Լոռու Գուգարք գյուղում հրդեհի հետևանքով 25 մարդ անօթևան է մնացել, հաղորդում է ԱԻՆ մամուլի ծառայությունը:

 Ստեփանակերտցի Աշոտ Դանիելյանը «ոսկի» է նվաճել Սանկտ պետերբուրգում անցկացվող Սամբոյի աշխարհի առաջնության 82 կգ քաշային կարգում, հաղորդել է Հայաստանի սամբոյի ֆեդերացիայի մամուլի ծառայությունը:

Հեղափոխությունից հետո հաղթում են ոչ թե կարմիրները կամ սպիտակները, այլ` գորշերը, այդպիսին է օրինաչափությունը: Իսկ գորշերին փոխարինելու են գալիս, ինչպես գիտենք, սևերը: «Կոմերսանտ-Օգոնյոկին» այդպիսի կարծիք է հայտնել հայտնի ֆինանսիստ Ռուբեն Վարդանյանը:

«Սերժ Սարգսյանը, չլինելով օրինական ճանապարհով ընտրված նախագահ, հետևաբար` չունենալով Հայաստանի Հանրապետության քաղաքացիներին ներկայացնելու իրավունք, 2013 թվի սեպտեմբերի 3-ին կատարել է պետական դավաճանություն՝ վտանգի տակ դնելով մեր պետության անկախությունը և ինքնիշխանությունը», - ասվում է «Ինքնիշխան Հայաստան» նախաձեռնող խմբի հռչակագրում, որի տեքստը տրամադրվել է ԱրմԻնֆո գործակալությանը:

 Նոյեմբերի 20-22-ը աշխատանքային այցով Հայաստանում էր գտնվում Ռուսաստանի անվտանգության խորհրդի, Սպորտի նախարարության և Օլիմպիական կոմիտեի պատվիրակությունը`  սպորտի փոխնախարար Պավել Նովիկովի գլխավորությամբ:

Հոկտեմբերի 31-ի տվյալներով, 1988 թվականից ի վեր Հայաստանում հայտնաբերվել է ՄԻԱՎ 1563 դեպք հանրապետության քաղաքացիների շրջանում, որոնցից 22-ը`  2012 թվականին, ինչն ամենաբարձր ցուցանիշն է նախորդ տարիներին: Այդ մասին հաղորդում  է ՁԻԱՀ-ի կանխարգելման հանրապետական կենտրոնի պաշտոնական կայքը:

Ռուսաստանի պաշտպանության նախարար Սերգեյ Շոյգուն Ադրբեջանի իր պաշտոնակից Զաքիր Հասանովի հետ Մոսկվայում կայացած հանդիպմանը հայտարարել է, թե Լեռնային Ղարաբաղը Ադրբեջանի իրավասությանը վերադարձնելու Բաքվի փորձերի դեպքում ռուսաստանցի զնվորականների միջամտության վերաբերյալ 102-րդ ռուսական ռազմակայանի հրամանատարի խոսքերն աղավաղված են: Ըստ «Թուրանի»`  Շոյգուն հայտարարել է, թե «դա. Ամենայն հավանականությամբ, եղել է լրագրողի սխալ»:

 ԱՄՆ-ի և Հայաստանի միջև վիզային ռեժիմի ազատականացման գործընթացի իրացման հարցերն են քննարկվել նոյեմբերի 22-ին Վաշինգտոնում կայացած հայ-ամերիկյան տնտեսական համագործակցության աշխատանքային խմբի նիստում, հաղորդում է asbarez.com-ը: Նիստի ընթացքում քննարկվել են նաև Contour Global ընկերության կողմից Հայաստանի հիդրոէներգետիկ ոլորտում 180 մլն դոլարի ներդրումների հեռանկարները: Այդ ծրագրի իրագործման դեպքում դա կլինի ամենախոշոր ամերիկյան մասնավոր ներդրումը Հայաստանի տնտեսությունում:

Կուտակային կենսաթոշակային համակարգի հակառակորդները պատրաստ են հասնել մինչև Սահմանադրական դատարան:

