Վրացական կողմը զենքի դիմաց պարտքի շուրջ պայմանավորվել է իսրայելական արտադրողի հետ, պնդում է Վրատսանի ԱԳՆ

• Երեքշաբթի, 24 հունվարի, 14:15

Վրացական կողմը պայմանավորվածություն է ձեռք բերել իսրայելական Elbit Systems ընկերության հետ նախորդ տարիներին Վրաստան մատակարարված զենքի դիմաց վճարման խնդրի շուրջ: Այդ մասին հայտարարել է Վրաստանի փոխարտգործնախարար Նինո Կալանդաձեն` ձեռնպահ մնալով մանրամասներ հաղորդելուց:

Մինչդեռ իսրայելական ԶԼՄ-ներն ավելի վաղ հաղորդել էին, որ Elbit Systems ընկերությունը դատարան է դիմել մատակարարված զենքի դիմաց Վրաստանի կառավարությունից շուրջ 100 մլն դոլար գանձելու պահանջով: Վերջին օրերին ԶԼՄ-ներում հաղորդումներ են հայտնվել այն մասին, որ վրացական կողմը կվճարի 35 մլն դոլար և կվերադարձնի մատակարարված սարքավորման մի մասը: Խոսքը վերաբերում է 2007 թվականին ստորագրված մի քանի պայմանագրերի: Ըստ ԶԼՄ-ների, մոտավորապես այդ ժամանակ Վրաստանը Elbit Systems-ից գնել է 40 անօդաչու թռչող սարք` Hermes 450, իսրայելական կողմը նաև Վրաստանին աջակցել է ՍՈՒ-25 գրոհայինների արդիականացման գործում, որոնք թողարկվում են Թբիլիսիի ավիագործարանում: