ԳաֆեսՃյան արվեստի կենտրոնի հատուկ միջոցառումների սրահում կայացել է ՙԱրս լունգա՚ դուետի նախագծի`ՙՀայ կամերային երաժշտության անթոլոգիա՚ (Մաս II. ստեղծագործություններ դաշնամուրային տրիոյի համար) ներկայացմանը նվիրված մամուլի ասուլիս:
Ասուլիսին բանախոսել են ծրագրի գլխավոր գործընկեր ՎիվաՍել-ՄՏՍ-ի գլխավոր տնօրեն Ռալֆ Յիրիկյանը, ՀՀ վաստակավոր արտիստ, ՙԱրս լունգա՚ դուետի թավջութակահար, ՙՀայ կամերային երաժշտության անթոլոգիա՚ ծրագրի համահիմնադիր Արամ Թալալյանը, ՙԱրս լունգա՚ դուետի դաշնակահար, «Հայ կամերային երաժշտության անթոլոգիաե ծրագրի համահիմնադիր Ջուլիետա Վարդանյանը, ջութակահար, ծրագրի մասնակից Հովհաննես Մոկացիանը (Գերմանիա):
ՙՎիվաՍել-ՄՏՍ-ը հպարտությամբ է աջակցում հայկական մշակույթի պահպանմանն ուղղված նախաձեռնություններին: «Հայ կամերային երաժշտության անթոլոգիաե ծրագիրն անչափ կարևոր է ոչ միայն հայկական կամերային երաժշտության հարուստ ժառանգությունը մեկ տեղում հավաքելու և պահպանելու առումով: Ստեղծված ձայնադարանը հիանալի միջոց է ապագա սերունդների համար` մեր երաժշտությունն ուսումնասիրելու, ինչպես նաև ամբողջ աշխարհում այն ճանաչելի դարձնելու համար՚,-նշել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
ՙՀայ կամերային երաժշտության անթոլոգիա՚ ծրագիրը հայ երաժշտության պատմության մեջ իր ձևով և բովանդակությամբ միակն է, քանի որ հայ կոմպոզիտորների ստեղծագործությունների մեծ մասը կամ երբևիցե չեն կատարվել ու ձայնագրվել, կամ կատարվել են տասնամյակներ առաջ և վերականգնման կարիք ունեն:
ՙԱրս լունգա՚ դուետը 2011-2013թթ. ՙՀայ կամերային երաժշտության անթոլոգիա՚ ծրագրի I մասի շրջանակում հավաքել է 20-21-րդ դդ. 60 հայ կոմպոզիտորների՝ թավջութակի և դաշնամուրի համար գրված ստեղծագործություններ, կատարել և ձայնագրել է ժամանակակից տեխնիկայի վերջին պահանջներին համապատասխան: Արդյունքում թողարկվել են ձայնագրությունների ժողովածուներ, որոնցից կազմված յուրաքանչյուր ավարտուն տուփը (12 ձայնասկավառակ) ամփոփվում է այդ շարքում ընդգրկված հեղինակների կենսագրականները ներառող գրքույկով:
2013թ.-ից դուետն աշխատում է ծրագրի երկրորդ մասի վրա, որի նպատակն է 20-21-րդ դդ. հայ կոմպոզիտորների ջութակի, թավջութակի և դաշնամուրի համար գրված ստեղծագործությունների կատարումը և ամբողջական ձայնագրումը:
Ձայնագրությունների ժողովածուները նախատեսված չեն վաճառքի համար: Թողարկված ձայնագրությունների ժողովածուները տրամադրվելու են աշխարհի խոշոր համալսարանների գրադարաններին, երաժշտական փառատոներին, երաժշտական քոլեջներին և ինստիտուտներին, կոմպոզիտորների միություններին, դասական երաժշտություն պրոպագանդող ռադիոկայաններին:
Սեփական ձայնադարան ունեցող յուրաքանչյուր երաժշտական հաստատություն ևս կստանա այս ձայնագրությունների ժողովածուն` երաժշտության գրականության և պատմության դասընթացներին օգտագործելու համար:
ՙՀայ կամերային երաժշտության անթոլոգիա՚ ծրագրի ստեղծման և իրականացման գաղափարը ՙԱրս լունգա՚ դուետինն է` ի դեմս Արամ Թալալյանի և Ջուլիետա Վարդանյանի: Ծրագիրը ներառում է հայ ակադեմիական երաժշտական ստեղծագործական մտքի և ավանդույթների լայն սպեկտր` 20-րդ դ. սկզբից մինչև մեր օրերը. այդ թվում՝ երիտասարդ սերնդի ներկայացուցիչների, ովքեր, մասնակից լինելով ծրագրի ընթացքին, իրենց մի շարք ստեղծագործություններ նվիրել են ՙԱրս լունգա՚ դուետին:
ՙՀայ կամերային երաժշտության անթոլոգիա՚ ծրագիրը բաղկացած է մի քանի մասից: ՙԱրս լունգա՚ դուետը նախատեսում է շարունակել ձայնագրությունների շարքը` համալրելով այն հայ կոմպոզիտորների այլ կամերային ստեղծագործություններով. դաշնամուրային կվարտետ, կվինտետ և այլն:
Armenian general rules out any provocations on Armenian-Turkish border as long as Russian flag hoisted there 
Crossroads of Peace project divorced from reality 
Armenia could hardly join EU of recent years - Boris Navasardyan
Armenian authorities` actions evidence of country`s movement to elimination of statehood - expert 
Tehran: foreign troops` presence in South Caucasus does not contribute to establishment of security, stability
Lavrov: Unilateral concessions by Armenian authorities make Armenia`s borders undefined
Armenia`s premier meets with residents of Berkaber
Rally in name of Armenian statehood starts in Voskepar 
No return to historical Armenia idea! Pashinyan calls on
Stark and unpleasant as it might be to the Washington establishment, that the best guarantors of Armenian security are Russia and Iran - The American Conservative
Armenian authorities` policy could affect country`s regional, international prospects - Russian MP
Armenia needs teams work of all active people - expert
Moscow "testing" its relations with Yerevan
Pashinyan: External forces also provoked main force organizing ethnic cleansing in Karabakh
Our political force will follow path of institutional solutions - ex-mayor of Yerevan 
Large-scale events planned in April - Pashinyan
Armenian people has to choose between war or premier`s resignation
EU increases humanitarian aid to displaced Karabakh Armenians with EUR 5.5 million
