Եվրասիական տնտեսական միությունը և Եվրամիությունը կարող են հավասարամեծ գործընկերներ դառնալ: Ինչպես հաղորդում է ԱրմԻնֆո-ի թղթակիցը Մինսկից, այդ մասին հոկտեմբերի 21-ին հայտարարել է Բելառուսի նախագահ Ալեքսանդր Լուկաշենկոն ԱՊՀ երկրների ԶԼՄ-ների ղեկավարների հետ հանդիպման ժամանակ: Նրա խոսքով, Բելառուսը, Ռուսաստանը և Ղազախստանն ստեղծել են Մաքսային միություն և մոտեցել Եվրասիական տնտեսական միության ստեղծմանը: ՙՀաշվի առնելով այդ  նախագծին մասնակցելու մի շարք այլ երկրների ձգտումները` մոտ ժամանակներս Եվրասիական տնտեսական միությունը և Եվրամիությունը գրեթե հավասարամեծ գործընկերներ կդառնան աշխարհաքաղաքականության շախմատի տախտակի վրա: Վերջիններիս շահերը հարկավոր կլինի հավասարակշռել: Սա կենդանի օրինակ է այն բանի, որ ինտեգրացիաների ինտեգրումը միանգամայն իրական է՚,- հայտարարել է նա: Բելառուսի նախագահը վստահ է, որ Եվրոպայի հետ  երկխոսությունն ավելի արդյունավետ կլինի, եթե տարվեն միասնական, այլ ոչ թե ԱՊՀ անդամ առանձին երկրների անջատ բանակցություններ: ՙՉէ որ, միասին մենք ուժ ենք, որի հետ հաշվի կնստեն՚,- հայտարարել է նա:

Հայաստանը չի կարող վաղը կամ մյուս օրը մտնել Մաքսային միություն, դրա համար Երևանը պետք է կատարի բոլոր ընթացակարգերը և օրենսդրորեն ընդունի բոլոր այն փաստաթղթերն ու համաձայնագրերը, որոնք արդեն մշակվել են: Հայաստանը պետք է անցնի միացման ճանապարհ, այնպես, ինչպես Առևտրի համաշխարհային կազմակերպությանն են միանում որոշ ժամանակահատվածից անց: Այս մասին Բելառուսիայի նախագահ Ալեքսանդր Լուկաշենկոն հայտարարել է ԱՊՀ անդամ երկրների լրատվամիջոցների հետ հանդիպմանը:

Առայժմ Ադրբեջանի և Հայաստանի միջև բանակցություններ չեն վարվում, այլ ընդամենը անցկացվում են առանձին հանդիպումներ: Ինչպես հաղորդում է APA-ն, այդ մասին լրագրողներին հայտարարել է Ադրբեջանի փոխարտգործնախարար Արազ Ազիմովը:

 Ռասիզմի, այլատյացության և անհանդուրժողականության խնդիրը տարիներ շարունակ մնում է Եվրոպայի սևեռուն ուշադրության կենտրոնում: Այդ մասին հայտարարել է  Հայաստանի արտգործնախարար Էդվարդ Նալբանդյանը Երևանում ՙՊայքար Եվրոպայում խտրականության, այլատյացության և անհանդուրժողականության դեմ՚ միջազգային խորհրդաժողովի բացմանը:

ՙԱրևորդի՚ միջազգային բնապահպանական 4-րդ փառատոնի ՙԵրիտասարդական լավագույն ֆիլմ՚ անվանակարգում  մրցանակ է շնորհվել ՙՎաշ-վիշ՚ ֆիլմին, որը նկարահանել են Ալավերդու ՙSOS Մշակույթ՚ երիտասարդական ակումբի մասնակիցները: Ֆիլմը պատմում է քաղաքի բնապահպանական խնդիրների մասին:

Լեռնային Ղարաբաղի հակամարտության գոտում ՀԱՊԿ խաղաղապահների տեղակայման հարց չի քննարկվում: Այդ մասին հայտարարել է ՀԱՊԿ գլխավոր քարտուղար Նիկոլայ Բորդյուժան հոկտեմբերի 21-ին կայացած մամուլի ասուլիսում: Նրա ասելով, հետխորհրդային տարածությունում հակամարտությունների գոտիներում կայունության ապահովման գործառույթներն իրականացնում են այլ կառույցներ:

 Հայ ակտիվիստները փորձել են ձախողել Երևանում ընթացող ՙՊայքար ընդդեմ խտրականության, այլատյացության և անհանդուրժողականության Եվրոպայում՚ միջազգային խորհրդաժողովը:

Մարիա Սահակյանի ՙԱյդ ես չեմ՚ ֆիլմը ներառվել է Մինսկի ՙԼիստոպադ՚ 20-րդ միջազգային կինոփառատոնի խաղարկային կինոյի հիմնական մրցույթում:

Այս շաբաթ գիշերային ժամերին օդի ջերմաստիճանը Երևանում կարող է նվազել մինչև 1 աստիճան ցուրտ, հաղորդվում է ՀՀ ԱԻՆ կայքը` վկայակոչելով Հայպետհիդրոմետկենտրոնի տվյալները։

Հոկտեմբերի 20-ին, ժամը 21:20-ի սահմաններում Եղվարդ-Երեւան ավտոճանապարհի 32-րդ կմ հատվածում բախվել են BMW մակնիշի 04 ՍԼ 920 համարանիշի եւ Վազ 2121 մակնիշի 870 ՕԼ 64 համարանիշի ավտոմեքենաները:

Հայաստանի գրողների միությունը նոր նախագահ ունի: Նախօրեին ՀԳՄ համագումարում փակ գաղտնի քվեարկության արդյունքում այդ պաշտոնում ընտրվել է Գրողների միության նախագահի ժամանակավոր պաշտոնակատար Էդվարդ Միլիտոնյանը: Նա ստացել է 199 ձայն, Հովիկ Հովեյանը՝ 100 ձայն, Դավիթ Սարգսյանը՝ 24, իսկ Ռոմիկ Սարդարյանը՝ 4  ձայն:  Անվավեր է ճանաչվել 7 թերթիկ:

 Ադրբեջանի եվրոպական շարժման նախագահ Ռամին Գաջիլին Հայաստանին կոչ է արել ազատել ՙօկուպացված հողերը՚,  հավաստիացնելով, որ եթե այդ ՙ6 շրջաններն՚ ազատվեն, ապա պաշտոնական Բաքուն կգնա շատ մեծ զիջումների: Միևնույն ժամանակ Գաջիլին դժվարացել է պատասխանել ԱրմԻնֆոյի թղթակցի այն հարցերին, թե ինչ զիջումների մասին է խոսքը, և ինչու պարեազմում հաղթած հայկական կողմը պետք է զիջումների գնա: ՙՏվյալ դեպքում ինչ-որ մեկը պետք է զիջումների գնա, ադրբեջանցի ժողովուրդը պատերազմ չի ուզում և ցանկանում է Լեռնային Ղարաբաղի հակամարտությունը կարգավորել խաղաղ բանակցությունների միջոցով՚, - նշել է նա:

 Ղարաբաղյան հակամարտությունը կարող է վերսկսվել տարբերակներից վատթարագույնով, գրում է Le Monde-ը:

 ՀՀ կառավարության կողմից ստեղծված աշխատանքային խումբն ավարտել է ցիանային տեխնոլոգիաներ կիրառող Lydian International ընկերության ոսկու վերամշակման ֆաբրիկայի համար նախատեսված շինհրապարակի գտնվելու վայրի հետ կապված աշխատանքը: Ինչպես հաղորդում է ՙԷկոԼուրը՚,  ձեռք են բերվել պայմանավորվածություններ այն մասին, որ ցիանային ֆաբրիկայի տեղակայման վայրը ընդունելի է թե կառավարության, թե ընկերության համար: նոր օբյեկտը կտեղակայվի  նախկինում նախատեսված վայրից չորս կմ դեպի հարավ - արեւմուտք և հորատանցքներից յոթ կիլոմետր հեռավորության վրա:

 Ասոցացման համաձայնագիրը մնում է ԵՄ-Հայաստան բանակցությունների օրակարգում: Այդ մասին ՙԱզատություն՚ ռադիոկայանին հայտարարել է Հայաստանի փոխարտգործնախարար Զոհրաբ Մնացականյանը:

 Հայաստանի կառավարող կուսակցությունը պնդում է, որ ՄՄ-ին անդամակցելու որոշումը բխում է երկրի ազգային շահերից: Որքանո՞վ է դա հիմնավորված, եթե հաշվի առնենք   , որ նույն Ռուսաստանը զենք է վաճառում Ադրբեջանին, իսկ ՄՄ անդամ Ղազախստանը, պահանջում է Լեռնային Ղարաբաղի հետ սահմանների անհապաղ փակում: Ձեր կարծիքով, ինչո՞վ է իրականում պայմանավորված Մաքսային միությանն անդամակցելու Հայաստանի որոշումը:

Հոկտեմբերի 17-ի լույս 18-ի գիշերը Ջրվեժում գտնվող ՙՄատրյոշկա՚ գիշերային ակումբի այցելուները դաժան ծեծի են ենթարկել երեք մերկապարուհիների: Տեղեկությունը հաստատվել է նաև ՀՀ Ոստիկանության կողմից:

Իրենց զվարճացնող ՙմատրյոշկաների՚ նկատմամբ հաջախորդների ատելության պատճառները հայտնի չեն, սակայն, ամենայն հավանականությամբ, դրանք եղել են բավականին հիմնավոր, քանի որ տղամարդիկ պարուհիներին ծեծել են իրենց ունեցած բոլոր վերջույթներով: Դրանից հետո ակումբի ամենազայրացած երկու հաճախորդները, արդեն լուսադեմին, երեք աղջիկներին դուրս են բերել շենքից և լրացուցիչ ծեծել: Դեպքի կապակցությամբ կատարվում է հետաքննություն, նշանակվել է դատա-բժշկական փորձագիտություն:

Նշենք, որ, ըստ չհաստատված տվյալների, ՙՄատրյոշկա՚ ակումբը պատկանում է Հայաստանի Ազգային անվտանգության խորհրդի քարտուղար Արթուր Բաղդասարյանին և գրանցված է նրա հոր անունով:

Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումը կարող է կայանալ այս նոյեմբերի վերջին: Այս մասին է հաղորդում ԱՊԱ գործակալությունը, հղում կատարելով սեփական դիվանագիտական աղբյուրներին:

Աղբյուրի համաձայն, ԵԱՀԿ Մինսկի խմբի համանախագահները նոյեմբերին իրենց հերթական այցը կկատարեն դեպի տարածաշրջան` երկու երկրների ղեկավարների հանդիպումը կազմակերպելու համար: Այցը կսկսվի Բաքվից, որտեղ համանախագահները կհանդիպեն Ադրբեջանի նախագահի և արտգործնախարարի հետ: Այնուհետև նրանք կժամանեն Երևան: ՙՄիջնորդները մտադիր են նրանց առաջարկել հանդիպել: Ամեն ինչ կախված կլինի կողմերից: Նրանց համաձայնության դեպքում հանդիպումը կարող է կայանալ նոյեմբերի վերջին՚,-հայտարարել է աղբյուրը:

ԵԱՀԿ ՄԽ համանախագահները Հայաստանի և Ադրբեջանի համապատասխան մարմիննրին կոչ են անում մանրակրկիտ և անկողմնակալ հետաքննություն իրականացնել զինված ուժերի շփման գոտում տեղի ունեցած միջադեպի կապակցությամբ:

Ինչպես ԱրմԻնֆո գործակալությանը տեղեկացվել է ԵԱՀԿ մամուլի ծառայությունից, համանախագահները նշում են, որ դիտարկումներին մասնակցած անձինք հանդիսանում են իրենց գործի պրոֆեսիոնալներ, իսկ նման միջադեպերը սասանում են ինչպես այդ անձանց, ակնպես էլ ԵԱՀԿ ործող նախագահի անձնական ներկայացուցչի աշխատանքները, ինչպես նաև հակասում են հրադադարի վերաբերյալ համաձայնագրին, որը ձեռք էր բերվել 1994 թվականի մայիսին:

Նշենք, որ հոկտեմբերի 17-ին ԵԱՀԿ առաքելության կողմից ծրագրված պլանային դիտարկումները Լեռնային Ղարաբաղի և Ադրբեջանի զինված ուժերի շփման գոտում, Հադրութի ուղղությամբ, դադարեցեվել է` ադրբեջանական կողմից ԼՂՀ ՊԲ դիրքերի ուղղությամբ ինքնքնաձիգից արձակված կրակոցների հետևանքով:

Կրակոցներն արձանագրվել են երկու կողմերի դիտորդական խմբերը: ԵԱՀԿ ործող նախագահի անձնական ներկայացուցիչ Անջեյ Կասպրշիկը, որը ղեկավարում էր հակառակ կողմի դիտորդական խումբը, անվտանգության նկատառումներից ելնելով կայացրել է դիտորդությունը դադարեցնելու վերաբերյալ որոշում:

Դեռ չեն հանդարտվել Մաքսային միությանն անդամակցելու Հայաստանի որոշման շուրջ կրքերը, երբ լարվածության և երբեմն չմտածված հակառուսական հիստերիայի նոր ալիք բարձրացրեց  հրապարակախոս, Արցախյան շարժման գաղափարակիր Զորի Բալայանի`Վլադիմիր Պուտինին ուղղված նամակը: Նամակում հրապարակախոսը, որքանով թույլ կտար 17 էջը,  ՌԴ նախագահի ուշադրությանն է ներկայացնում Լեռնային Ղարաբաղի պատմությունը`սկսած 1813 թ. Գյուլիստանի պայմանագրից: Բալայանը մանրամասն Ղարաբաղի նկատմամբ Ադրբեջանի և Թուրքիայի նկրտումների անհիմն լինելը հաստատող փաստարկներ է բերում: Ըստ որում, նա Պուտինին հրավիրել է այցելել Արցախ` համոզվելու իր խոսքերի ճշմարտացիության ու 1921 թվականին խորհրդային իշխանությունների կայացրած որոշումների անիրավաչափության մեջ: