մետր ընդհանուր պարագծով արտաքին ցանկապատը։

 

Նախագծի էսթետիկ բաղկացուցիչ է կազմել «Կոլեկցիոն վարդեր» հատվածում ավելի քան 1800 տնկիների տնկումը։ «Հայկական ֆլորայի և բուսականության» հատվածում տնկվել են էնդեմիկ, Հայաստանի համար հազվագյուտ բուսատեսակներ, որոնք վերացման եզրին են և ընդգրկված են Հայաստանի Կարմիր գրքում (ջոնջոլենի փետրատերև, տանձենի դարելեգեսի, արոսենի Ռոոպի, տանձենի զանգեզուրյան, տանձենի Ֆյոդորովի, տանձենի Սոսնովսկու, կտտկենի Տիգրանի, Ցերցիս կամ հուդայածառ Գրիֆիտի, շրջահյուս հունական):

Այդ բույսերի ձեռքբերումը հնարավոր է դարձել Հայաստանի տարբեր մարզեր կատարած գիտարշավների շնորհիվ։ Բացի այդ, տնկվել է Կոտայքի մարզում գնված ավելի քան 100 սոճի։
 

«Բուսաբանական այգու հետ գործակցությունն ուղղված է այն պոպուլյացիաների վերականգնմանը, որոնք տուժել էին վերջին հրդեհից։ Մենք որոշեցինք օգնել այգուն կորսված բույսերի գնումների հարցում։ Նաև բարեկարգվում է այդ հիանալի վայրը, որպեսզի ուրախացնի այցելուներին և հյուրերին հետագայում։ Կարևոր է, որ նրանք այստեղ հաճախ գան։ Այդ ակցիային մասնակցում է ոչ միայն ԵԿԳ–ը, այլ Արարատի և Արմավիրի մարզերի, Բերդ քաղաքի մեր մասնաճյուղերը»,– ասել է Պանովը։

2017 թվականի սեպտեմբերի 13–ին Բուսաբանական այգում բռնկված հրդեհի հետևանքով այրվել է մոտ 2 հազար քառակուսի մետր խոտածածկ տարածք։ «Երևանի կոնյակի գործարանի ակցիան սոցիալական պատասխանատվության վառ օրինակ է։ Մենք մի շարք կառուցողական և կարևոր քննարկումներ ենք անցկացրել – այգու վիճակի շուրջ ընկերության հետ մեկուկես ամսվա գործակցություն, ինչպես նաև համաձայնեցրել են այն միջոցառումները, որոնք անցկացվել են նույն օրը։ Դա բուսաբանական այգու 400 աշխատակիցների կողմից ցուցաբերած աննախադեպ օգնություն է»,– ասել է Հայաստանի ԳԱԱ Թախտաջյանի անվան բուսաբանության ինստիտուտի տնօրեն Ժիրայր Վարդանյանը։ 

Նա շնորհակալություն է հայտնել ԵԿԳ–ին հրդեհի հետևանքները վերացնելու, մասնավերապես, նոր սոճուղու տնկման, ինչպես նաև այգու բարեկագրման համար։ 
Ավանդական և հեռանկարային ակցիաները Համընդհանուր պատասխանատվության օրվա կապակցությամբ: Շրջակա միջավայրի պաշտպանության միջոցառումներն արդեն ավանդույթ են դարձել ԵԿԳ–ի համար։ Անցյալում գործարանի աշխատակիցները բարեկարգել են «Էրեբունի» պետական արգելոցը։ «Այդ ակցիայի արդյունքներն ուրախացնում են Երևանի քաղաքացիներին և հյուրերին մինչ օրս»,– ասել է Պանովը։

 

Նշենք, որ ԱՐԱՐԱՏ լեգենդար հայկական կոնյակները արտադրվում են Երևանի կոնյակի գործարանում բացառապես բարձրորակ հայկական խաղողից և բյուրեղյա մաքուր աղբյուրի ջրից՝ ավանդական տեխնոլոգիաների կիռարմամբ, որոնց հիմքը դրվել է դեռևս 1887 թվականին Ներսես և Վասիլի Թաիրյանց եղբայրների կողմից: ԱՐԱՐԱՏ կոնյակների արտադրության համար օգտագործվող հատընտիր սպիրտները հնացվում են կովկասյան դարավոր կաղնու տակառներում, որոնք պատրատվում են գործարանի սեփական տակառագործական արհեստանոցում: 1998 թվականին Երևանի կոնյակի գործարանը միացավ պրեմիալ ալկոհոլի համաշխարհային շուկայի առաջնորդ Պեռնո Ռիկար (Pernod Ricard) միջազգային խմբին: