Ռոբերտ Քոչարյանը Ռուսաստանին խոստացել է մայիսյան ընտրություններում չսատարել ՀՀԿ-ին

• Ուրբաթ, 27 հունվարի, 12:00

 Հայաստանի նախկին նախագահ Ռոբերտ Քոչարյանն օրերս հանդիպել է Հայաստանում Ռուսաստանի դեսպանության ներկայացուցիչների հետ: Ինչպես գրում է ՙԺամանակ՚ թերթը, վկայակոչելով սեփական աղբյուրները, ռուսաստանցի դիվանագետները ցանկացել են պատկերացում կազմել նախկին նախագահի քաղաքական ծրագրերի մասին, պարզել, թե որքան լուրջ են նրա քաղաքականություն վերադառնալու մասին խոսակցությունները:

Քոչարյանը դիվանագետներին խոստացել է ամենամոտ ժամանակներս հանդես գալ հրապարակային հայտարարությամբ, որում մտադիր է ներկայացնել իր ծրագրերը, մոտեցումները մայիսին կայանալիք ընտրությունների վերաբերյալ, ինչպես նաև կուսակցությունը, որին ինքը մտադիր է սատարել այդ ընտրություններում: Ընդ որում նախկին նախագահը ռուս դիվանագետներին հավաստիացրել է, որ այդ քաղաքական ուժը, հաստատ, Հայաստանի հանրապետական կուսակցությունը չի լինի: