Հայկական ակնաբուժության նախագիծը (ՀԱՆ) և Orange Հիմնադրամն ամփոփում են ՙԼույս հայի աչքերին՚ ծրագրի 2014թ.-ի աշխատանքները: Ծրագրի նպատակն է որակյալ ակնաբուժական ծառայությունները հասանելի դարձնել Հայաստանի մարզերի բնակիչներին՝ Աչքի շարժական հիվանդանոցի միջոցով: 2011թ.-ից ի վեր, այս համագործակցության շնորհիվ արդեն ավելի քան 67,000 մարդ անվճար օգտվել է որակյալ ակնաբուժական ծառայություններից, այդ թվում 5200 մարդ անվճար վիրահատվել է Աչքի շարժական հիվանդանոցում (ԱՇՀ):
Orange Հիմնադրամի և ՀԱՆ-ի ներկայացուցիչներն այցելել են Էջմիածին քաղաք` ամփոփելու շարժական հիվանդանոցի 2014թ.-ի շրջայցը: Այս նույն օրը նաև մեկնարկեց «1 selfie = 1 ակնոցե ծրագրով նախատեսված ակնոցների տրամադրումը Արմավիրի մարզում: Հիշեցնենք, որ հոկտեմբերին իրականացված առցանց արշավի շրջանակներում Orange-ի ֆեյսբուքյան էջին ուղարկված յուրաքանչյուր ինքնանկարի դիմաց տեսողության խնդիրներ ունեցող մեկ երեխա ստանալու է անվճար ակնոց:
ՙՈւրախ ենք մեր գործընկերների հետ համատեղ ամփոփել «Լույս հայի աչքերինե ծրագրի այս տարվա արդյունքները: Հպարտ ենք այս համագործակցությամբ, քանի որ այն օգնում է տասնյակ հազարավոր մարդկանց և իրապես փոխում նրանց կյանքը: Բացի այդ, սկսում ենք Orange-ի բաժանորդների շնորհիվ մեծապես հաջողված «1 selfie = 1 ակնոցե ծրագրի հաջորդ փուլը, որի շրջանակներում Արմավիրի մարզի ավելի քան 826 երեխաներ կստանան անվճար ակնոցներ, իսկ քանի որ նախնական զննումների արդյունքում արդեն ակնհայտ է, որ Արմավիրի մարզում բոլոր 826 ակնոցները անհրաժեշտ չեն լինի, ապա մենք ակնոցների մնացած մասը կտրամադրենք այլ մարզերում բնակվող երեխաների՚, -ասել է Orange Հիմնադրամի խորհրդի նախագահ Ֆրանսիս Ժելիբտերը:
ՙԱյս տարի ԱՇՀ-ը եղավ Արարատի, Վայոց Ձորի, Սյունիքի, Գեղարքունիքի և Արմավիրի մարզերում իրականացնելով 1,374 վիրահատություններ և լազերային բուժումներ։ 2014թ.-ի ընթացքում ընդհանուր առմամբ նշված մարզերում հետազոտվել են 12,081 մեծահասակներ և 5,054 երեխաներ, 740 երեխա անցել է հանրակրթական դասընթացներ ակնային խնամքի վերաբերյալ, տրամադրված ակնոցների թիվն է 2,809։ ՀԱՆ-ը անչափ կարևորում է Orange Հիմնադրամի հետ ունեցած մեր համագործագցությունը։ Միասին աշխատելով այս չորս տարիների ընթացքում` բավականին մեծ արդյունքների ենք հասել և հուսով ենք, որ կշարունակենք այս համատեղ գործը մյուս տարիների ընթացքում՚, - ասել է ՀԱՆ-ի հայաստանյան գրասենյակի տնօրենի ժամանակավոր պաշտոնակատար Վարվարա Քալաշյանը:
2011-2014 թթ. Հայկական ակնաբուժության նախագծի և Orange Հիմնադրամի համագործակցության շնորհիվ 51,984 մեծահասակներ և 15,051 երեխաներ անցել են ակնային զննումներ, 8,961 բնակիչներ անցել կրկնակի մանրամասն հետազոտություն Աչքի շարժական հիվանդանոցում (ԱՇՀ), իրականացվել է 5,209 վիրահատություն և լազերային բուժում, դուրս է գրվել 23,876 ակնոց, 4,399 երեխաներ 53 մարզային դպրոցներում անցել են ակնային խնամքի դասընթացներ: Այս տարի ԱՇՀ-ն առաջին անգամ այցելել է Գեղարքունիքի մարզ, իսկ Վայոց Ձորի, Սյունիքի, Արարատի և Արմավիրի մարզերում ակնային զննումներ և վիրահատություններ իրականացրել արդեն երկրորդ անգամ։L:
Armenian general rules out any provocations on Armenian-Turkish border as long as Russian flag hoisted there 
Crossroads of Peace project divorced from reality 
Armenia could hardly join EU of recent years - Boris Navasardyan
Armenian authorities` actions evidence of country`s movement to elimination of statehood - expert 
Tehran: foreign troops` presence in South Caucasus does not contribute to establishment of security, stability
Lavrov: Unilateral concessions by Armenian authorities make Armenia`s borders undefined
Armenia`s premier meets with residents of Berkaber
Rally in name of Armenian statehood starts in Voskepar 
No return to historical Armenia idea! Pashinyan calls on
Stark and unpleasant as it might be to the Washington establishment, that the best guarantors of Armenian security are Russia and Iran - The American Conservative
Armenian authorities` policy could affect country`s regional, international prospects - Russian MP
Armenia needs teams work of all active people - expert
Moscow "testing" its relations with Yerevan
Pashinyan: External forces also provoked main force organizing ethnic cleansing in Karabakh
Our political force will follow path of institutional solutions - ex-mayor of Yerevan 
Large-scale events planned in April - Pashinyan
Armenian people has to choose between war or premier`s resignation
EU increases humanitarian aid to displaced Karabakh Armenians with EUR 5.5 million
"Nagorno-Karabakh, Betrayed Peace" photo exhibition by Roberto Travan opened in Italia`s Castellanza
