Արմինֆո.Ադրբեջանի հետ լիարժեք երկխոսություն հնարավոր է միայն միջազգային ձևաչափով և հստակ միջազգային երաշխիքներով։ Այդ մասին մարտի 23-ին հայտարարել է Արցախի ԱԳՆ ղեկավար Սերգեյ Ղազարյանը "Արցախ. շրջափակման 100 օր" տեսակամրջի ժամանակ՝ պատասխանելով Լեռնային Ղարաբաղի և Ադրբեջանի միջև բանակցությունների հնարավորության մասին հարցին:
Այս համատեքստում նա ուշադրություն է հրավիրել այն փաստի վրա, որ 44-օրյա պատերազմից հետո ռուսական խաղաղապահ զորախմբի հրամանատարության միջնորդությամբ ադրբեջանական կողմի հետ հանդիպումներ են եղել ՝ կապված հումանիտար և տեխնիկական հարցերի լուծման հետ։ "Ադրբեջանական կողմը փորձեց խեղաթյուրել վերջին հանդիպումների օրակարգը։ Հանդիպումների նպատակը գազի և էլեկտրաէներգիայի մատակարարման ապաշրջափակման, վերականգնման հարցերի քննարկումն էր ։ Ադրբեջանական կողմը բովանդակությունը ներկայացրել է նենգափոխված, դա անթույլատրելի է ։ Բայց մենք պատրաստ ենք նույն ձևաչափով հանդիպումների ՝ ՌԽԶ-ի մասնակցությամբ", - ասել է Արցախի ԱԳՆ ղեկավարը։
Միևնույն ժամանակ, նախարարն ընդգծել է, որ Բաքվի հետ ուղիղ բանակցություններ հնարավոր են միայն միջազգային ձևաչափով: "Հաշվի առնելով, որ Ադրբեջանը խախտել է անգամ ԵԱՀԿ Մինսկի խմբի համանախագահների միջնորդությամբ ձեռք բերված պայմանավորվածությունները, ինչպիսիք են Ռուսաստանը, Ֆրանսիան, ԱՄՆ - ը, ապա ինչպե՞ս չի խախտի երկկողմ ձևաչափով պայմանավորվածությունները",- հարցրել է Ղազարյանը։ Նրա խոսքով, ելնելով վերն ասվածից, Բաքվի հետ երկխոսություն հնարավոր է միայն միջազգային միջնորդությամբ և պայմանավորվածությունների կատարման երաշխիքների մեխանիզմի առկայության դեպքում:
Խոսելով փաստահավաք առաքելության այցը Արցախ կազմակերպելու գաղափարի մասին ՝ արտաքին քաղաքական գերատեսչության ղեկավարը հայտարարել է, որ ողջունում է բոլոր այն քայլերը, որոնք ուղղված են լինելու միջազգային հանրությանը իրավիճակի մասին փաստերը ներկայացնելուն ։
Հարցին, թե ինչպես է վերաբերվում Արցախ միջազգային խաղաղապահ ուժեր մտցնելու առաջարկներին, Ղազարյանը փաստել է, որ դրա համար հսկայական աշխատանք է պետք կատարել:
Նա նշել է, թե ակնհայտ է, որ Արցախում անվտանգության բաղադրիչը շատ կարևոր նշանակություն ունի, և առանց խաղաղապահ ուժերի ներկայության հնարավոր չէ: Նրա խոսքով ՝ իրենք դրանում համոզվում են ամեն օր։
"Որքան մեխանիզմը կատարյալ լինի, այնքան՝ լավ։ Սակայն հարցերի շրջանակը կախված կլինի նրանից, թե որքանով է մշակված մեխանիզմը ։ Եթե ՌԽԶ ներկայիս թվի փոխարեն ռուս խաղաղապահները լինեն 5 կամ 10 անգամ ավելի, կամ տեխնիկապես ավելի հագեցած ուժեր, ավելի լավ կլիներ։ Չենք բացառում նաև այլ երկրների և կառույցների մասնակցությամբ ձևաչափը։ ԵԱՀԿ Մինսկի խմբի շրջանակներում մշտապես դիտարկվել է միջազգային ուժերի հարցը։ Բայց դա հեշտ լուծելի հարց չէ", - նշել է նախարարը։
Պատասխանելով իրավիճակի լիցքաթափման գործում Ֆրանսիայի դերի մասին հարցին՝ Ղազարյանն արձանագրել է Բերձորի միջանցքի ապաշրջափակմանը հասնելու փորձերի ակտիվ գործունեությունը ։ Ընդ որում, նա նշել է ջանքերը շարունակելու անհրաժեշտությունը, քանի որ շրջափակումը մինչ օրս չի վերացվել։ Նախարարը նաև համոզմունք է հայտնել, որ ԵԱՀԿ ՄԽ ձևաչափը, հաշվի առնելով նրա կուտակած փորձը, անհրաժեշտ է վերականգնել:
Այս առումով նա նաև նշել է, որ բոլոր հանդիպումներում և, առաջին հերթին՝ ԵԱՀԿ ՄԽ երկրների ներկայացուցիչների հետ, նախկինում և հիմա, ԼՂՀ իշխանությունները փոխանցել են, որ Արցախի անկախության ճանաչման հիմքերն ավելի ամուր են, քան Կոսովոյում, օրինակ, կամ այլ երկրներում։ "Ով, ինչ էլ ասի, և ինչ դիրքորոշում էլ արտահայտի, մենք ելնում ենք Արցախի ժողովրդի արտահայտած դիրքորոշումից", - ընդգծել Է նախարարը:
Միաժամանակ, Ղազարյանը կարծում է, որ Ադրբեջանի սադրանքը, որն արտահայտվում է Արցախը արտաքին աշխարհի հետ կապող միակ ճանապարհի շրջափակմամբ, բավականին լուրջ նպատակներ է հետապնդում: "Բացի այն, որ հիմնական նպատակն է ճնշում գործադրել Արցախի վրա և լուրջ բացասական հետևանքներ առաջացնել տնտեսության համար, ևս մեկ կարևոր նպատակ է ՌԽԶ-ի վարկաբեկումը։ Ինչպես հասկանում ենք, տեսնելով, որ այժմ միայն ՌԽԶ-ի ներկայությունն է անվտանգության կարևորագույն երաշխիքներից մեկը, ադրբեջանական կողմը գնաց սադրանքի: Բացի այն, որ խաղաղապահները պետք է ամեն ջանք գործադրեն իրավիճակը հանգուցալուծելու համար, և՝ որպեսզի սադրանքները չկրկնվեն, պետք է հաշվի առնել նաև այլ բազմաթիվ գործոններ: Այս բոլոր հարցերը քննարկվում են ՌԽԶ ներկայացուցիչների հետ", - ամփոփել է Արցախի ԱԳՆ ղեկավարը ։
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
"Խաղաղության խաչմերուկն" իրականությունից կտրված նախագիծ է
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
Թեհրան. Հարավային Կովկասում օտարերկրյա զորքերի ներկայությունը չի նպաստում անվտանգության և կայունության հաստատմանը
Լավրով․Հայաստանի իշխանությունների միակողմանի զիջումները Հայաստանի սահմանները դարձնում են շարժական
"Ինչ լավ է, որ 50 մետր հեռավորության վրա Ադրբեջանն է". Փաշինյանը տավուշցիներին նշել է ադրբեջանցիների հետ առևտրի հեռանկարները
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Ռուս սենատոր. Հայաստանի իշխանությունների այսօրվա քաղաքականությունը կարող է հարված հասցնել տարածաշրջանային և համաշխարհային գործերում Երևանի հեռանկարներին
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
Դաշնակիցներ, ուղեկիցներ և դաշինքների պատրանքներ. Մարկեդովնովը՝ Հայաստանի արտաքին քաղաքականության մասին՝ նոր իրողություններում
