Ուրբաթ, 10 Ապրիլի 2020 13:01

Արմինֆո. Լևոն Տեր-Պետրոսյանի առաջարկների մի մասը, որը վերաբերում է Հայաստանում իշխող քաղաքական ուժին, մեր խմբակցությունում ընդհանուր քննարկման դեռ չի ենթարկվել ։ Հետևաբար՝ մեր ընդհանուր արձագանքի մասին խոսելը վաղաժամ է։  ԱրմԻնֆո-ին այդպիսի կարծիք է հայտնել <Իմ քայլը> խմբակցության պատգամավոր Գայանե Աբրահամյանը ՝ մեկնաբանելով Հայաստանի առաջին նախագահ Լեւոն Տեր-Պետրոսյանի <Պատերազմական վիճակի թելադրանքով> հոդվածը։

 

Ընդ որում, խորհրդարանականը վստահություն է հայտնել, որ իշխանության ընդդիմախոսները նախկին նախագահի գնահատականներին և սթափեցնող կոչերին ականջալուր չեն լինի, քանի որ նրանց մեծ մասը տասնամյակներ շարունակ պետության դեմ է գործել՝ պետությունը թալանելու, կոռուպցիոն համակարգերով պետությունը խեղդելու ու թուլացնելու միջոցով։

 

Ընդ որում, նրա գնահատմամբ, առաջին նախագահը շատերից լավ է գիտակցում  կառավարման դժվարությունները, պատերազմի պայմաններում իշխանության պատասխանատվության աստիճանը: Աբրահամյանը ափսոսանք է հայտնել, որ պետությունը քաղաքական շահերից վեր դասող, պետական մտածողության գործչի այս խոսքերը, ցավոք, ոչ բոլորին են հասու, հատկապես այսօրվա որոշ ընդդիմադիրներին, որոնք ոչնչի առաջ չեն կանգնի հանուն իրենց քաղաքական նպատակների՝ վտանգելով պետությունը, պետական շահը, պետական անվտանգությունը։

 

<Ոչ բոլորն են համաձայն  Տեր-Պետրոսյանի հետ բազմաթիվ հարցերում։ Շատերը նրան մեղադրում են ժամանակին թույլ տրված սխալների, սխալ քաղաքականության մեջ ։ Այնուամենայնիվ, հենց նման կարծիքների և քննարկումների միջոցով է ձևավորվում քաղաքական դիսկուրսի և բանավեճի որակը>,- նշել է խորհրդարանականը։

 

Աբրահամյանը նաև իր համաձայնությունն է հայտնել Տեր-Պետրոսյանի կարծիքի հետ ՝ ընդգծելով, որ աշխարհն այսօր անտեսանելի, շատ վտանգավոր դիմակայության մեջ է ։ Այս առումով նա անհրաժեշտ է համարում հայ հասարակության համախմբումը՝ հանուն պետության եւ հանրային անվտանգության։ Ընդ որում, բոլորին անհրաժեշտ է մի կողմ դնել քաղաքական տարաձայնություններն ու շահերը ։

 

<Ընդհանուր առմամբ Հայաստանի ներքաղաքական իրավիճակին Լևոն Տեր-Պետրոսյանի տված բնորոշումը՝ <անբնական ու վտանգավոր>, հակված եմ դիտարկելու կորոնավիրուսի տարածման հետ կապված իրավիճակի ընդհանուր համատեքստում ։ Այն, ինչը համառորեն չեն ցանկանում տեսնել մեր որոշ ընդդիմադիրներ։ Եվ եթե նման մարդիկ ակնհայտորեն զուրկ են պետական մտածողությունից, զրկված են սոցիալական պատասխանատվության զգացումից, պետք է գոնե ինքնապաշտպանական բնազդը գործի։ Թեկուզ միայն իրենց հարազատների անվտանգությունից ելնելով պետք է գիտակցեն այս պարզ ճշմարտությունը>,- ամփոփել է խորհրդարանականը։