Իշխող կուսակցությունից հայ պատգամավորի եղբորորդին ժամկետից շուտ ազատ է արձակվել

• Ուրբաթ, 17 օգոստոսի, 18:38

Հայաստանի Հանրապետական կուսակցությունից ՀՀ Ազգային ժողովի պատգամավոր Մհեր Սեդրակյանի եղբորորդին` Արման Բադալյանը վերջերս ազատ է արձակվել, ընդ որում, նախկինում սահմանված ժամկետից շուտ: ԱրմԻնֆո գործակալության այս լուրը հաստատել են նաև ՀՀ լխավոր դատախազությունում: Բադալյանն ազատ է արձակվել հանրապետությունից չբացակայելու ստորագրությամբ:

Նշենք, որ Բադալյանը հուլիսի 7-ին դատապարտվել էր երկու ամսյա կալանքի, մեղադրվելով ՀՀ ՔՕ 258 և 235 հոդվածներով (խուլիգանություն, զենքի անօրինական առք, պահում և վաճառք, զենքերի, զինամթերքի, պայթուցիկ նյութերի առևտուր): Ըստ մի շարք ԶԼՄ-ներից ստացված տեղեկությունների, Սեդրակյանի եղբորորդու նկատմամբ  խափանման միջոցը փոփոխվել է, պատգամավորներ Արմեն Մովսիսյանի և Առաքել Մխիթարյանի երաշխավորությամբ:

Հիշեցնենք նաև, որ Արման Բադալյանի անունը կապված է նաև վերջերս, քրեական հեղինակություններից մեկի` Սուրեն Զորոյանի ¥Բիջ¤ սպանության հետ, որը տեղի էր ունեցել Երևանում, հունիսի 22-ին, Երկաթուղայինների 9-րդ փողոցում գտնվող հացի փռի մոտակայքում: