Հայաստանի ժողովրդական կուսակցության առաջնորդ Ստեփան Դեմիրճյանը զարմացած չէ ՙԲարգավաճ Հայաստան՚ կուսակցության առաջնորդ Գագիկ Ծառուկյանի այն հայտարարությամբ, որ կուսակցությունն ընդդիմություն չի դառնա: Այդ մասին նա հայտարարել է այսօր մամլո ասուլիսի ժամանակ:

ՙԾառուկյանը որևէ նոր բան չի հաղորդել, նրանք երբեք չեն հայտարարել ընդդիմադիր լինելու մասին: Իսկ Հայաստանի ժողովրդական կուսակցությունը միշտ հայտարարել է, որ կհամագործակցի ԲՀԿ-ի հետ միայն այն ժամանակ, երբ նրանք հայտարարեն ընդդիմադիր լինելու մասին, ինչը տեղի չի ունեցել՚,- նշել է նա:

Իսկ ՀԱԿ դաշինքի պառակտման առնչությամբ Դեմիրճյանը հայտարարել է, որ հավերժ համագործակցություններ չեն լինում, և դաշինքներն ստեղծվում են ընտրություններին մասնակցելու համար: Պատգամավորի կարծիքով, ՙՀայոց համազգային շարժում՚ հասարակական կազմակերպության և ՙՀայ ազգային կոնգրես՚ կուսակցության ստեղծումը քաոս է ստեղծում Հայաստանի քաղաքական դաշտում: ՙԵս համագործակցում եմ նրանց հետո, մենք լավ հարաբերությունների մեջ ենք, սակայն կուսակցության և դաշինքի, կուսակցության և հասարակական կազմակերպության միանունությունը շփոթեցնում է ինչպես լրագրողներին, այնպես էլ`հասարակությանը՚,- ասել է նա:

 Գազի և էլեկտրաէներգիայի, կաթնամթերթի գների բարձրացումը, ուսման վարձի թանկացումն առաջին հերթին կհանգեցնեն միգրացիայի աճի: Այդ մասին մայիսի 16-ին մամլո ասուլիսի ժամանակ հայտարարել է ՙԺառանգություն՚ կուսակցության անդամ Անահիտ Բախշյանը:

ՙՀայաստանի իշխանությունների բոլոր այդ հակաժողովրդական քայլերին ժողովուրդը պատասխանում է միգրացիայով՚,-նշել է նա: Նրա կարծիքով, գների բարձրացումը կհանգեցնի սոցիալական վրդովմունքի, բայց խռովություն չի լինի: Բախշյանի խոսքով, հանրապետությունում գների ընդհանուր բարձրացումը պայմանավորված է անցած ընտրություններում ծախսերը փոխհատուցելու օլիգարխների ձգտմամբ:

Անդրադառնալով ուսման վարձի թանկացմանը`Բախշյանը հայտարարել է. ՙՈւսման վարձի թանկացումը հիմնավորում են այն բանով, որ միջոցները կուղղվեն դասախոսների աշխատավարձերի ավելացմանը`կոռուպցիոն ռիսկերի կրճատման նպատակով, բայց թե որքանով է դա մոտ իրականությանը, չեմ կարող ասել՚:

Նշենք, որ հաջորդ ուսումնական տարվանից Երևանի պետական համալսարանում կբարձրանա ուսման վարձը: Նվազագույն վարձաչափը կկազմի 400 հազար դրամ`նախկին 300 հազար դրամի փոխարեն:

 Մայիսի 17-ին Էդվարդ Նալբանդյանը կայցելի Կրակով, որտեղ նախատեսված է նրա մասնակցությունը Վիշեգրադյան քառյակի անդամ երկրների և ԵՄ Արևելյան գործընկերության մասնակից պետությունների արտգործնախարարների հանդիպմանը:

Ինչպես տեղեկացնում է ՀՀ ԱԳՆ մամուլի և տեղեկատվության վարչությունը, Կրակովում նախատեսված է Հայաստանի և Ադրբեջանի արտգործնախարարների հանդիպումը:

 ՙՍպայկա՚ ընկերության շենքում հրդեհի հետևանքով այրվել է 10 հազար տոննա ապրանք և 15  հազար քմ մակերեսով սառնարանային համալիր: Այդ մասին ԱրմԻնֆո-ի թղթակցին հաղորդել է ընկերության տնօրեն Կարեն Բաղդասարյանը:

Նա նշել է, որ հրդեհը ներկայումս արդեն մարվել է, և հասցված վնասի չափերը, ինչպես և կատարվածի պատճառները դեռ պետք է պարզել:

Բաղդասարյանը նաև տեղեկացրել է, որ սառնարանային համալիրին կից կառույցները հրդեհի հետևանքով չեն տուժել:

Հիշեցնենք, որ մայիսի 15-ին` ժամը 23.58-ին, ահազանգ է ստացվել, որ հրդեհ է բռնկվել Երևանի Արշակունյաց պողոտայի թիվ 252 հասցեում գտնվող ՙՍպայկա՚ ՍՊԸ-ում: Դեպքի վայրում աշխատել է 26 միավոր հատուկ տեխնիկա, 110 փրկարար:

ՙՍպայկա՚ ընկերությունը ստեղծվել է 2001 թ. և հանդիսանում է Հայաստանում միջազգային ավտոբեռնափոխադրման առաջատար` իրականացնելով  տրանսպորտային բեռնափոխադրումներ Եվրոպա և ԱՊՀ երկրներ:

 Գազի գնի թանկացման դեմ բողոքի ակցիայի մի քանի տասնյակ մասնակից այսօր երթ են անցկացրել ՀՀ կառավարության շենքի մոտից մինչև Հանրային ծառայությունները կարգավորող հանձնաժողովի շենքը:

Ակցիայի մասնակիցների հետ հանդիպել է հանձնաժողովի աշխատակազմի ղեկավար Միքայել Սողոմոնյանը: Նա նշել է, որ 90-օրյա ժամկետում իրենք պետք է քննարկեն գազի սակագնի թանկացման վերաբերյալ դիմումը և նոր որոշում ընդունեն:

Լրագրողների այն հարցին, թե այդ դեպքում ինչու է ընդունվել նաև էլեկտրաէներգիայի սակագնի բարձրացման դիմումը, Սողոմոնյանը պատասխանել է, որ երկու դիմումները փոխկապակցված են և պետք է քննարկվեն զուգահեռաբար, սակայն, առայժմ գազի գնի բարձրացման վերաբերյալ հստակ որոշում չի ընդունվել:

Նշենք, որ ՀՀ կառավարությունը 30 տոկոսով սուբսիդավորելու է գազի սակագինը, այսօր կառավարության նիստում նման հայտարարությամբ է հանդես եկել ՀՀ վարչապետ Տիգրան Սարգսյանը: Նա հիշեցրել է, որ ՙՀայՌուսգազարդը՚ հայտ է ներկայացրելՀՀ հանրային ծառայությունները կարգավորող հանձնաժողով, որի համաձայն`Հայաստան գազ է մատակարարվելու 1 հազար խմ դիմաց $270 գնով: ՙԵս նամակ եմ ուղարկել Հանրային ծառայությունները կարգավորող հանձնաժողովի նախագահին, որում արձանագրվում է, որ ՀՀ կառավարությունը 30 տոկոսով սուբսիդավորելու է գազի սակագինը՚,- ասել է վարչապետը: Նա ավելացրել է, որ սոցիալապես անապահով ընտանիքները ստանալու են օժանդակություն, որպեսզի գազի գնի թանկացումները նրանց ընտանեկան բյուջեի վրա ազդեցություն չթողնեն: Գազի գնի շուրջ նախատեսվում է բաց հանրային լսումներ անցկացնել, նշել է Սարգսյանը:

Նախօրեին ՀՀ հանրային ծառայությունները կարգավորող հանձնաժողովը, հաշվի առնելով 2013-2014 թվականներին կանխատեսվող էլեկտրաէներգիայի (հզորության) արտադրության հաշվեկշռի փոփոխությունը, ջերմային կայաններին վաճառվող բնական գազի սակագնի հնարավոր փոփոխությունը, ԱՄՆ դոլար/դրամ փոխարժեքի մեծության և մի շարք այլ գործոնների փոփոխությունները, իր նախաձեռնությամբ սկսել է էլեկտրաէներգետիկական համակարգի ընկերությունների կողմից էլեկտրաէներգիայի արտադրության և ծառայությունների մատուցման, ինչպես նաև վերջնական սպառողներին վաճառվող էլեկտրաէներգիայի սակագների վերանայման գործընթաց: Մայիսի 14-ին ՙՀայռուսգազարդ՚ ՓԲԸ-ն և ՙՏրանսգազ՚ ՍՊԸ դուստր ձեռնարկությունը ՀՀ Հանրային ծառայությունները կարգավորող հանձնաժողովին էր ներկայացրել բնակչության համար գազի գների բարձրացման վերաբերյալ հայտը, որի համաձայն` գազի գները կբարձրանան 67%-ով, ներկայիս 132 հազ.դրամից աճելով մինչև 221 հազ.դրամ` մեկ հազ.խոր.մետր գազի դիմաց: Ըստ պաշտոնական վիճակագրության, 2012 թվականին ջերմային էլեկտրակայանների կողմից էլեկտրաէներգիայի արտադրության ծավալը ¥182.8 մլրդ. դրամ¤ հանրապետությունում արտադրվող ընդհանուր ծավալներում կազմել է 45.1%, այն ժամանակ, երբ ՀԷԿ-երինը կազմել է 6.4%, ՀԱԷԿ-ինը` 9.8%, բարձրավոլտ էլեկտրացանցերինը` 0.1%, իսկ էլեկտրաէներգիայի փոխանցման և բաշխման բաժինը կազմել է 38.6%:

Նշենք, որ ներկայումս ռուսական ակտիվ հանդիսացող ՙՀայաստանի էլեկտրական ցանցեր՚ ընկերությունը բնակչությանը 1 կՎտ էլեկտրաէներգիան ցերեկային ժամերին վաճառում է 30 դրամով, իսկ գիշերային ժամերին` 20 դրամով: Մնացած վերջնական սպառողները 1 կՎտ էլեկտրաէներգիան ստանում են 17-30 դրամով:

ՀՀ կառավարությունը կմեղմացնի գազի գնի բարձրացման հետևանքները բնակչության համար`աշխատավարձի և կենսաթոշակների նախատեսվող բարձրացման միջոցով: Այդ մասին ԱրմԻնֆո-ի թղթակցի հետ զրույցում ասել է ՀՀԿ փոխնախագահ, կուսակցության խորհրդարանական խմբակցության ղեկավար Գալուստ Սահակյանը:

Հանրապետականը գտնում է, որ պետք չէ այդ խնդիրը քաղաքական շահարկումների առարկա դարձնել, քանի որ իշխանությունները, վերջին հաշվով, մեղավոր չեն, որ գազի մատակարար երկիրը`Ռուսաստանը, որոշել է վերանայել գները:

ՙԿարծում եմ`անհրաժեշտ է սպասել և կախված այն բանից, թե ինչ որոշում կկայացնի Հանրային ծառայությունները կարգավորող հանձնաժողովը`համապատասխան միջոցներ ձեռնարկել հետևանքները մեղմացնելու համար: Ավելին, մենք մտադիր ենք խորհրդարանում լսումներ անցկացնել այդ թեմայի շուրջ, որպեսզի պատասխանատու կառույցները կարողանան հիմնավորել գնի բարձրացումը: Եվ լսումների ընթացքում, հուսով եմ, պատասխան կտրվի բոլոր հարցերին՚,- նշել է Սահակյանը:

Մեկնաբանելով իշխանությունների հասցեին մեղադրանքները, թե ընտրությունների նախաշեմին նրանք թաքցրել են գնի բարձրացման`վաղօրոք հայտնի փաստը, Սահակյանը նշել է, որ այդ մեղադրանքներն անհիմն են, և հասկանալի է, որ ընդդիմությունն այդ խնդիրն օգտագործում է իր քաղաքական նպատակներով: Նրա խոսքով, նույնքան անհեթեթ են նաև հայտարարությունները, թե իշխանություններն իբր ցանկանում են փոխհատուցել ընտրությունների ժամանակ կատարված ծախսերը: Խմբակցության ղեկավարը ծիծաղելի է համարում նման մեղադրանքները:

Հիշեցնենք, որ ՙՀայՌուսգազարդը՚ ՀՀ Հանրային ծառայությունները կարգավորող հանձնաժողովին է ներկայացրել բնակչության համար գազի գների բարձրացման վերաբերյալ հայտը, որի համաձայն` գազի գները կբարձրանան ներկայիս 132 հազար դրամից մինչև 221 հազար դրամ 1 հազար խմ գազի դիմաց:

ՀՀ Հանրային ծառայութոյւնները կարգավորող հանձնաժողովը ¥ՀԾԿՀ¤ սեփական նախաձեռնությամբ սկսել է էլեկտրաէներգիայի սակագների վերանայման գործընթացը:

Հայաստանի խորհրդարանի փոխխոսնակ Էդուարդ Շարմազանովը ԲՀԿ-ին խորհուրդ է տվել անվրդով և հանգիստ սպասել 2017-18 թթ. ընտրություններին: Այդ մասին նա հայտարարել է ԱրմԻնֆոյի թղթակցի հետ զրույցում, մեկնաբանելով ԲՀԿ խմբակցության քարտուղար Նաիրա Զոհրաբյանի այն հայտարարությունը, թե ԲՀԿ պատրաստվում է խաղաղ և հանգիստ ճանապարհով գալ իշխանության:

Հայաստանի իշխանությունները ժողովրդի հետ անազնիվ են վարվել` թաքցնելով գազի գնի բարձրացման փաստը: ԱրմԻնֆոյի թղթակցի հետ զրույցում այդպիսի կարծիք է հայտնել ՙԺառանգություն՚ կուսակցության փոխնախագահ, Երևանի ավագանու խորհրդի անդամ Արմեն Մարտիրոսյանը: Ընդդիմադիր գործիչը կարծում է, որ գազի գնի բարձրացումը կհանգեցնի սոցիալական աղետի, քանի որ իրադրությունը երկրում առանց այդ էլ բավականին լարված է ընտրություններից հետո, որոնք, նրա պնդմամբ, ուղեկցվել են զանգվածային կեղծարարությամբ: ՙԻհարկե, չի կարելի պատահականություն համարել այն հանգամանքը, որ ՙՀայՌուսգազարդ՚ ընկերությունը ՙերկնագույն  վառելիքի՚ գնի բարձրացման հարցով Հանրային ծառայությունները կարգավորող հանձնաժողովին դիմեց հենց ընտրություններից հետո: Իշխանությունները գիտեին, որ մինչև ընտրությունները գների բարձրացումը բարդություններ կստեղծեր նրանց վերարտադրման ճանապարհին: Դա ՀՀ ղեկավարության կողմից չափազանց մանրակրկիտ ծրագրված ակցիա էր ՚, - նշել է նա:

Հայաստանն աստիճանաբար նպատակային համագործակցության դաշտ է դառնում աշխարհաքաղաքական առաջատար խաղացողների համար, որոնք շատ այլ դեպքերում տրամագծորեն հակառակ շահեր ունեն: Ըստ որում, շատ վերլուծաբաններ գտնում են, որ Երևանի իներցիոն արտաքին քաղաքականության ժամանակաշրջանը վաղ թե ուշ կավարտվի, և հարկավոր են բեկումնային որոշումներ`հատկապես նկատի ունենալով տնտեսական և քաղաքական բնույթի սուր մարտահրավերները: Համաձա±յն եք դրան, և եթե այո, ի±նչ պատճառներով:

Վերակառուցման և Զարգացման Եվրոպական Բանկը ¥EBRD¤ 2013 թվականի համար կանխատեսում է Հայաստանի տնտեսության աճի տեմպերի դանդաղում` 5%-ից մինչև 4%: Այս մասին ԱրմԻնֆո գործակալության թղթակցին տեղեկացրել է EBRD երևանյան գրասենյակի ղեկավար Վակերիու Ռազլոգը:

Մայրաքաղաքի թանգարանները նախապատրաստվում են ՙիշերը թանգարանում՚ ակցիային, որը կընթանա մայիսի 18-ին: Այդ օրը ժամը 18:00-ից մինչև կեսգիշեր այցելուները հնարավորություն կստանան մշտական ցուցադրությունից զատ դիտել ժամանակավոր ցուցահանդեսներ, թատերական և երաժշտական համարներ:

Ֆինանսա-բանկային ոլորտի գործունեությունն ակտիվ և մասնագիտորեն լուսաբանելու համար Հայաստանի բանկերի միությունը ԱրմԻնֆո լրատվական գործակալությանը պարգևատրել է պատվոգրով: ՙՖինանսա-բանկային ոլորտի գործունեությունն ակտիվ և մասնագիտական լուսաբանում՚ անվանակարգով պատվոգրերի և հատուկ պարգևների հանձնման արարողությունը կայացել է մայիսի 14-ին:

Աբովյանում Սբ.Հովհաննես Մկրտիչ նոր եկեղեցու բացման արարողության ընթացքում ծագել են լուրջ կազմակերպական խնդիրներ, քանի որ օծման արարողությանը  թույլ են ներկա գտնվել միայն քաղաքական և հոգևոր վերնախավի ներկայացուցիչներին, դիվանագետներին և լրագրողներին, մինչդեռ արարողությանը մասնակցելու համար հատուկ գազելներով Աբովյան բերված ժողովուրդին թույլ չի տրվել մտնել եկեղեցի, ինչի արդյունքում սկսվել է հրմշտոց և ծեծկռտոց, իրավապահ մարմինների ներկայացուցիչները մի կերպ զսպում են ամբոխին:

ՙԲարգավաճ Հայաստանը՚ ընդդիմություն չի դառնա, քանի որ ընդդիմադիր դաշտում քաղաքական շատ ուժեր կան: Նման արտասովոր բացատրություն է տվել ԲՀԿ առաջնորդ ագիկ Ծառուկյանը`պատճառաբանելով իր գլխավորած կուսակցության դիրքորոշումը: 

ՀՀ Պաշտպանության նախարարությունը հերքում է ադրբեջանցի դիպուկահարների կողմից ռուս հրահանգիչի վնասազերծման մասին տեղեկատվությունը: ԱՊԱ-ի տեղեկատվության համաձայն, ապրիլի 25-ին Աղդամի շրջանի Մերզիլի գյուղի մոտ վիրավորվել է ոմն Բոլոտնիկովը, ով իբր Ղարաբաղում իր գործունեության համար պարգևատրվել է Հայաստանի պաշտպանության նախարար Սեյրան Օհանյանի կողմից:

ՀՀ նախագահ Սերժ Սարգսյանը դժգոհ է գլխավոր դատախազ Աղվան Հովսեփյանից: Նա իր այդ դժգոհությունն արտահայտել է անցած շաբաթ Հանրապետական կուսակցության խորհրդի նիստի ժամանակ: Այս մասին գրում է ՙԺամանակը՚`վկայակոչելով իր աղբյուրները:

Մայիսի 13-ին Փարիզում պաշտոնական այցելությամբ գտնվող արտգործնախարար Էդվարդ Նալբանդյանը հանդիպում ունեցավ Ֆրանսիայի Ա նախարար Լորան Ֆաբիուսի հետ:

Բարձրաստիճան պաշտոնյաներից կազմված ֆինանսական բուրգի վերաբերյալ ՀՔԾ-ում քննվող քրեական գործի մասին վերջին շրջանում տարաբնույթ տեղեկություններ են հրապարակ նետվում: Թե դրանցից որ մասն է դառնում քննության առարկա, իսկ որ մասի վրա են իրավապահները աչք փակում, ապագան ցույց կտա: Բայց մի բան այս պահին հաստատ է. Երեւանի նախկին ոստիկանապետ Ներսես Նազարյանը հավաստիացնում է, որ ինքը որեւէ առնչություն չունի այդ բուրգի հետ:

Հայ-թուրքական արձանագրությունների վավերացումը ձախողվեց Թուրքիայի մեղքով, որը ղարաբաղյան հակամարտության հետ կապված նախապայմաններ էր առաջադրում: Այսօր այս մասին հայտարարել է Հայաստանում ԱՄՆ դեսպան Ջոն Հեֆերնը, ՀՀ նախագահի ՏՏ ոլորտի ամենամյա կրթական մրցանակի ՙՀաղթողների ակումբ՚ անդամների հետ հանդիպմանը Հայաստանի Պետական ճարտարագիտական համալսարանում: