Շաբաթ, 22 Հուլիսի 2017 02:02

Արմինֆո.Sevan StartUp Summit գործարար ֆորումի մրցանակային ֆոնդը 2017-ին կազմել է 40 հազար դոլար, նախորդ տարվա 7.5 հազար դոլարի համեմատ: Այս մասին հուլիսի 21-ին կայացած մամուլի ասուլիսում հայտարարել է Sevan StartUp Summit ֆոնդի հիմնադիր Հակոբ Հակոբյանը:

 

Ըստ նրա, համաժողովն ընդլայնել է ոչ միայն մասնակիցների, այլև ներդրողների, գործընկերների, մենթորների և ուսուցիչների աշխարհագրությունը: Մասնավորապես,  դիմումատուների շարքում հայկական startup-ներից բացի կան թիմեր Կոլումբիայից, Հնդկաստանից, Իրանից, Վրաստանից, Ռուսաստանից: Հաշվի առնելով գործընկերների աննախադեպ ներգրավվածությունը տարբեր ուղղություններով, ըստ Հակոբ Հակոբյանի, այսօր համաժողովը գտնվում է ուշադրության կենտրոնում, ինչը պահանջում է հիմնադրամին ավելի արագ աշխատել 2018-ին վրանային բիզնես-ֆորում անցկացնելու համար, միջոցառման միջազգային նշանակությունը բարձրացնելու համար: «Մենք ցանկանում ենք StartUp-ների քարտեզի վրա Sevan StartUp Summit-ը դարձնել կենտրոն, որպեսզի մասնակցույթւոնը մեր համաժողովին արդեն համարվվի ձեռքբերում», - ընդգծել է նա: Մասնավորապես, նա նշել է, որ հաջորդ տարի հիմնադրամը հույս ունի մասնակիցների ներգրավել 30-50 երկրներից: Նա նաև նշել է, որ անցյալ տարի ներդրումների ծավալը կազմել է մոտ 30 հազար դոլար: «Այս տարի մենք ակնկալում ենք, որ ներդրումները կգերազանցեն 200 հազար դոլարը» - նշել է նա:

 

Գործարար ֆորումի գլխավոր գործընկերն է Ամերիաբանկը: «Բանկը ֆինանսական օժանդակություն է տրամադրել հիմնադրամին ֆորումի կազմակերպման գործում, իսկ 8 հազար դոլարի Գրան Պրին նույնպես կտրամադրվի Ամերիաբանկը»,-նշել է Ամերիաբանկի տեխնոլոգիաների և գործառնությունների գծով տնօրեն Բուրաստան Մովսիսյանը, պատասխանելով ԱրմԻնֆո-ի հարցին: Նա նաև ընդգծել է, որ Բանկն ուրախ է օժանդակել և լինել նախագծի մի մասը, որը նպաստում է նորարարական բիզնեսի զարգացմանը երկրում:

 

Ֆորումի ընթացքում, ըստ կազմակերպիչների, մասնակիցների համար հուլիսի 24-26-ը տեղի կունենա 12 դասախոսություն, իսկ հուլիսի 27-ից կմեկնարկեն մրցույթները: Big Battle մրցույթը տեղի կունենա հուլիսի 30-ին, որի հաղթողը կստանա 5 հազար դոլար, երկրորդ տեղը`2,5 հազար, իսկ երրորդ տեղը`1 հազար դոլար: Իսկ ավելի քան 20 թիմեր կստանան դրամական մրցանակներ: Սկսնակ թիմերի թիվը հասնում է 100-ի, որոնք կներկայացնեն իրենց գաղափարները, ապրանքները և լուծումները ֆինանսական, տեխնոլոգիական, գյուղատնտեսական, գիտական, զբոսաշրջության և այլ ոլորտներում: Ամեն օր սպասվում է  մինչև 1000 այցելու: 700 մարդ 7 օրում կապրեն Սևանա լճի ափին, վրանային քաղաքում, իսկ մենթորների և ուսուցիչների թիվը կգերազանցի 300-ը:

 

Նշենք, որ Sevan StartUp Summit գործարար-համաժողովն այս տարի տեղի կունենա հուլիսի  24-ից 30-ը, և ուղղված է համագործակցության նոր ուղիների ստեղծմանը սկսնակների համար, ինչպես նաև փորձի փոխանակմանը: Ֆորումին կմասնակցեն ավելի քան 1000 մասնակից, այդ թվում 100 սթարտափ, ինչպես նաև զարգացման, ներդրողների, վենչուրային կապիտալների և մենթորների թիմեր: Ինչպես նախորդ տարի, համաժողովը տեղի կունենա վրանային ձևաչափով, Սևանա լճի ափին: Յոթ օրվա ընթացքում մասնակիցների համար կկազմակերպվեն տարբեր մրցույթներ, շնորհանդեսներ և զվարճանքներ: Այս տարվա առանձնահատուկ միջոցառումը կլինի Campfire Pitch սեսիաները, որի շնորհիվ ավելի քան 20 ներդրողներ զրույցներ անցկացնեն զարգացման թիմերի հետ:

 

Նշենք, որ «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Բանկը հայաստանյան շուկայում գործում է 1996 թվականի հոկտեմբերի 31-ից: Ամերիաբանկն ունի 12 մասնաճյուղ, որից 8 գտնվում է մայրաքաղաքում, իսկ 4-ը`Հայաստանի մարզերում: 2017 թվականի հունվարի 1-ի դրությամբ Բանկի բաժնետերեն են` Ameria Group CY ՍՊԸ – 65,8%, ՎԶԵԲ - 20,7%, ESPS Holding Limited - 13,5%:-