ՌԴ առաջին
փոխվարչապետ Իգոր Շուվալովը կարծում է, որ ԵԱՏՄ միասնական արժույթի ստեղծման
առնչությամբ շտապելու հարկ չկա: Նա այդպես է մեկնաբանել ԵԱՏՄ (Ռուսաստան,
Ղազախստան, Բելառուս, Հայաստան, մայիսից` նաև Ղրղըզստան) տարածքում միասնական
արժույթի կիրառման հեռանկարները: «Մենք բոլորովին վերջերս ականատես եղանք, թե
ինչպես է արժեզրկվում ազգային արժույթը Բելառուսում, Ռուսաստանում, Ղազախստանում:
Այժմ Հայաստանն ու Ղրղըզստանը կլինեն մեր գործընկերները: Արդյո՟ք մենք կարող ենք
անցնել արժութամոնետարային միության ձևավորմանը, երբ դեռ ձեռք չեն բերվել
ինֆլյացիայի պարամետրերը, ազգային
արժույթի իրական կայունության պարամետրերը: Այստեղ բազմաթիվ հարցրե կան, չի կարելի
սխալվել, շտապելու հարկ չկա», - պարզաբանել է Շուվալովը «Ռոսիա 24»
հեռուստաալիքին: Նա հավելել է, որ արժութամոնետարային միության, դրա դրական և
բացասական կողմերի շուրջ երկխոսություն կընթանա Ռուսսատանի բանկի և մյուս ազգային
բանկերի միջև:
Ռուսաստանի նախագահ
Վլադիմիրն Պուտինը մարտին ՌԴ ԿԲ-ին և կառավարությանը հանձնարարել էր միչև սեպտեմբերի 1-ը որոշել ԵԱՏՄ
արժութային միության ստեղծման նպատակահարմարությունը: 2015 թվականի հունվարի 1-ից
ԵԱՏՄ դարձել է Մաքսային միության իրավահաջորդը: Դեռ նախորդ տարի Ղազախստանում
ստորագրվել էին փաստաթղթեր, որոնք ենթադրում են մինչև 2025 թիվը Եվրասիական ԿԲ
ստեղծում և միասնական արժույթի կիրառում Բելառուսի, ՌԴ և Ղազախստանի համար:
Սակայն «ՌԻԱ Նովոստիի» կողմից հարցման
ենթարկված փորձագետները չեն բացառել, որ արտաքին քաղաքական իրավիճակը կարող է
ազդել այդ գործընթացի արագացման վրա:
Մինչդեռ
AmRating վարկանշային գործակալության վերլուծաբանների կարծիքով, «ալթըն»
պայմանական անվանմամբ միասնական արժույթը ԵԱՏՄ երկրների համար կարող է կիրառվել
2020 թվականից ոչ շուտ: Նրանց տվյալներով, ընդհանուր արժույթի կիրառումը հնարավոր
կդառնա միայն ԵԱՏՄ շրջանակում երկրների հաջող ինտեգրման և մաքսային ռեժիմից, այսպես
կոչված, բացառումների լիակատար վերացման դեպքում: ԵԱՏՄ երկրները լրջորեն մտահոգված
են խոշոր երկրների կողմից ներքին շուկայի պաշտպանությանը նպատակաուղղված
հովանավորչական միջոցառումների առկայությամբ, որոնք դիմում են բազմաթիվ
բացառումների ընդհանուր մաքսայիյն ռոժիմից, ինչպես նաև բազմաթիվ տեխնիկական
կարգավորմումների առկայության առնչությամբ, որոնք չեն նպաստում ընդհանուր շուկայի
ամրապնդմանը: Ավելին, ընդհանուր դրամային շուկայի ստեղծմանը պետք է նախորդեն
հարկաբյուջետային և դրամավարկային քաղաքականության ունիֆիկացման միջոցառումներ և
երկրների միանման մակրոտնտեսական միջավայրի ապահովում: Փորձագետները չեն բացառում,
որ ինչպես ՄՄ, «ալթըն-գոտին» նույնպես կարող է նախապես ձևավորվել Ռուսաստանի,
Բելառուսի և Ղազախստանի միջև, և հետո միայն, մի շարք կոշտ մակրոտնտեսական
պայմանների համապատասխանության դեպքում, դրան կարող են միանալ նաև ԵԱՏՄ անդամ և
դիտորդ մյուս երկրները: