Արմինֆո. 56 հասարակական կազմակերպություն հանդես է եկել 2018 թվականի փետրվարի 13-ին Երևանի ավագանու նիստի ընթացքում ՀՀԿ խմբակցության անդամների կողմից «Երկիր Ծիրանի» կուսակցության ավագանու անդամ Մարինա Խաչատրյանի նկատմամբ կիրառված ֆիզիկական և հոգեբանական բռնությունը դատապարտող հայտարարությամբ:
«Ուժի հրապարակային դրսևորումը ևս մեկ անգամ վկայում և ընդգծում է տիրող անպատժելիության, իշխող վարչակազմի կողմից բռնությամբ հարցերը լուծելու մշակույթը ջատագովելու և տարածելու միտումների մասին: Պաշտոնատար անձի կողմից մասնագիտական գործունեության հարթակում դրսևորվող նման վարքագիծը չեզոքացնում է իշխանության իմիտացիոն այն ջանքերը, թե երկրում իբր իրականացվում են ժողովրդավարական բարեփոխումներ:
ՀՀԿ խմբակցության անդամների գործողությունները հերթական անգամ հաստատում են, որ այդ քաղաքական խումբը ունակ չէ դրսևորելու բազմակարծության, հանդուրժողականության և լայնախոհության այնպիսի հատկանիշներ, որոնք հանդիսանում են ժողովրդավարական հասարակության առանցքային հիմնասյուները և առաջընթացի հիմնական պայմանները և համապատասխանում են Մարդու հիմնարար իրավունքների և ազատություների պաշտպանության մասին եվրոպական կոնվենցիայի 10-րդ հոդվածով սահմանված արտահայտվելու ազատության իրավունքի չափանիշներին առանց որոնց չկա «ժողովրդավարական հասարակություն»:
ՀՀԿ խմբակցության անդամների գործողությունները հերթական անգամ ցույց են տալիս կնոջ դերի և նրա նկատմամբ կիրառվող բռնության արատավոր պրակտիկայի մասին:
Այս առնչությամբ խիստ անհրաժեշտ է համարժեք արձագանք և հրատապ քայլեր ձեռնարկել, ուստի դիմում ենք. ընդդիմադիր քաղաքական ուժերին, որպեսզի անհապաղ քաղաքական օրակարգում առաջ քաշեն ավագանու ՀՀԿ անդամների և համայնքի ղեկավարի հրաժարականի մասին հարցը, միջազգային կազմակերպություններին, որպեսզի բռնության նկատմամբ անպատժելիության խնդիրը վերացնելու հարցը դառնա իշխանությունների հետ հնարավոր համագործակցության հիմնական պայմանը, հանրությանը, որպեսզի հանրային պահանջ ձևավորվի բռնության համար պատասխանատվության համար, իրավապահ մարմիններին, որպեսզի առաջնորդվեն ոչ թե կուսակցական-իշխանական հրամանով, այլ Սահմանադրությամբ իրենց վերապահված լիազորություններով և պատասխանատվության ենթարկեն բռնություն կիրառողներին և նրանց օժանդակողներին, Մարդու իրավունքների պաշտպանին, որպեսզի անմիջապես վարույթ հարուցի և պատասխանտվության կիրառելու պահանջով դիմի ՀՀ Գլխավոր դատախազություն, ՀՀ Հատուկ քննչական ծառայություն:
Միաժամանակ, ներքոստորագրյալ կազմակերպություններն իրենց պատրաստակամությունն են հայտնում Մարինա Խաչատրյանի շահերի պաշտպանության համար»,-ասված է հայտարարության մեջ:Հիշեցնենք, որ «Երկիր Ծիրանիիե անդամները Նուբարաշենից բերված կոյուղաջրով լի շիշը ներս են բերել ավագանու նիստերի դահլիճ ու փորձել այն մոտեցնել քաղաքապետ Տարոն Մարգարյանին։
«Երկիր Ծիրանիիե անդամների գործողությունները միտված են եղել տարիներ շարունակ Նուբարաշեն համայնքում տիրող գարշահոտության և առկա խնդիրների հարցը վերջապես տեսանելի և շոշափելի դարձնելուն:
Քաղաքագետ. Հայաստանում իրավիճակը փոխելու միակ հնարավորությունը վաղաժամկետ խորհրդարանական ընտրությունների անցկացումն է
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
"Խաղաղության խաչմերուկն" իրականությունից կտրված նախագիծ է
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Փորձագետներն ու քաղաքագետները վերլուծել են "Հայաստանի շուրջ առկա խնդիրները և դրանց հնարավոր լուծումները"
Վարդան Ոսկանյան. Բագրատ Սրբազանը այլևս դարձել է ոչ թե միայն Տավուշի, այլ ամբողջ Հայաստանի խարիզմատիկ հոգևոր-հանրային դեմք
Նիկոլ Փաշինյանը չի մասնակցի նաև Հաղթանակի զորահանդեսին Մոսկվայում
Երևանում մայիսմեկյան երթ կանցկացվի. Խաղաղություն, աշխատանք, Մայիս
Թեհրան. Հարավային Կովկասում օտարերկրյա զորքերի ներկայությունը չի նպաստում անվտանգության և կայունության հաստատմանը
Լավրով․Հայաստանի իշխանությունների միակողմանի զիջումները Հայաստանի սահմանները դարձնում են շարժական
"Ինչ լավ է, որ 50 մետր հեռավորության վրա Ադրբեջանն է". Փաշինյանը տավուշցիներին նշել է ադրբեջանցիների հետ առևտրի հեռանկարները
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Ռուս սենատոր. Հայաստանի իշխանությունների այսօրվա քաղաքականությունը կարող է հարված հասցնել տարածաշրջանային և համաշխարհային գործերում Երևանի հեռանկարներին
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
