Beeline ընկերությունը Հայաստանում 2015 թվականին նախատեսում է ոչ միայն պահպանել
բաժանորդների բազան, այլ նաև ծառայությունների ընդլայնման, սպասարկման որակի
բարձրացման և գների մատչելիության հաշվին ավելացնել այն: Այս մասին ԱրմԻնֆո
գործակալության թղթակցի հետ զրույցում հայտարարել է Հայաստանում Beeline ընկերության գլխավոր տնօրեն Անդրեյ Պյատախինը, հավելելով, որ թե ֆիքսված, և
թե շարժական կապի գծով ընկերությունը պարբերաբար հետաքրքրվում է այն
ծառայություններով, որոնք կարող են հետաքրքրել բաժանորդներին:
«Մեր դիտարկումները ցույց
են տալիս, որ շատ զանգեր են կատարվում միջոզգային կապի գծով, հիմնականում, դեպի
Եվրոպա« Ամերիկա և Ռուսաստան: Մենք աշխատում ենք գները դարձնել ավելի հրապուրիչ,
կամ ներդնել ավելի հետաքրքիր պրոդուկտներ: Օրինակ, հետաքրքիր պրոդուկտների
շարքում, որը գործում է ոչ միայն Հայաստանում, ես կնշեի «զանգ կանչվող բաժանորդի
հաշվին» պրոդուկտը: Դատելով բաժանորդների արձագանքից, այդ ծառայությունը նրանց
սրտով է: Կնշեի նաև «վստահված վճարում» ծառայությունը, այսինքն, երբ բաժանորդն իր
հաշվին գումար չի ունենում, ապա թվերի համապատասխան կոմբինացիա հավաքելով
հնարավորություն է ստանում խոսել բացասական բալանսով: Եվ իհարկե, աշխատելով
հայկական բավականին մրցունակ շուկայում, կարևոր է հետևել գներին: Մեր մրցակիցների
հետ մրցակցելն, իրոք, արժանի է, և երբ շուկայում փոխվում է գնային
քաղաքականությունը, ապա մենք միանշանակորեն ենք արձագանքում, ճիշտ է, ելնելով մեր
բաժանորդների պահանջներից և շահերից:
Ֆիքսված կապի ոլորտում նույնպես ունենք բավականաչափ ուժեղ մրցակիցներ, և
այստեղ էլ ենք հետևում գնային քաղաքականությանը, միաժամանակ զարգացնելով նոր
նախագծեր: Դա Բիլայն ինտերնետ օպտիկն է – օպտիկական մատչելիություն, որը
բաժանորդներին նոր պրոդուկտնից օգտվելու հնարավորություն է ընձեռում, ապահովելով
ավելի արագ ինտերնետ-կապ: Ընդ որում, մենք կենտրոնացած չենք միայն մայրաքաղաքում,
Հայաստանի մարզերը նույնպես գտնվում են մեր ուշադրության կենտրոնում,
մասնավորապես, գյուղերում ընթանում են թվայնացման աշխատանքներ, տրամադրվում է
ֆիզսված ինտերնետի հնարավորություն, ինչն առաջ չկար: Ստանալով պահանջված նոր պրոդուկտը, մարզային բաժանոդներն
էլ շարունակում են մնալ մեզ հետ»,-ԱրմԻնֆո-ի թղթակցին տեղեկացրել է գլխավոր
տնօրենը:
Բաժանորդների սպասարկման
որակի բարձրացման նախագծի շրջանակներում և հակադարձ կապ և բաժանորդների
ցանկություններն ստանալու, ինչպես նաև Բիլայնի ծառայությունները պարզեցնելու և
մատչելի դարձնելու նպատակով ընկերությունը փետրվարի 26-ը հայտարարել է Բաժանորդի
օր, որին նվիրված է մամուլի ասուլիսի անցկացումը:
Միջոցառմանը Ա.Պյատախինը
հիշեցրել է, որ հաճախորդների սպասարկման որակի բարձրացման հետ կապված
ռազմավարությունն ընկերությունը որդեգրել է դեռևս 2013 թվականի աշնանը և արդեն իսկ
իրականացրել է մի շարք ծրագրեր։ Ամենամեծ և հաջողված ծրագիրը, որն ապահովում է
անընդմեջ կապ բաժանորդների հետ նրանց շրջանում հարցումների անցկացումն է, որն այս
պահին իրականացվում է SMS հաղորդագրության միջոցով։ Ցանկացած բաժանորդ, ով
կատարում է գործարք Beeline վաճառքի և սպասարկման գրասենյակներում կամ զանգահարում Հաճախորդների սպասարկման կենտրոն, ստանում է
SMS հաղորդագրություն, որտեղ բաժանորդը 0–ից 10 բալանոց սանդղակով գնահատում է մեր
ծառայությունները, սպասարկող աշխատակազմի բարեհամբուրությունը։ Այնուհետև այդ
տեղեկատվությունը համակարգվում է ինչպես բաժանորդների հետ հետադարձ կապի և
անհատական խնդիրների լուծման, այնպես էլ կազմակերպության ընդհանուր բարելավման
նպատակով: «Ավելի քան 2500 աշխատակից յուրաքանչյուր օր և յուրաքանչյուր ժամ
աշխատում է Beeline բաժանորդների համար` նպատակ ունենալով մեր կողմից մատուցվող
ծառայությունները դարձնել հնարավորինս պարզ և հարմար և ցուցաբերել անհատական
մոտեցում յուրաքանչյուր բաժանորդին։ Այսօր դեռևս կան հարցեր, որոնք ունեն
բարելավման կարիք, սակայն մենք շարունակաբար աշխատում ենք այդ ուղղությամբ և
կշարունակենք աշխատել այնքան ժամանակ մինչև կդառնանք ամենահաճախորդամետ օպերատորը
շուկայում»,- նշեց Հայաստանում Beeline-ի Գլխավոր տնօրեն Անդրեյ Պյատախինը:
Նշենք, որ միայն վերջին 6
ամիսների ընթացքում կատարված հարցումների արդյունքում իրականացվել է ավելի քան
7300 հեռախոսազանգ հաճախորդներին, որոնց խնդիրներին տրվել են լուծումներ,
բարեփոխվել են ավելի քան տասնյակ ընթացակարգեր, վերացվել են հաշիվների լիցքավորման
ժամկետները, գրասենյակներում ավելացել է սպասարկման որակի վերահսկողությունը, և
նվազել են հերթերը, Հաճախորդների սպասարկման կենտրոնում ավելացել է սպասարկման որակի
վերահսկողությունը և նվազել է զանգի սպասելաժամանակը, ներդրվել է գնային թափանցիկ
և հստակ քաղաքականություն։
Նշենք,
որ «ԱրմենՏել» ՓԲԸ-ն (Beeline ապրանքանիշ) հանդիսանում է «ՎիմպելԿոմ»
ընկերությունների խմբի մի մասը: «ՎիմպելԿոմ»-ը հանդիսանում է աշխարհի խոշորագույն
ինտեգրված օպերատորներից մեկը, որը գործում է աշխարհի 14 երկրում, իսկ գլխամասային
գրասենյակը գտնվում է Ամստերդամում: Ընկերությունների խումբն ընդգրկում է մի շարք
հեռահաղորդակցության ընկերություններ, որոնք մատուցում են ինչպես անլար և
ամրակցված կապի տեխնոլոգիաների լայն շրջանակի վրա հիմնված ձայնային կապի ու
տվյալների հաղորդման, այնպես էլ լայնաշերտ ինտերնետ հասանելիության
ծառայություններ Ռուսաստանում, Ուկրաինայում, Ղազախստանում, Ուզբեկստանում,
Տաջիկստանում, Հայաստանում, Վրաստանում, Ղրղզստանում, Կամբոջայում, Լաոսում,
Ալժիրում, Բանգլադեշում, Պակիստանում, Զիմբաբվեում, Իտալիայում և Կանադայում:
«ՎիմպելԿոմ»-ը ծառայություններ է մատուցում ամբողջ աշխարհում` շուրջ 739 մլն.
ընդհանուր բնակչությամբ տարածքներում: «ՎիմպելԿոմ» խմբի ընկերությունները
ծառայություններ են մատուցում «Beeline», «Киевстар», «Wind», «Infostrada»,
«Mobilink», «Leo», «Banglalink», «Telecel» և «Djezzy» ապրանքանիշերի ներքո:
2014թ. սեպտեմբերի 30-ի դրությամբ ընկերության բաժանորդների թիվը կազմում էր 223
միլիոն: «ՎիմպելԿոմ»-ի բաժնետոմսերը շրջանառվում են NASDAQ բորսայում VIP նշումով:
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
"Խաղաղության խաչմերուկն" իրականությունից կտրված նախագիծ է
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
"Խաղաղության խաչմերուկը" Անկարայի և Բաքվի կողմից Երևանին պարտադրված պանթյուրքական նախագիծ է. Արթուր Խաչատրյան
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
Դաշնակիցներ, ուղեկիցներ և դաշինքների պատրանքներ. Մարկեդովնովը՝ Հայաստանի արտաքին քաղաքականության մասին՝ նոր իրողություններում
Քաղաքական գործիչ. ՌԴ-ի և ՀԱՊԿ-ի հետ դաշինքի խզումը և Երևանի կողմնորոշումը դեպի Արևմուտք կարող է կործանարար լինել Հայաստանի համար
Քաղաքական գործիչ. հայ ժողովուրդը պետք է ընտրություն կատարի պատերազմի և ՀՀ վարչապետի հրաժարականի միջև
