Արմինֆո.ՀԱՊԿ երկրների նախագահներն, ամենայն հավանականությամբ, դեռ չեն համաձայնեցրել կազմակերպության գլխավոր քարտուղարի թեկնածությունը, ինչի պատճառով հարցը հետաձգվել է մինչև ընթացիկ տարվա դեկտեմբեր: ԱրմԻնֆո-ի թղթակցի հետ զրույցում այդպիսի կարծիք է հայտնել Պաշտպանության, ազգային անվտանգության և ներքին գործերի մշտական հանձնաժողովի նախագահ Կորյուն Նահապետյանը:
Նա նաև հայտարարել է, որ քաղաքական ենթատեքստ չի տեսնում այդ հարցում: ՙԿարծում եմ՝ դեկտեմբերին մենք կներկայացնենք թեկնածուին, ով կհամապատասխանի կազմակերպության բոլոր պահանջներին և ընդունելի կլինի մասնակից բոլոր երկրների համար՚,- ընդգծել է Նահապետյանը: Ըստ որում, նա գտնում է, որ Երևանում ՀԱՊԿ Հավաքական անվտանգության խորհրդի միջոցառումներն ընթացել են դրական մթնոլորտում: ՙԸնդունվել է մինչև 2025 թ. ՀԱՊԿ ռազմավարությունը, և դա շատ կարևոր փաստաթուղթ է: Կարծում եմ, որ հայկական կողմը հոգացել է, որպեսզի այն ռիսկեր չպարունակի՚,- ընդգծել է նա:
Պատգամավոր Խաչատուր Քոքոբելյանն իր հերթին հայտարարել է, որ ընդունված ռազմավարությունը վտանգավոր է ՀԱՊԿ մասնակից բոլոր երկրների համար, քանի որ դրա օգնությամբ Ռուսաստանը կփորձի դիմակայել ՆԱՏՕ-ին: Բացի այդ, նրա կարծիքով, Ռուսաստանը և Ղազախստանը դիտավորյալ թույլ չեն տալիս Հայաստանի ներկայացուցչի նշանակումը ՀԱՊԿ գլխավոր քարտուղարի պաշտոնում, քանի որ այդ երկրները հետաքրքրություն ունեն ղարաբաղյան հարցի նկատմամբ: ՙՀայաստանի ներկայացուցիչը ՀԱՊԿ գլխավոր քարտուղարի պաշտոնում կարող է ՙխաթարել ղարաբաղյան հարցում կաղմակերպության հավերժ լռությունը՚: Բացի այդ, Ռուսատանին ավելի հեշտ է վերահսկել այդ պաշտոնում իր թեկնածուին, քան այլ երկրի ներկայացուցչի՚,- նշել է նա: Ըստ որում, պատգամավորը համոզմունք է հայտնել, որ ՀԱՊԿ-ը ոչ մի կերպ Հայաստանի անվտանգությունն ապահովել չի կարող:
Պատգամավոր Թևան Պողոսյանի կարծիքով, ՀԱՊԿ գլխավոր քարտուղարի պաշտոնի ռոտացիայի հետաձգման պատճառով ողբերգություն սարքել պետք չէ: ՙԴա արհեստականս կառույց է, հետևաբար՝ պետք չէ լուրջ վերաբերել այն բանին, թե գլխավոր քարտուղարի պաշտոնում Հայաստանի ներկայացուցիչ կլինի կամ ոչ՚,- հայտարարել է նա: Ըստ որում, Պողոսյանն ավելացրել է, որ այդ հարցում Երևանի դեմ ՙդավադրություն՚ չի տեսնում, քանի որ ռոտացիայի հետաձգումը պայմանավորված է աշխարհաքաղաքական բարդ իրավիճակով և անհրաժեշտությամբ, որ կառույցն առայժմ գլխավորի Ռուսաստանի ներկայացուցիչը: ՙՀայաստանը և հայ պաշտոնյաները պետք է հասկանան, որ պետք է ապավինել սեփական ուժերին, ոչ ոք մեզ չի պաշտպանելու՚,- ընդգծել է նա:
Հիշեցնենք, որ հոկտեմբերի 14-ին ՀՀ նախագահ Սերժ Սարգսյանը ՀԱՊԿ ՀԱԽ նիստի շրջանակներում հայտարարել էր, որ ՀԱՊԿ գլխավոր քարտուղարի հարցը հանված է օրակարգից՜ միաժամանակ հավելելով, որ կազմակերպության անդամ-երկրներն այդ հարցին կվերադառնան տարեվերջին Ռուսաստանում:
Նշենք, որ ավելի վաղ որոշվել էր ռոտացիա իրականացնել ՀԱՊԿ գլխավոր քարտուղարի մակարդակով, յուրաքանչյուր երեք տարին մեկ անգամ՜ հաշվի առնելով ռուսական այբուբենը: Երևանում կայացած հանդիպման ժամանակ պետք է նշվեր Հայաստանից ՀԱՊԿ գլխավոր քարտուղարի անունը: Այդ պաշտոնի համար շրջանառվում էին տարբեր թեկնածուներ: Սակայն, Սերժ Սարգսյանի ընտրությունը կանգ էր առել Հայաստանի անվտանգության խորհրդի քարտուղար Յուրի Խաչատուրովի վրա: Այդուհանդերձ, իր անմիջական շրջապատին Սերժ Սարգսյանը դեռ մեկ ամիս առաջ ասել էր, որ ռոտացիա, ամենայն հավանականությամբ, չի լինի, և դա, նույնիսկ, ձեռնտու է Հայաստանին: Ըստ աղբյուրի, նախագահն ընդգծել էր, որ Ռուսաստանից գլխավոր քարտուղարը համապատասխանում է Հայաստանի շահերին:
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
"Խաղաղության խաչմերուկն" իրականությունից կտրված նախագիծ է
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
Թեհրան. Հարավային Կովկասում օտարերկրյա զորքերի ներկայությունը չի նպաստում անվտանգության և կայունության հաստատմանը
Լավրով․Հայաստանի իշխանությունների միակողմանի զիջումները Հայաստանի սահմանները դարձնում են շարժական
"Ինչ լավ է, որ 50 մետր հեռավորության վրա Ադրբեջանն է". Փաշինյանը տավուշցիներին նշել է ադրբեջանցիների հետ առևտրի հեռանկարները
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Ռուս սենատոր. Հայաստանի իշխանությունների այսօրվա քաղաքականությունը կարող է հարված հասցնել տարածաշրջանային և համաշխարհային գործերում Երևանի հեռանկարներին
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
Դաշնակիցներ, ուղեկիցներ և դաշինքների պատրանքներ. Մարկեդովնովը՝ Հայաստանի արտաքին քաղաքականության մասին՝ նոր իրողություններում
