Մայիսի 17-ին նշվող Հոմոֆոբիայի, տրասֆոբիայի ու բիֆոբիայի դեմ պայքարի միջազգային օրվա առիթով ԱՄՆ դեսպան Ռիչարդ Միլսը հանդիպում է ունեցել Հայաստանի քաղաքացիական հասարակության ներկայացուցիչների հետ, ովքեր զբաղվում են ԼԲՏ (լեսբուհի, գեյ, բիսեքսուալ և տրանսգենդեր) մարդկանց իրավունքների պաշտպանությամբ:
Ինչպես ԱրմԻնֆո-ին հայտնել են ԱՄՆ դեսպանատան մամուլի ծառայությունից, հանդիպման ընթացքում քաղաքացիական հասարակության ներկայացուցիչները դեսպան Միլսին ներկայացրել են իրենց գործունեությունն ուղղված Հայաստանում ԼԲՏ-ների իրավական ու մարդու իրավունքների լիակատար պաշտպանության ապահովմանը:
Միացյալ Նահանգները շարունակում է հաստատակամորեն հանդես գալ ԱՄՆ-ում ու աշխարհի այլ վայրերում ԼԲՏ-ների իրավահավասարության ապահովման դիրքերից: Թե¯ նախկին պետքարտուղար Քլինթոնը, թե¯ ներկայիս պետքարտուղար Քերին խիստ հայտարարություններով դատապարտել են ԼԲՏ-ների նկատմամբ խտրականության ու բռնության դրսևորումներըª ընդգծելով, որ բոլոր մարդիկ ի ծնե ազատ են, հավասար, ունեն արժանապատվություն և իրավունքներ և որ յուրաքանչյուրի համար պետք է ապահովված լինեն Մարդու իրավունքների համընդհանուր հռչակագրով ամրագրված բոլոր իրավունքներն ու ազատությունները: ԱՄՆ դեսպանությունն իր Ժողովրդավարության հանձնաժողովի փոքր դրամաշնորհների ծրագրի շրջանակում է աջակցել է հասարակական կազմակերպություններին, որոնք հանդես են գալիս Հայաստանում բոլորի համար հավասար իրավունքների ապահովման դիրքերից: