Երեթշաբթի, 21 Մարտի 2017 14:13

Արմինֆո. Պաշտպանության նախարար Վիգեն Սարգսյանն «Ազատության» «Տեսակետների խաչմերուկ» հաղորդման ժամանակ ասել է, որ հետևում է քարոզարշավի ընթացքին, և իրեն հատկապես զարմացնում է պաշտպանության նախկին նախարար, «Օհանյան-Րաֆֆի-Օսկանյանե դաշինքի ցուցակը գլխավորող Սեյրան Օհանյանի «բացահայտ պայքարը հենց Հանրապետական կուսակցության դեմե։

«Եթե նայեք 25 տարվա պատմությունը, նախ կտեսնեք, որ սա առաջին դեպքը չէ, որ քաղաքական տարբերություններ կարող են լինել, ասենք, պաշտպանության ներկա և նախկին նախարարների միջև։ Առհասարակ դա քաղաքական երկխոսության նաև մի մասն է, և նորմալ է, եթե նախկին նախարարն իր կառավարման ընթացքում՝ պաշտպանության ոլորտում, ներկայացներ այլ քաղաքական ուժ։ Ամեն մեկի ընտրության հարցն է, թե ոնց է ինքն ուզում մոտենալ իր անցած ճանապարհին, իր ապագայի տեսլականին։ Ճիշտն ասած, հետևում եմ մի թեթև քարոզարշավին, ինձ շատ բան շատ է զարմացնում՝ ինձ զարմացնում է այդ բացահայտ պայքարը հենց Հանրապետականի դեմ, որը պարոն Օհանյանն անձամբ է հայտարարել, որ «պայքարելու ենք Հանրապետական կուսակցության դեմե, զարմացնում է իր պատրաստակամությունը՝ ջերմ երկխոսության մի շարք ուժերի հետ, որոնց հետ իր հարաբերություններն ինձ շատ լավ հայտնի էին դեռ նախկինիցե, - հայտարարել է Վիգեն Սարգսյան՝ չցանկանալով անուններ նշել։

«Առանց օրինակների, ես կարծում եմ, որ պարոն Օհանյանը հասկանում է, թե ես ում նկատի ունեմ, բայց իր ընտրությունն է, ես որևէ բան չեմ կարող դրան հակադրել, դա մարդու սահմանադրական իրավունքն է՝ առաջադրվել, պայքարել։ Մարդու անձնական իրավունքն է՝ հայտնվել տարբեր կողմերում՝ կախված նրանից, թե այսօր պաշտոն ունի, թե՝ չունի։ Կարծում եմ, որ նաև կարևոր շատ բաղադրիչ է այդ ամեն ինչում անցած ուղին՝ մարտական ուղին և այն ուղին, որն անցել է շատ մարդկանց հետե, - ասել է պաշտպանության նախարարը։

Սարգսյանը նշել է, որ շատ լավ հիշում է բանակի զարգացումը, և իրեն զարմացնում է նաև Սեյրան Օհանյանի այն հայտարարությունը, թե «բանակը գրեթե զրոյից կառուցել էե։ «Անկեղծ ասած, ինձ շատ զարմացնում է իր կողմից հնչեցվող այն թեզը, որ ինքը բանակը գրեթե զրոյից կառուցեց, որովհետև ես մինչ իր նախարար դառնալը բանակում ծառայել եմ, ես շատ լավ հիշում եմ մեր բանակի էվոլյուցիոն զարգացումը տարբեր փուլերում: Բայց եթե դա իրեն օգնում է հանրային քվե ձեռք բերել, եթե օգնում է նրան ավելի ամուր երևալ հանրությանն, իր ընտրությունն է, ես այդպես չէի անի», - ասել է պաշտպանության նախարարը։