 Հայաստանում հիմնական շեշտը պետք է դրվի միջազգային փաստաթղթերի ներդրման վրա: Այս մասին ԱրմԻնֆո գործակալության հետ զրույցում հայտարարել է «Հանուն կայուն զարգացման» Ասոցիացիայի ղեկավար Կարինե Դանիելյանը:

 Հայաստանի պատվիրակությունը մասնակցում է Ստամբուլում ընթացող ԱՄՆ Ատլանտյան խորհրդի (Atlantic Council) էներգետիկ-տնտեսական 5-րդ տարեկան գագաթաժողովին, որը բացվել է Թուրքիայի նախագահ Աբդուլլահ Գյուլի խոսքով։

Երևանի երեխաների խնամքի և պաշտպանության թիվ 2 գիշերօթիկ հաստատության սաները, ովքեր դեռ հունիս ամսից անվճար ապահովված են “Ռոստելեկոմի” ինտերնետ կապով, անակնկալ էին կազմակերպել ընկերության համար:  Անակնկալը ամփոփում էր երեխաների վերաբերմունքը “ՋԻԷՆՍԻ-ԱԼՖԱ” ընկերության և հատկապես Ռոստելեկոմ ապրանքանիշի նկատմամբ: Ինչպես նշվում է ընկերության հաղորդագրությունում, երեխաների կողմից ներկայացված բեմադրությունն ու նկարները, որոնք պատկերում էին “Ռոստելեկոմը” մանուկների աչքերով, հուզեել են բոլոր ներկաներին: Որոշ նկարներ ուղարկվել են “Ռոստելեկոմի” գլխամաս՝ որպես հիշատակ գիշերօթիկ հաստատության սաների կողմից: Հաղորդագրության համաձան, առաջիկայում ընկերությունը շարունակելու է համագործակցությունը հաստատության հետ՝ ապահովելով հաստատության սաներին համատեղ ուսուցողական ծրագրերով ու միջոցառումներով: Երեխաների խնամքի և պաշտպանության թիվ 2 գիշերօթիկ հաստատությունն իրականացնում է սոցիալապես անապահով ընտանիքների 6-18 տարեկան երեխաների խնամքն ու դաստիարակությունը, աջակցում է նրանց իրավունքների և օրինական շահերի պաշտպանությանը, ապահովում է նրանց սննդով, հագուստով, տալիս առաջին բուժօգնությունը, ապահովում համապատասխան սանիտարահիգիենիկ պայմաններով:

 Հայաստանի հասարակության 70 տոկոսը դեմ է Մաքսային միությանն անդամակցելու երկրի իշխանությունների որոշմանը: Այդ մասին նոյեմբերի 22-ին մամուլի ասուլիսում հայտարարել է ԱԻՄ կուսակցության ղեկավար Պարույր Հայրիկյանը`  վկայակոչելով իր անցկացրած հարցման արդյունքները:

 Նոյեմբերի 22-ին տեղի է ունեցել ՎՏԲ-Հայաստան Բանկի` ժամանակակից լուծումներով և հաճախորդների հարմարավետ սպասարկման նպատակով վերանորոգված «Թիվ 2» մասնաճյուղի բացման հանդիսավոր արարողությունը, որը գտնվում է ք. Երևան, Կոմիտասի 41/74 հասցեում: Ինչպես ԱրմԻնֆո գործակալությանը հաղորդեցին բանկի մամուլի ծառայությունից, մասնաճյուղում բացի վերանորոգման աշխատանքներից իրականացվել է նաև միջոցառումների մի ամբողջ փաթեթ, որոնք ուղղված են հաճախորդների սպասարկման գործընթացների օպտիմալացմանը, աշխատավայրերի և սպասարկման գոտիների ամբողջական տեխնիկական վերազինմանը և արդիականացմանը, ինչպես նաև սրահի ներքին հարդարման համապատասխանեցում ՎՏԲ խմբի կորպորատիվ ոճին ու բրենդին: Բացի այդ, «Թիվ 2» մասնաճյուղը այժմ արդեն կսպասարկի հաճախորդներին մանրածախ վարկային պրոդուկտների բոլոր տեսակները, այդ թվում նաև ոսկու գրավադրմամբ վարկատեսակը, այն դեպքում, երբ մինչև արդիականացումը մասնաճյուղը մինի-ձևաչափի էր և սպասարկում էր միայն գործառնական գործարքներ:

  Առաջիկայում «Էրեբունի» օդանավակայանում տեղակայված ռուսական ավիաբազայի արդիականացման և նոր սպառազինությամբ համալրման նպատակով պլանավորվում է ռուսական կողմին ժամանակավոր օգտագործման համար տրամադրել ՀՀ ԶՈՒ-ի կողմից չօգտագործվող մի շարք տարբեր նշանակության տարածքներ (ուղղաթիռային սավառնակախմբի (էսկադրիլիայի) կանգառ, վարչատնտեսական և վառելիքաքսուքային նշանակության շինությունների համար նախատեսված տարածքներ): Այդ մասին ասվում է Պաշտպանության նախարարության մամուլի քարտուղար Արծրուն Հովհաննիսյանի նոյեմբերի 22-ին հրապարակած հայտարարությունում, որում նա պարզաբանում է ներկայացրել ՀՀ-ում տեղակայված ռուսաստանյան ռազմակայանին փոխանցվող տարածքների վերաբերյալ:  

 ԵՄ կշարունակի համագործակցությունը Հայաստանի հետ նաև Վիլնյուսի գագաթնաժողովից հետո: Այդպիսի կարծիք է հայտնել Հայաստանում Եվրահանձնաժողովի պատվիրակության ղեկավար, դեսպան Տրայան Հրիստեան Բաց հասարակության հիմնադրամներ-Հայաստան կազմակերպության և Բաց հասարակության Վրաստան հիմնադրամի կողմից կազմակերպված «Վարշավայից դեպի Վիլնյուս. խաչմերուկներում – Հայաստան և Վրաստան» վերտառությամբ հանրային քննարկման ժամանակ:

 Նանա Մարտիրոսյան: Հայաստանի և Ադրբեջանի նախագահներ Սերժ Սարգսյանի և Իլհամ Ալիևի Վիեննայի հանդիպումը կարող է նոր փուլ դառնալ ղարաբաղյան հակամարտության կարգավորման շուրջ բանակցային գործընթացում: Այդ մասին հայտարարել է Հայաստանի նախագահ Սերժ Սարգսյանը նոյեմբերի 22-ին Մշակույթի նախարարության ղեկավար կազմի հետ խորհրդակցության ժամանակ:

 Գրեթե երեք դար հայ քաղաքագիտական միտքն զբաղված է ռուսներին իրենց ազգային շահերը պարզաբանելով, ԱրմԻնֆոյի թղթակցին հայտարարել է ԱԺ պատգամավոր, ՀՅԴ բյուրոյի անդամ Վահան Հովհաննիսյանը`  օրերս անցկացված <<ՀԱՊԿ և անվտանգության ժամանակակից մարտահրավերները>> միջազգային խորհդաժողովի կուլուրաներում: Պատգամավորի ասելով, եկել է ժամանակը, որպեսզի դադարեն դրանով զբաղվել և կենտրոնանան ազգային գերակայությունների մշակման վրա`  սեփական շահեիր հիման վրա, <<և ցանկացած իրավիճակում հետապնդեն հենց դրանք, պնդեն դրանք , և չփորձեն միամտաբար սրբագրել եվրոպացիների, ռուսների կամ ամերիկացիների արտաքին քաղաքական գործունեությունը, քանի որ Հայաստանի կշիռը միջազգային ասպարեզում բավական չէ, որպեսզի նրան լսեն>>:

Երևանն առայժմ չի գաղտնազերծում տեղեկատվությունն այն մասին, թե ինչ մակարդակով և կազմով է մասնակցելու Վիլնյուսի <<Արևելյան գործընկերության>> գագաթնաժողովին: Լրագրողների հետ զրույցում պատասխանելով այդ հարցին`  արտգործնախարար Էդվարդ Նալբանդյանը սահմանափակվել է արարողակարգային արտահայտություններով. <<Ամեն ինչի մասին կիրազեկենք հարկ եղած ժմկետում` պատշաճ կարգով>>: Այդուհանդերձ, նա ընդգծել է, որ  Հայաստան-ԵՄ համագործակցության հեռանկարները Վիլնյուսի գագաթնաժողովից հետո <<լավն են ու դրական>>: