ՎՏԲ-Հայաստան Բանկը 2014թ. երկրորդ եռամսյակի տվյալներով զբաղեցնում է առաջին տեղը Հայաստանի բանկերի շրջանում վարկային ներդրումների ծավալով: Ինչպես ԱրմԻնֆո-ին հայտնել են բանկի մամուլի ծառայությունից, տարվա սկզբի համեմատ այդ ցուցանիշն աճել է 1.4%` կազմելով 230 մլրդ դրամ:Հայաստանի բանկային համակարգի վարկային ներդրումների ընդհանուր ծավալի 12.4% բաժին է ընկնում ՎՏԲ-Հայաստան Բանկին: Բանկը շարունակում է ակտիվ ֆինանսավորել շինարարության, սննդի արդյունաբերության, գյուղատնտեսության, առևտրի ոլորտները, զարգացնել ապառիկ վարկավորումը, հիպոտեկային վարկավորումն ու ավտովարկավորումը:
2014թ. առաջին կիսամյակում բանկի ակտիվներն աճել են 3.4%` կազմելով 312մլրդ դրամ: Հայաստանի բանկային համակարգի ակտիվների ընդհանուր ծավալի 10.7% բաժին է ընկնում ՎՏԲ-Հայաստան Բանկին: 30.06.14թ. տվյալներով բանկը զբաղեցնում է առաջատար դիրք ընդհանուր կապիտալի ցուցանիշով: Տարվա սկզբի համեմատ բանկի ընդհանուր կապիտալն աճել է 18%-ով` կազմելով 44.0 մլրդ դրամ:
ՙՎՏԲ-Հայաստան Բանկը ակտիվ աշխատանք է տանում մի շարք վարկային պրոդուկտների պայմանների ու սակագների բարելավման ուղղությամբ: Վարկավորման ոլորտում լավ ցուցանիշներ գրանցելուն նպաստել են վարկավորման ճկուն պայմանները, վարկային պրոդուկտների լայն տեսականին, ամեն հաճախորդի բիզնեսին անհատական մոտեցումը: Մենք շարունակում ենք մշակել և առաջարկել բիզնեսին ու բնակչությանը վարկային պրոդուկտներ գրավիչ պայմաններով՚,- ասել է ՎՏԲ-Հայաստան Բանկի Գլխավոր տնօրեն-Տնօրինության նախագահ Յու. Գուսև.:
ՙՎՏԲ-Հայաստան Բանկ՚ ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: ՙՎՏԲ Բանկ՚ ԲԲԸ հանդիսանում է ՙՎՏԲ-Հայաստան Բանկ՚ ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի ամենալայն մասնաճյուղային ցանցը ողջ երկրում` 67 մասնաճյուղ: