ՙԼրագրողներ առանց սահմանների՚ կազմակերպությունը Ֆրանսիայի խորհրդարանականներին կոչ է արել Սահմանադրական դատարանում բողոքարկել Հայոց ցեղասպանության ժխտման քրեականացման մասին օրենքը

• Ուրբաթ, 27 հունվարի, 13:18

 ՙԼրագրողներ առանց սահմանների՚ միջազգային  կազմակերպությունը բաց ուղերձ է հղել Ֆրանսիայի խորհրդարանի անդամներին` կոչ անելով Սահմանադրական դատարանում բողոքարկել Հայոց ցեղասպանության ժխտման քրեականացման մասին օրենքը:

ՙՄենք լիովին կիսում ենք նրանց արդարության ձգտումը, ովքեր հանդես են գալիս այդ օրենքի ընդունման օգտին, և լիովին հասկանում ենք զոհերի ժառանգների վիշտը: Ցեղասպանության ժխտման և ատելության դեմ պայքարն անհրաժեշտ է: Սակայն մենք պետք է ընդգծենք, որ դրան չի կարելի հասնել խոսքի ազատության սահմանադրական սկզբունքի խախտման գնով: Պատմական փաստի վերածումն անառիկ դոգմայի վտանգավոր էքսցեսների դուռ է բացում: Դա հենց այն է, ինչ անում են թուրքական իշխանությունները, պատժելով նրանց, ովքեր կարծում են, թե 1915 թվականին հայերի ցեղասպանություն տեղի չի ունեցել՚, - նշվում է կազմակերպության ուղերձում: