ԱՐԱՐԱՏԲԱՆԿԸ բաժնետերերին դիվիդենտներ վճարելու փոխարեն գերադասեց 2014-ին ստացված շահույթի հաշվին լուծել կապիտալիզացիայի հարցը, ընդհանուր կապիտալի նկատմամբ ԿԲ նորմատիվային նոր պահանջները կատարելու համար: Որոշումը ձայների մեծամասնությամբ ընդունվել է հունիսի 26-ին, բանկի բաժնետերերի տարեկան ընդհանուր ժողովում: Ինչպես ժողովում նշել է բանկի հիմնական բաժնետեր Բարսեղ Բեգլարյանը (64.24%), վերջին ամիսներին բանկը պարբերաբար դիվիդենտներ էր վճարում իր բաժնետերերին, բայց այսօրվա որոշումը պայմանավորված է բանկի կապիտալիզացիայի անհրաժշտությամբ, քանի որ 2017 թվականից բանկերի ընդհանուր կապիտալի նվազագույն չափը պետք է կազմի 30 մլրդ.դրամ, ներկայիս` 5 մլրդ.դրամի փոխարեն:
Ժողովում բանկի գործադիր տնօրենի տեղակալ Դավիթ Հարությունյանը հաղորդել է, որ 2014-ին ստացված զուտ շահույթից (2.843 մլրդ դրամ) 600 մլն դրամը կուղղվի պահուստային կապիտալի համալրմանը: Նա նշել է, որ բանկը նախորդ տարվա արդյունքներով պահպանել է իր առաջատար դիրքերը շուկայում, կատարելով ռազմավարական զարգացման ծրագրով նախատեսված բոլոր ցուցանիշները: Մասնավորապես, բանկի ակտիվները նախորդ տարվա վերջին կազմել են 138,4 մլրդ., տարեկան աճը`10,5%: Բանկի ընդհանուր կապիտալն աճել է 10.4%, մինչև 21.7 մլրդ դրամ: Բանկի ընդհանուր պարտավորություններն աճել են 10,5%, մինչև 116,7 մլրդ դրամ: Դրանց կառուցվածքում իրավաբանական անձանց ցպահանջ պարտավորությունները կազմել են 27.8 մլրդ.դրամ (տարեկան անկումը`18.2%), իսկ ֆիզիկական անձանց համար` 10,7 մլրդ. դրամ (տարեկան աճը` 27.4%): Իրավաբանական անձանց ժամկետային ավանդները կազմել են 4,4 մլրդ.դրամ (տարեկան աճը`18.9%), իսկ ֆիզիկական անձանց համար`22.7 մլրդ դրամ (տարեկան աճը` 2,2%): «Հաճախորդներից ներգրավված միջոցներն, ընդհանուր առմամբ, իրենց ծավալներով աճել են, այն բանի շնորհիվ, որ անցյալ տարի բանկը 3 անգամ վերանայեց ավանդների տոկոսադրույքերը», - ասել է Հարությունյանը:
Բանկի վարկային ներդրումներն աճել են 10,7%, մինչև 66 մլրդ.դրամ, այդ թվում, մանրածախ - 14.4%, մինչև 30.2 մլրդ դրամ, կորպորատիվը - 9.6%, մինչև 37.4 մլրդ դրամ: «Բանկն անցյալ տարի հիմնականում հավատարիմ էր պահպանողական վարկային քաղաքականությանը, խստացնելով վարկառուների գնահատման չափանիշները: Անցյալ տարի տեղի ունեցավ վարկային պորտֆելի ռեստրուկտուրիզացիա, շեշտն ուղղելով ՓՄՁ ոլորտին: Բանկն ակտիվացրեց նաև գյուղվարկավորումը, ինչպես նաև լիզինգային գործառնությունները», - ասել է Ա. Հարությունյանը:
Բանկի ROE-ն 2014-ին կազմել է 14,1% (նախորդ տարվա 17.2% փոխարեն), ROA - 2,3% (նախորդ տարվա 2.6% փոխարեն): 2014-ի վերջին բանկն ունեցել է 207 595 հաճախորդ, տարեկան աճը`13.4%: Բանկի թողարկած պլաստիկ քարտերի թիվը նույն ժամանակահատվածում աճել է 9.2% և կազմել 128 445 քարտ: 2014-ին բանկը բացել է երկու մասնաճյուղ, հասցնելով մասնաճյուղային ցանցը 49-ի (2015-ին մասնաճյուղերի թիվը հասավ 50-ի):
ԱՐԱՐԱՏԲԱՆԿԻ Վարչության նախագահ Աշոտ Օսիպյանը, անդրադառնալով հետագա ռազմավարական ծրագրերին, նշել է, որ բանկը մեկ այլ բանկ գնելու խնդիր ունի, ԿԲ այդ նույն նորմատիվը կատարելու համար: Բանկը մտադիր է նաև IPO-ով դուրս գալ Լոնդոնի այլընտրանքային շուկա, զարգացնել internet-banking и mobile-banking, ծառայությունները և ավելացնել մասնաճյուղերի թիվը:
Ընդհանուր խնդիրների մեջ Օսիպյանը կարևորել է ակտիվների արժեքի կայունության պահպանումը, բանկի իրացվելիության պահպանումը, բանկի գործունեության արդյունավետության բարձրացումը և շահառուների ինտեգրումը:
Ըստ ԱրմԻնֆո գործակալության` Հայաստանի բանկերի ֆինանսական վարկանիշների, ԱՐԱՐԱՏԲԱՆԿԻ ակտիվները 2015-ի ապրիլի 1-ին կազմել են 132.3 մլրդ դրամ, տարեկան աճը`0,4%: Ակտիվների կառուցվածքում արժեթղթերին ուղղված ներդրումները 2015-ի առաջին եռամսյակում հասել են 13%-ի կամ 17 մլրդ.դրամի, տարեկան աճը`30%, որի 12% աճն ապահովվել է եռամսյակային կտրվածքով: Բանկի պարտավորությունները 2015-ի ապրիլի 1-ին կազմել են 110.5 մլրդ դրամ, տարեկան անկումը`0,6%, ընդհանուր կապիտալը` 21.8 մլրդ.դրամ, տարեկան աճը`6%: 2015-ի առաջին եռամսյակը բանկը եզրափակել է 405,7 մլն դրամ զուտ շահույթով, տարեկան անկումը`63.2%, եռամսյակային աճը`մոտ 2 անգամ: Բանկի ROA-ն և ROE-ն 2015-ի առաջին եռամսյակում համապատասխանաբար կազմել են` 1.19% և 7,72%: Բանկի մեծամասնական բաժնետերերն են`«Ֆլեշ» ընկերությունը (Նախագահ Բարսեղ Բեգլարյան)` 64,24%, ՎԶԵԲ` 25% + 1 բաժնետոմս, Rural Impulse Fund II-ը (Ickofin Investment Management-Incofin IM խմբի անդամ)`10%: (ՀՀ դրամի հաշվարկային փոխարժեքը 31.12.2014թ. կազմել է 474,97 դրամ/դոլար, 03.31.2015թ-ի դրությամբ` 471,13 դրամ/դոլար):