Հիլարի Քլինթոնը խոստանում է նախագահի պաշտոնում ճանաչելՀայոց ցեղասպանությունը

• Ուրբաթ, 27 հունվարի, 14:36

ԱՄՆ պետքարտուղար, սենատոր Հիլարի Քլինթոնը հայտարարել է, թե երկրի նախագահի պաշտոնում կօրինականացնի Հայոց ցեղասպանության փաստը: Այդ մասին ասվում է հայ-ամերիկյան բարեկամությանն առնչվող Քլինթոնի հայտարարության մեջ:

ԱՄՆ պետքարտուղարի ասելով, նախագահության թեկնածուների թվում ինքը վաղուց աջակցում է Հայոց ցեղասպանության ճանաչմանը և 2002 թվականից Ցեղասպանության վերաբերյալ բանաձևի հովանավոր է ու աջակցել է Կոնգրեսի Ներկայացուցիչների պալատի կողմից օրինագծի ընդունմանը: ՙԵս կարծում եմ, որ Օսմանյան կայսրությունում հայերի նկատմամբ իրագործված սարսափելի իրադարձությունները ոչ այլ ինչ են, եթե ոչ` ցեղասպանություն: Ես երկու անգամ գրել եմ նախագահ Բուշին, նրան կոչ անելով իր ամենամյա ուղերձում այդ իրադարձությունները որակել ցեղասպանություն, ես ճանաչում եմ Հայոց ցեղասպանությունը: Մեր բարոյականությունը և վստահությունը որպես ժողովուրդ կայանում է այն բանում, որպեսզի մեր ձայնը բարձրացնենք ի պաշտպանություն մարու իրավունքների և երաշխավորենք, որպեսզի ԱՄՆ Կոնգրեսը և նախագահը ճանաչեն և հիշատակեն Հայոց ցեղասպանությունը՚, - ասվում է հայտարարության մեջ:

Հիշեցնենք, որ ԱՄՆ-ում նախագահական ընտրություններ կանցկացվեն առաջիկա նոյեմբերին: Հայոց ցեղասպանությունը ճանաչելու հավաստիացումներով հանդես են եկել ԱՄՆ նախագահի թեկնածուների մեծ մասը, այդ թվում` Հիլարիի ամուսին Բիլ Քլինթոնը: Սակայն ստանձնելով պաշտոնը, նրանք հրաժարվել են իրենց խոստումներից` վախենալով փչացնել հարաբերությունները Թուրքիայի հետ:

Միևնույն ժամանակ, ինչպես հաղորդում է ԻՏԱՌ-ՏԱՍՍ-ը, ԱՄՆ պետքարտուղարն իր գերատեսչության աշխատակիցների հետ հանդիպմանը հայտարարել է, թե ԱՄՆ Ֆրանսիայի ուղին չի ընտրի եւ Օսմանյան Թուրքիայի օրոք կատարված Հայոց ցեղասպանության փաստը ժխտելու համար քրեական պատիժ չի սահմանի: ՙՄեր ուժեղագույն կողմերից մեկն այն է, որ մենք խոսքերը չենք քրեականացնում: Մարդիկ կարող են ասել գրեթե ամեն ինչ, ինչ ցանկանում են, եւ մեր երկրում նրանք այդպես էլ անում են: Այլ երկրներ, այդ թվում` մեր մտերիմ բարեկամներն ու դաշնակիցները, այնպես, ինչպես Ֆրանսիան, այլ չափանիշներ ունեն: Բայց մենք, հուսով եմ, խոսքերը քրեականացնելու ուղին երբեք չենք ընտրի՚, - ընդգծել է Հիլարի Քլինթոնրը: