ՎՏԲ-Հայաստան Բանկը և MasterCard միջազգային վճարային համակարգը հայտարարել են «ՎՏԲ-ի հետ ղեկին» ակցիայի հաղթողների անունները: Ակցիային մասնակցել են Crrus/Maestro և MasterCard Standart քարտերի, ինչպես նաև ՎՏԲ-Հայաստանի Բանկի Gold MasterCard-ի քարտապանները:
Ակցիայի 100 մասնակից դուրս եկան եզրափակիչ և ապրիլի 14-ին մասնակցեց մրցանակների խաղարկությանը: 500 հազար դրամի կենցաղային տեխնիկայի ձեռքբերման
Սերթիֆիկա է ստացել Գայանե Բադալյանը: Երկու հոգում համար դեպի Շրի-Լանկա ուղեգիրն ստացավ Լիլիա Դավթյանը, իսկ գլխավոր մրցանակը` Renault Logan ավտոմեքենան ստացավ Անահիտ Հարությունյանը: Ակցիան ընթացավ 2014 թվականի դեկտեմբերի 15-ից մինչև 2015 թվականի մարտի 15-ը:
Ըստ ակցիայի պայմանների, առևտրի կետերում իրականացված յուրաքանչյուր 1000 դրամի գնումների դիմաց Բանկում կուտակվում էր 2 բոնուսային միավոր, իսկ նույն գումարի ծառայություններ ստանալու դիմաց` 1 բոնուսային միավոր:
«Մենք ուրախ ենք հաճախորդներրին բանկային ծառայություններից ավելի հարմարավետ օգտվելու հնարավորություն ընձեռելու համար, ինչպես նաև այն բանի համար, որ ևս մեկ ակցիա իրականացրեցինք MasterCard-ի հետ: Ակցիան ուղղված էր անկանխիկ վճարների ծավալների ավելացմանը, և նախորդ տարվա նույն ժամանակահատվածի համեմատ MasterCard քարտերով շրջանառությունը մեր բանկում էապես աճել է: Իսկ դա էլ իր հերթին նպաստում է սպառողների ֆինանսական մշակույթի և Հայաստանի անկանխիկ վճարների շուկայի զարգացանը»,-նշել է իր ելույթում ՎՏԲ-Հայաստան Բանկի գլխավոր տնօրեն-Տնօրինության նախագահ Յուրի Գուսևը:
«ՎՏԲ-Հայաստան Բանկի հետ մեր համատեղ ակցիան ուղղված էր անկանխիկ վճարների տարածմանը: Քարտերով վճարումներ կատարելն ավելի արագ է ու ավտանգ: Ես ուրախ եմ, որ մեր հարգելի գործընկերոջ հետ միասին մենք քարտապաններին ընձեռեցինք մրցանակներ շահելու հնարավորություն»,- իր հերթին նշել է Հայաստանում, Բելառուսում և Ղազախստանում MasterCard-ի կառավարիչ-տնօրեն Ալեքսանդր Դունաևը:
Ըստ ԱրմԻնֆո գործակալության` «Հայաստանի բանկերը քարտային բիզնեսում» վերլուծական տեղեկագրի, ՎՏԲ-Հայաստան Բանկն ակտիվ քարտերի թվով հանդիսանում է շուկայի առաջատարը, 2014 թվականի հոկտեմբերի 1-ի դրությամբ ունենալով 368 հազ. ակտիվ քարտ, տարեկան աճը`գրեթե 30%, որից գրեթե 355 հազարը Visa քարտեր են, որոնցով նույնպես բանկն առաջատարն է շուկայում: Բանկը դարձել է MasterCard համակարգի անդամ մեկուկես տարի առաջ և մինչև 2014-ի դեկտեմբերը կարողացել թողարկել այդ համակարգի ավելի քան 13 հազար քարտ: Պլաստիկ գործարքների ծավալներով նույնպես բանկն առաջին տեղում է` ավելի քան 120 մլրդ դրամ (2014-ի հունվար-սեպտեմբերին), տարեկան աճը` 24%: Հոկտեմբերի 1-ի դրությամբ բանկն ուներ 233 POS- տերմինալ և 150 բանկոմատ: Մինչև 2013 թվականը ՎՏԲ-Հայաստան Բանկը թողարկում և սպասարկում էր միայն Visa միջազգային քարտերի, իսկ նույն տարվա սեպտեմբերից, դառնալով MasterCard միջազգային վճարային համակարգի հիմնական անդամ, սկսեց թողարկել և սպասարկել նաև Cirrus/Maestro, MasterCard Standard և MasterCard Gold քարտերը: Բացի այդ, բանկը թողարկում և սպասարկում է նաև ArCa տեղական քարտեր:
«ՎՏԲ-Հայաստան Բանկը ՎՏԲ միջազգային ֆինանսական խմբի մասնակից է դարձել 2004 թվականի ապրիլին: Ներկայումս Բանկի միակ սեփականատերն է Ռուսաստանի ՎՏԲ բանկը: ՎՏԲ-Հայաստան Բանկն ավանդաբար գտնվում է Հայաստանի առաջատար բանկերի շարքում, իր հիմնական ցուցանշներով: Բանկը ունի ամենալայն մասնաճյուղային ցանցը Հայաստանում, որը բաղկացած է 67 բաժանմունքից: