«Հարավկովկասյան երկաթուղի» ՓԲԸ գլխավոր տնօրեն Սերգեյ Վալկոն ապրիլի 22-ին կայացած խորհրդակցության ընթացքում ամփոփեց երկաթուղու գարնանային հանձնաժողովային զննման արդյունքները, որն անցկացվել է մարտի 30-ից ապրիլի 13-ը:
Ինչպես ԱրմԻնֆո-ին հաղորդեցին ՀԿԵ մամուլի ծառայությունից, զննումների ընթացքում ամփոփվել էին 2015 թվականի ընթացքում կատարված երկաթուղային ենթակառուցվածքի վերանորոգման աշխատանքները: Անցած տարի նման աշխատանքը տարվել էր Հայաստանի երկաթուղու ամբողջ երկայնքով՝ տեղադրվել է 4,2 հազար տոննա ռելս (որից 2,1 հազար տոննա՝ նոր ռելսեր), փոխվել է 20,2 հազար փայտե և 56 հազար երկաթբետոնե կոճ, վերանորոգվել 45 կմ կոնտակտային ցանց:
2015-ին վերակառուցումից հետո «Փամբակ» կայարանում շահագործման էր հանձնվել 1989 թվականից պարապուրդի մատնված քարշային ենթակայանը, որը վերականգնվեց Ընկերության մասնագետների ուժերով՝ կոնցեսիոն պարտավորությունների կատարման շրջանակներում: Այս նախագծով ներդրումների ծավալը կազմեց 30 մլն դրամ, իսկ էներգամատակարարման ոլորտում ՀԿԵ-ի ներդրումները 2015-ին գերազանցեցին 230,9 մլն դրամը:
Այժմ ենթակայանը արդյունավետ աշխատում է՝ ապահովելով կոնտակտային ցանցի կայուն լարումը, երթևեկության անվտանգությունը և երկաթուղային ենթակառուցվածքի էներգետիկ անվտանգությունը:
ՀԿԵ-ի այս նախագծի շնորհիվ էլեկտրաէներգիա են ստանում նաև Փամբակ և Եղեգնուտ գյուղերը, ստեղծվել են մշտական աշխատատեղեր, ինչը խիստ կարևոր է նման փոքր համայնքների համար:
Միայն 2015 թվականի ընթացքում «Հարավկովկասյան երկաթուղին» Հայաստանի երկաթուղային համակարգի զարգացմանն ուղղել էր 6,5 մլրդ դրամ, իսկ 2008-2015 թթ ներդրումների ընդհանուր ծավալը գերազանցել է 104,6 մլրդ դրամը: Նշված գումարից 77,6 մլրդ դրամն ուղղվել է ենթակառուցվածքի արդիականացմանը, իսկ 26,9 մլրդ դրամը՝ շարժակազմի թարմացմանը:
Անցած տարվա ընթացքում երկաթուղայինները կենտրոնացել են ոչ միայն ենթակառուցվածքի արդիականացման, այլև նոր տեխնոլոգիաների կիրառման հարցերի վրա: Մասնավորապես, երկարատև դադարից հետո Երևանի և Գյումրիի լոկոմոտիվային դեպոներում շարունակվեցին ջերմաքարշերի և էլեկտրաքարշերի ընթացիկ վերանորոգման աշխատանքները: Վերանորոգված առաջին ջերմա- և էլեկտրաքարշերն արդեն շահագործվում են «ՀԿԵ»-ում:
Բոլոր վերոնշյալ աշխատանքները թույլ տվեցին էապես բարձրացնել գնացքների երթևեկության անվտանգության մակարդակը և ենթակառուցվածքի որակը: Օրինակ՝ 2016 թվականի առաջին եռամսյակի արդյունքներով երկաթուղային գծերի գնահատականը բարելավեց 7 միավորով:
Բացի այդ, ավանդական գարնանային զննումը 2016 թվականին անցել էր նոր սկզբունքներով, ինչը թույլ տվեց բարձրացնել աշխատանքների որակն ու արդյունավետությունը: Մասնավորապես, հիմնական միջոցառումներից առաջ պատասխանատու անձինք կազմակերպեցին նախնական ստուգումներ, ինչը թույլ տվեց մանրակրկիտ պատրաստվել գարնանային ստուգմանը:
Ամփոփելով միջոցառումների արդյունքները՝ «ՀԿԵ» գլխավոր տնօրեն Սերգեյ Վալկոն ընդգծեց կայարանների հերթապահների գիտելիքների բարձրացման անհրաժեշտությունը և արձանագրեց «Գյումրի» գծային-կայարանային միավորման հաջողություններն այս հարցում: Սերգեյ Վալկոն ուշադրություն հրավիրեց նաև ճանապարհային վարպետների աշխատանքի կատարելագործմանը:
Գարնանային ստուգումների ընթացքում բացահայտված բացթողումների շարքում Ընկերության ղեկավարը նշեց, մասնավորապես, ջրահեռացման համակարգի անարդյունավետ աշխատանքը, կատարվող աշխատաքների թույլ հսկողությունը:
Սերգեյ Վալկոն պահանջեց ավելի ուշադիր վերաբերվել վերանորոգման աշխատանքների տեխնոլոգիաների պահպանմանը՝ ընդգծելով, որ դրանք պիտի կատարվեն ամենաբարձր մակարդակի վրա:
Զննումների արդյունքներով՝ տարբեր կարգապահական տույժերի են ենթարկվել 42 աշխատողներ, իսկ 18-ը՝ պարգևատրվել են:
«ՀԿԵ» ՓԲԸ-ն հանդիսանում է «Ռուսական երկաթուղիներ» ԲԲԸ-ի դուստր ընկերություն և իրականացնում է Հայաստանի երկաթուղային համակարգի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով:
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
"Խաղաղության խաչմերուկն" իրականությունից կտրված նախագիծ է
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
"Խաղաղության խաչմերուկը" Անկարայի և Բաքվի կողմից Երևանին պարտադրված պանթյուրքական նախագիծ է. Արթուր Խաչատրյան
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
Դաշնակիցներ, ուղեկիցներ և դաշինքների պատրանքներ. Մարկեդովնովը՝ Հայաստանի արտաքին քաղաքականության մասին՝ նոր իրողություններում
Քաղաքական գործիչ. ՌԴ-ի և ՀԱՊԿ-ի հետ դաշինքի խզումը և Երևանի կողմնորոշումը դեպի Արևմուտք կարող է կործանարար լինել Հայաստանի համար
Քաղաքական գործիչ. հայ ժողովուրդը պետք է ընտրություն կատարի պատերազմի և ՀՀ վարչապետի հրաժարականի միջև
