2014թ. հուլիսի 20-ին ՙՎալլեքս՚ խմբի ընկերությունները Լոռու մարզպետարանի և Ալավերդու քաղաքապետարանի հետ համատեղ անցկացրել են տոնական միջոցառումներ՝ նվիրված ՙՀանքագործի և մետալուրգի օր՚ մասնագիտական տոնին, Ալավերդի քաղաքի օրվան և Ալավերդու պղնձաձուլական գործարանի 244-րդ տարեդարձին:
Միջոցառումները մեկնարկել են Թեղուտի հյուրանոցահանրակացարանային համալիրի հարակից հրապարակում, որտեղ նորակառույց դրոշաձողերի վրա առաջին անգամ բարձրացվել են Հայաստանի և Արցախի Հանրապետությունների պետական, ՙՎալլեքս՚ խմբի ընկերությունների ՙՎալլեքս Գրուպ՚ և ՙՎալլեքս Մայնինգ՚ կորպորատիվ դրոշները: Այնուհետև տեղի են ունեցել պարգևատրման արարողություն. մասնագիտական առաջադիմության և արդյունավետ աշխատանքի համար ՙՎալլեքս՚ խմբի ընկերությունների կողմից շնորհակալագրով ու դրամական պարգևով պարգևատրվել են խմբի ՙԹեղուտ՚, ՙԲեյզ Մեթըլս՚, ՙՎալլեքս Տուր՚ և ՙԼեռնամետալուրգիայի ինստիտուտ՚ փակ բաժնետիրական ընկերությունների 24 աշխատակիցներ:
Թեղուտի հյուրանոցահանրակացարանային համալիրին կից ռեստորանում տրվել է տոնական ճաշ: Իսկ Շնողի մշակույթի տանը տոնական միջոցառումների ծրագրով Գաբրիել Սունդուկյանի անվան ազգային ակադեմիական թատրոնի դերասանները Շնող և Թեղուտ գյուղերի բնակիչների համար ներկայացրել են Խորեն Արամունու ՙԱնվերադարձ ապագա՚ ներկայացումը: Տոնական միջոցառումները շարունակվել են Ալավերդի քաղաքում: Հանդիսությունների ՙՊիրիտիկ՚ սրահում ՙԱրմենիան Քափըր Փրոգրամ՚ փակ բաժնետիրական ընկերության աշխատողների համար կազմակերպված տոնական միջոցառման շրջանակներում Ալավերդու պղնձաձուլական գործարանի աշխատանքային կոլեկտիվի ներկայացուցիչների հետ հանդիպել և շնորհավորական խոսք են ասել ՙՎալլեքս՚ խմբի ընկերությունների նախագահ Վալերի Մեջլումյանը, ՀՀ Լոռու մարզպետ Արթուր Նալբանդյանը և Ալավերդու հոգևոր առաջնորդ Տեր Միքայել քահանա Շաղոյանը: ՙԱրմենիան Քափըր Փրոգրամ՚ փակ բաժնետիրական ընկերության գործադիր վարչության նախագահի հրամանով մասնագիտական առաջադիմության և արդյունավետ աշխատանքի համար շնորհակալագրով ու դրամական պարգևով պարգևատրվել են խմբի Ալավերդու պղնձաձուլական գործարանի 10 աշխատակից:
Օրվա առթիվ համաքաղաքային տոնական միջոցառումներ էին կազմակերպվել Ալավերդու ՙՄետալուրգՙ մարզադաշտում, որտեղ հավաքված հազարավոր ալավերդցիներին շնորհավորական խոսք են ուղղել ՙՎալլեքս՚ խմբի ընկերությունների նախագահ Վալերի Մեջլումյանը, Լոռու մարզպետ Արթուր Նալբանդյանը, Ալավերդու քաղաքապետ Արտավազդ Վարոսյանը և Ալավերդու հոգևոր առաջնորդ Տեր Միքայել քահանա Շաղոյանը: Մարզադաշտում կազմակերպված միջոցառումների շրջանակներում ՙՎալլեքս՚ խմբի ՙԱրմենիան Քափըր Փրոգրամ՚ փակ բաժնետիրական ընկերության գործադիր վարչության նախագահի հրամանով պատվոգրերով ու դրամական պարգևներով պարգևատրվել են ՙԱրմենիան Քափըր Փրոգրամ՚ փակ բաժնետիրական ընկերության մետալուրգիական արտադրամասի հալման բաժանմունքի հրահեստող Գագիկ Ղարդյանը՝ Մետալուրգիայի բնագավառում բեղմնավոր աշխատանքի համար և Ալավերդու բնակիչ Ավետ Թամազյանը՝ Ալավերդուն մատուցած ծառայությունների համար: ՙՎալլեքս՚ խմբի ՙԹեղուտ՚ փակ բաժնետիրական ընկերության գլխավոր տնօրենի հրամանով հանքարդյունաբերության բնագավառում բեղմնավոր աշխատանքի համար պատվոգրով ու դրամական պարգևով պարգևատրվել են ընկերության Լեռնահանքային վարչության բացահանքի պետ Միխայիլ Ռազմիկի Եսայանը: ՙՎալլեքս՚ խմբի ընկերությունների՝ արդյունավետ աշխատանքով աչքի ընկած աշխատակիցներին տոնական միջոցառումների շրջանակներում հուշամեդալներով և պատվոգրերով պարգևատրել է նաև Հայաստանի հանքագործների և մետալուրգների միությունը: Տոնական օրը Ալավերդու մետալուրգ մարզադաշտում եզրափակվել է հայաստանյան էստրադայի հանրաճանաչ ներկայացուցիչների մասնակցությամբ համերգով և հրավառությամբ:
Armenian general rules out any provocations on Armenian-Turkish border as long as Russian flag hoisted there 
Crossroads of Peace project divorced from reality 
Armenia could hardly join EU of recent years - Boris Navasardyan
Armenian authorities` actions evidence of country`s movement to elimination of statehood - expert 
Tehran: foreign troops` presence in South Caucasus does not contribute to establishment of security, stability
Lavrov: Unilateral concessions by Armenian authorities make Armenia`s borders undefined
Armenia`s premier meets with residents of Berkaber
Rally in name of Armenian statehood starts in Voskepar 
No return to historical Armenia idea! Pashinyan calls on
Stark and unpleasant as it might be to the Washington establishment, that the best guarantors of Armenian security are Russia and Iran - The American Conservative
Armenian authorities` policy could affect country`s regional, international prospects - Russian MP
Armenia needs teams work of all active people - expert
Moscow "testing" its relations with Yerevan
Pashinyan: External forces also provoked main force organizing ethnic cleansing in Karabakh
Our political force will follow path of institutional solutions - ex-mayor of Yerevan 
Large-scale events planned in April - Pashinyan
Armenian people has to choose between war or premier`s resignation
EU increases humanitarian aid to displaced Karabakh Armenians with EUR 5.5 million
"Nagorno-Karabakh, Betrayed Peace" photo exhibition by Roberto Travan opened in Italia`s Castellanza
