Հայաստանի գլխավոր մարքսիստն իրեն համեմատել է ֆելդմարշալի հետ

• Ուրբաթ, 27 հունվարի, 16:47

 Հայաստանի մարքսիստական կուսակցության առաջնորդ Դավիթ Հակոբյանը հիացած է Գագիկ Ծառուկյանով:

Հունվարի 27-ին կայացած մամուլի ասուլիսում մեկնաբանելով այն լուրերը, որ առաջիկա խորհրդարանական ընտրություններում ԲՀԿ իրեն կաջակցի, Հակոբյանը հայտարարել է. ՙԵթե կուսակցության առաջնորդ Գագիկ Ծառուկյանն ինձ հրավիրի որպես ազգային կադրային պահեստայինի, ապա ես կմտածեմ: Այստեղ գլխավորն է հասկանալ, թե ինձ ինչ դեր կվերապահվի: Եթե ֆելդմարշալին տան ֆելդֆեբելի լիազորություններ, նա ոչինչ չի կարող անել՚:

Գլխավոր մարքսիստը միևնույն ժամանակ ընդգծել է, որ գաղափարական և ֆինանսական կապիտալների միավորումը կարող է փայլուն արդյունք տալ: Նա նաև խորին հիացմունք է հայտնել Ծառուկյանի եռանդի և տնտեսության ոլորտի խոր գիտելիքների առնչությամբ: