Կոռուպցիոն դրսևորումները դեռ տեղ են գտնում կրթական ոլորտում, խոստովանել է ԿԳՆ ղեկավար Արմեն Աշոտյանը` մայիսի 25-ին տեղի ունեցած մամուլի ասուլիսում: Նա հավելել է, որ այդ խնդիրը հնարավոր չէ լուծել ամենակարճ ժամկետում:
Միևնույն ժամանալ վերջին տարում կրթության ոլորտում հաջողվել է իրագործել մի շարք ծրագրեր: Մասնավորապես, 13 դպրոցում փորձարկվել է «Ազգային երգ ու պար» առարկան, որը, ԿԳ նախարարի գնահատմամբ, եղել է հաջողված փորձարկում՝ թեպետ ծրագրի չափորոշիչները դեռևս ունեն բարելավման անհրաժեշտություն: Գալիք ուսումնական տարվանից «Ազգային երգ ու պար» առարկան կներդրվի Երևանի և մարզերի ևս 100 դպրոցում:
Բացի այդ, «Մեկ աշակերտին` մեկ համակարգիչ» փորձնական ծրագիրը գալիք սեպտեմբերից կներդրվի Վոյոց Ձորի մարզում. «Այժմ ընթացքի մեջ են տեխնիկական և բովանդակային աշխատանքներ, որպեսզի ապահովվի ի սկզբանե մեր առջև դրված խնդիրը, այն է` դպրոց մտնող աշակերտին տրամադրել ոչ միայն տեխնիկական միջոց, այլև հայալեզու կրթական բովանդակություն: Ծրագրի առաջին փուլի փորձարկումը կտևի 4 տարի, քանի որ մենք պետք է գնահատենք ծրագրի ազդեցությունը տարրական դպրոցի վրա, որից հետո, ամփոփելով արդյունքները, ծրագիրը կընդլայնվի: Արդյունքում մենք կստեղծենք էլեկտրոնային նոր մատչելի պաշար»,- ասել է Ա. Աշոտյանը:
Ընդունվել է «Գիտական
փորձքաննության մասին» ՀՀ
օրենքը, որը ոլորտի համար մայր օրենք է. «Այս օրենքի գոյությունը կարևոր է գիտության նպատակային ֆինասվորման տեսանկյունից և
սրանով կարգավորվում են
տարիներ շարունակ գիտական
գործունեությամբ զբողվող մարդկանց կողմից
բարձրաձայնված բազմաթիվ հարցեր»,- նշել
է նախարարը:
ՀԲ վարկային միջոցներով «Նորարարությունների մրցակցային հիմնադրամի» աջակցությամբ 10 բուհերում 10 նորարարական մրցակցային կենտրոններ են ձևավորվել, որոնք
նպատակ ունեն նպաստել
հետազոտական բաղադրիչի ընդլայնմանը բուհերում:
«Այբ» հիմնադրամի հետ
համատեղ մեկնարկել է Կրթության գերազանցության ազգային ծրագրի իրագործումը, կազմակերպվել են հանրային լայն
քննարկումներ բոլոր մարզերում և
Երևանում.
«Մենք արդեն եզրափակում ենք
հանրային քննարկումների փուլը
և սկսում ենք
աշխատել կառավարության որոշման
նախագծի մշակման ուղղությամբ»:
Դրական ձեռքբերումների թվում է Հայաստանում Լոմոնոսովի անվան Մոսկվայի պետական համալսարանի մասնաճյուղի բացումը: Նախարարի պարզաբանմամբ՝ ՄՊՀ
մասնաճյուղը չի լինելու
երկրորդ ռուսական բուհ
ՀՀ-ում, քանի
որ Հայ–ռուսական (Սլավոնական) համալսարանը նաև
հայկական բուհ է, ինչպես
Հայաստանում գործող մյուս միջպետական բուհերը՝ Ֆրանսիական համալսարանը, Հայաստանի ամերիկյան համալսարանը: Միջազգային վարկանշային սանդղակներում
Լոմոնոսովի անվան համալսարանը զբաղեցնում է
բավական բարձր հորիզոնականներ և
մասնաճյուղի գործունեությունը, նախարար Ա. Աշոտյանի
համոզմամբ, կխթանի
միջբուհական մրցակցությունը Հայաստանում:
Ասուլիսի ընթացքում նախարարն անդրադարձել է նաև կրթության ներառականության և բուհերում ներդրված սոցիալական փաթեթների վերաբերյալ հարցերին: Նախարարի խոսքով՝ թեև ներառական կրթության ոլորտում բազմաթիվ խնդիրներ կան, սակայն հանրակրթության ոլորտում անցումը համատարած ներառականության այս ոլորտում կատարված համարձակ քայլ է եղել: Ինչ վերաբերում է ուսման վարձավճարներին և ուսանողների սոցիալական խնդիրներին՝ Ա. Աշոտյանն ընդգծել է, որ օրենքով հստակ սահմանված են սոցիալական այն խմբերը, ովքեր կարող են ուսման վարձի զեղչ ստանալ:
Աշոտյանն անդրադարձել է նաև այն ուսանողների ուսման վարձի վճարման թեմային, ում ծնողները «Նաիրիտ» գործարանի նախկին աշխատակիցներ են, որը 2010 թվականի ապրիլից պարապուրդի է մտնված, իսկ 2015 թվականի փետրվարի 6-ին «Նաիրիտի» 1700 աշխատակիցներ աշխատանքից ազատվեցին: Հաշվի առնելով ստեղծված իրավիճակը` «նաիրիտցիների» երեխաներին հնարավորություն է ընձեռվել բուհում ուսման վարձը վճարել ուշացումով: